Yohanes 19:34 - Perjanjian Baru Bahasa Melayu Maluku Utara

³⁴ Tapi satu dari tentara-tentara di situ tikam Yesus pe lambung deng tombak, kong langsung dara yang baku tacampur deng aer kaluar.

Yohanes 19:34 Referans Kwoze

1 Yohanes 5:6

Yesus Kristus itu suda yang Tuhan Allah utus untuk datang di dunia ini. Dia dapa baptis, kong Dia lagi dapa salib sampe Dia pe dara tatumpa. Yesus bukang cuma dapa baptis saja, tapi dapa salib lagi supaya jadi jelas Dia itu dari Tuhan Allah, kong Tuhan Allah pe Roh bilang samua itu butul, barang Roh itu tara perna bafoya.

1 Yohanes 5:8

Tuhan pe Roh, aer yang Yohanes pake untuk baptis Yesus, deng Yesus pe dara yang tatumpa di kayu salib. Tiga ini yang kase bukti Yesus datang dari Tuhan Allah.

Wahyu 7:14

Kita jawab, “Bapa saja yang tau sapa dorang itu.” Kong dia bilang pa kita, “Dorang itu orang-orang yang so bebas dari sengsara yang hebat skali. Dorang pe baju so jadi puti bersi, itu pe arti, dorang pe dosa-dosa so dapa tebus, karna Anak Domba so mati untuk dorang.

Efesus 5:26

Yesus Kristus mati, supaya torang Dia pe jemaat bole jadi Dia pe umat yang bersi dari dosa karna torang so dengar Dia pe firman deng torang so dapa baptis.

Wahyu 1:5

deng pa Yesus Kristus. Yesus Kristus itu yang setia kase tau Tuhan Allah pe pasáng. Dia itu yang kamuka hidup ulang dari antara orang mati. Kong Dia itu Yang Paling Berkuasa dari samua raja di bumi ini. Yesus Kristus itu sayang pa torang. Dia pe dara yang tatumpa waktu Dia mati di kayu salib, kase bebas pa torang dari torang pe dosa-dosa.

1 Petrus 3:21

Banjir basar itu, kalu skarang bole kase sama deng baptisan. Baptisan itu pe tujuan bukang untuk kase bersi ngoni pe badan dari yang kotor, tapi untuk minta pa Tuhan Allah supaya kase bersi ngoni pe hati dari dosa. Baptisan itu jadi tanda, Tuhan Allah so kase slamat pa torang karna Yesus Kristus so mati kong hidup ulang.

Ibrani 9:22

Memang kalu iko aturan-aturan yang ada di lima kitab Musa, amper samua barang bisa kase jadi bersi pa Tuhan Allah pe muka pake binatang korban persembahan pe dara, kong kalu manusia pe dosa-dosa mo dapa ampun, musti ada dara yang tatumpa.

Ibrani 9:13

Barang, kalu iko aturan di lima kitab Musa, kalu orang mo biking dong pe diri jadi bersi dari dosa la mo semba ulang pa Tuhan Allah, orang itu musti dapa percik deng kambing pe dara atau sapi laki-laki pe dara atau sapi paranggang yang dong so bakar pe abu, supaya orang itu pe diri jadi bersi dari dosa.

Titus 2:14

Dia yang so serakan Dia pe diri untuk mati la kase bebas pa torang dari torang pe dosa. Dia biking torang pe hati jadi bersi, sampe torang jadi Dia pe umat sandiri yang suka biking barang yang bae.

1 Korintus 6:11

Deng ada babarapa dari ngoni yang dulu pe kalakuang tara bae bagitu. Tapi skarang so tarada, karna Tuhan Allah so kase bersi pa ngoni dari dosa. Tuhan Allah so biking ngoni jadi Dia pe umat sandiri deng biking ngoni jadi orang yang tara sala pa Dia pe muka. Tuhan Allah biking samua itu karna Tuhan Yesus Kristus so mati untuk kase slamat pa torang, deng karna Roh dari torang pe Tuhan Allah bakarja di ngoni pe hati.

1 Korintus 1:30

Barang, Tuhan Allah sandiri yang buka jalang untuk ngoni, supaya ngoni bole percaya pa Kristus Yesus. Deng bagitu, torang bole tau Tuhan Allah pe rencana yang bijaksana untuk kase slamat pa manusia. Yesus Kristus itu yang biking torang jadi orang yang tara sala pa Tuhan Allah pe muka deng yang biking torang jadi Dia pe umat, deng Yesus me yang tebus torang pe dosa-dosa.

Matius 27:62

Dia pe beso, pas hari Sabat, imam-imam kapala deng orang-orang Yahudi dari aliran Farisi pigi mangada pa gubernur Pilatus.

Kisah Para Rasul 22:16

Skarang, jang tunggu lama! Badiri suda, kong kase ngana pe diri dapa baptis, minta pa Tuhan supaya Dia kase ampun ngana pe dosa-dosa.’

Yohanes 19:33

Tapi waktu dorang sampe pa Yesus kong dorang lia Yesus so mati, dorang tara kase pata Dia pe kaki.

Yohanes 20:20

Kong abis Yesus bilang bagitu, Dia kase lia pa dorang Dia pe tangan deng lambung. Murit-murit itu sanang skali waktu dorang lia pa Tuhan.