Yohanes 19:30 - Perjanjian Baru Bahasa Melayu Maluku Utara

³⁰ Yesus isap anggur itu, kong abis itu Dia bilang, “Skarang so selesai.” Kong Yesus batundu, turus Dia serakan Dia pe nyawa.

Yohanes 19:30 Referans Kwoze

Yohanes 17:4

Bapa, Kita so kase selesai samua karja yang Bapa suru Kita biking di dunia ini. Kong deng apa yang Kita biking itu, orang-orang dapa lia Bapa pe kuasa yang luar biasa.

Filipi 2:8

Kong waktu Dia jadi manusia, Dia biking Dia pe diri macam deng orang yang tarada arti apa-apa, Dia biking Tuhan Allah pe mau sampe Dia mati, mala sampe mati di kayu salib.

Ibrani 12:2

Mari suda torang biking turus sama deng orang yang iko lomba itu, jang lia kiri-kanan tapi lia pa Yesus turus. Barang, Dia yang pimpin pa torang, supaya torang bole percaya pa Tuhan Allah, deng Dia yang biking torang pe percaya jadi sempurna. Waktu dapa salib, Dia tetap batahang. Deng biar Dia dapa hina, Dia tara peduli, karna Dia tau, abis itu, Dia akan sanang. Skarang, Dia so ada di tampa yang terhormat, pa Tuhan Allah pe sabla kanan di sorga.

Yohanes 10:11

Kita ini bole kase sama deng gembala yang bae yang jaga bae-bae dia pe domba. Gembala yang bae siap mati asal dia pe domba-domba bole slamat.

Lukas 23:46

Turus Yesus bataria kuat-kuat, Dia bilang, “Bapa, Kita serakan Kita pe nyawa pa Bapa.” Abis bilang bagitu, Yesus putus napas.

Roma 10:4

Tuhan Allah pe jalang itu Yesus Kristus. Karna deng Yesus Kristus mati, orang tara usa iko aturan yang ada di lima kitab Musa lagi untuk jadi orang yang butul pa Tuhan Allah pe muka. Kalu dorang percaya pa Yesus Kristus, dorang itu mo jadi orang yang tara sala pa Tuhan Allah pe muka.

Yohanes 19:28

Yesus tau, Dia so kase selesai samua yang Tuhan Allah suru Dia biking. Jadi, Yesus bilang, “Kita aus”. Deng Yesus bilang bagitu, apa yang tatulis di Kitab Suci dulu itu so jadi.

Markus 15:37

Turus Yesus bataria kuat-kuat, kong Dia putus napas.

Yohanes 10:18

Tarada orang yang bole ambe Kita pe hidup dari Kita, tapi Kita mo kase Kita pe hidup, iko Kita pe mau sandiri. Kita ada kuasa mo kase Kita pe diri untuk mati, deng Kita lagi ada kuasa mo ambe itu ulang. Barang samua parenta itu Kita so tarima dari Kita pe Bapa.”

Yohanes 4:34

Yesus bilang pa dorang, “Kita pe makanang itu, Kita biking apa yang Tuhan Allah mau. Tuhan Allah itu yang utus pa Kita deng Kita musti kase abis Kita pe karja yang Dia suru Kita biking.

Matius 20:28

Itu sama deng Anak Manusia yang dari sorga datang di dunia ini bukang untuk dapa layani, tapi untuk layani deng kase diri mati la tebus orang banya pe dosa.”

Matius 27:50

Turus Yesus bataria lagi kuat-kuat, kong Dia serakan Dia pe nyawa.

Ibrani 9:22

Memang kalu iko aturan-aturan yang ada di lima kitab Musa, amper samua barang bisa kase jadi bersi pa Tuhan Allah pe muka pake binatang korban persembahan pe dara, kong kalu manusia pe dosa-dosa mo dapa ampun, musti ada dara yang tatumpa.

Roma 3:25

Tuhan Allah utus pa Kristus Yesus di dunia ini supaya Dia mati kong Dia pe dara tatumpa di kayu salib. Tuhan Allah biking bagitu supaya Yesus dapa hukuman yang sebenarnya musti manusia yang dapa, kong deng bagitu Dia kase ampun manusia pe dosa asal dorang percaya pa Yesus. Waktu Yesus bolong mati, Tuhan Allah masi sabar deng manusia yang biking dosa. Tapi kalu Dia tara perna hukum orang yang berdosa, Dia tara adil. Jadi deng Yesus mati di kayu salib, Tuhan Allah kase tunju, Dia itu adil.

Matius 3:15

Tapi Yesus bilang pa dia, “Biar suda ngana yang baptis pa Kita. Barang, deng torang biking bagitu, torang so biking iko apa yang Tuhan Allah mau.” Pe dengar itu, Yohanes iko apa yang Yesus bilang.

1 Korintus 5:7

Buang suda samua ngoni pe kalakuang yang jahat itu, la ngoni jadi jemaat yang pe hati bersi. Itu bole kase sama deng waktu torang orang Yahudi biking hari raya Roti Tara Pake Ragi, torang buang samua ragi dari torang pe ruma, kong tong biking adonan yang baru yang tara pake ragi. Ngoni memang so bersi karna ngoni so percaya pa Yesus Kristus yang mati untuk tebus torang pe dosa-dosa. Dia itu bole kase sama deng domba yang torang potong untuk biking jadi korban persembahan di torang pe hari raya.

Lukas 22:37

Kita bilang pa ngoni, apa yang Tuhan Allah janji di Kitab Suci tentang Kita, memang mo jadi. Ini yang tatulis di Kitab Suci, ‘Orang anggap, Dia itu orang jahat.’ Karna apa yang ada tatulis tentang Kita, skarang samua itu mo jadi.”