Yohanes 19:28 - Perjanjian Baru Bahasa Melayu Maluku Utara

²⁸ Yesus tau, Dia so kase selesai samua yang Tuhan Allah suru Dia biking. Jadi, Yesus bilang, “Kita aus”. Deng Yesus bilang bagitu, apa yang tatulis di Kitab Suci dulu itu so jadi.

Yohanes 19:28 Referans Kwoze

Yohanes 19:30

Yesus isap anggur itu, kong abis itu Dia bilang, “Skarang so selesai.” Kong Yesus batundu, turus Dia serakan Dia pe nyawa.

Lukas 22:37

Kita bilang pa ngoni, apa yang Tuhan Allah janji di Kitab Suci tentang Kita, memang mo jadi. Ini yang tatulis di Kitab Suci, ‘Orang anggap, Dia itu orang jahat.’ Karna apa yang ada tatulis tentang Kita, skarang samua itu mo jadi.”

Yohanes 19:24

Jadi, dorang baku bilang, “Juba ini torang tara usa robe untuk kase bage-bage, tapi torang cabu undi suda la tentukan sapa yang mo dapa juba ini.” Baju deng juba itu dorang biking bagitu, itu sama deng yang so tatulis dulu di Kitab Suci. Ini yang tatulis, “Dorang kase bage-bage Kita pe baju di antara dorang, kong dorang cabu undi untuk dapa Kita pe juba.” Jadi deng tentara-tentara biking itu, apa yang so tatulis di Kitab Suci dulu itu so jadi.

Lukas 18:31

Yesus kase kumpul pa Dia pe dua blas murit, kong bilang pa dorang, “Dengar e! Skarang torang mo pigi ka atas di kota Yerusalem. Di sana, samua yang nabi-nabi so tulis tentang Anak Manusia yang dari sorga itu mo jadi.

Yohanes 18:4

Tapi, Yesus so tau samua yang mo jadi pa Dia nanti. Jadi, Dia maju di muka kong bilang pa dorang, “Ngoni cari pa sapa?”

Yohanes 13:1

Tinggal satu hari lagi orang agama Yahudi pe hari raya Paska so mo mulai. Hari raya itu dorang inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir. Kong Yesus tau, so tara lama lagi Dia mo kase tinggal dunia ini la mo pigi pa Dia pe Bapa di sorga. Dia sayang pa orang-orang di dunia yang so jadi Dia pe umat, kong skarang Dia mo kase tunju, Dia salalu sayang pa dorang sampe Dia pe ahir hidup.

Kisah Para Rasul 13:29

Turus, dorang biking samua yang nabi-nabi so bilang dari dulu tentang Dia. Dorang bunu pa Dia baru dorang kase turung pa Dia dari salib kong dong kubur pa Dia.

Lukas 9:31

Dorang dua lagi bacahaya luar biasa. Dorang bicara tentang Yesus yang mo mati iko Tuhan Allah pe rencana, kong itu mo jadi di Yerusalem.

Lukas 12:50

Tapi masi ada lagi sengsara yang akan Kita mo dapa, kong Kita pe hati tara tenang sebelum sengsara itu Kita dapa.

Yohanes 4:34

Yesus bilang pa dorang, “Kita pe makanang itu, Kita biking apa yang Tuhan Allah mau. Tuhan Allah itu yang utus pa Kita deng Kita musti kase abis Kita pe karja yang Dia suru Kita biking.

Yohanes 17:4

Bapa, Kita so kase selesai samua karja yang Bapa suru Kita biking di dunia ini. Kong deng apa yang Kita biking itu, orang-orang dapa lia Bapa pe kuasa yang luar biasa.

Yohanes 19:36

Tentara tara kase pata Yesus pe kaki, supaya apa yang tatulis di Kitab Suci itu jadi. Bagini yang so tatulis di Kitab Suci, “Tara ada satu dari Dia pe tulang yang dapa kase pata.”