Yohanes 19:26 - Perjanjian Baru Bahasa Melayu Maluku Utara

²⁶ Waktu Yesus lia Dia pe mama deng Dia pe murit yang Dia sayang ada badiri pa Dia pe mama pe pinggir, Yesus bilang pa Dia pe mama, “Mama, Kita pe murit itu, mama anggap saja dia itu mama pe ana skarang.”

Yohanes 19:26 Referans Kwoze

Yohanes 21:24

Murit yang Yesus sayang itu, dia itu suda yang ada kase tau deng yang tulis samua yang ada di kitab ini. Torang samua tau, yang dia kase tau itu butul.

Yohanes 20:2

Jadi dia lari pigi pa Simon Petrus deng pa murit yang Yesus sayang. Pe sampe pa dorang, Maria bilang, “Woe, orang-orang so ambe Tuhan pe mayat dari kubur, kong torang tara tau dorang taru pa Dia di mana!”

Yohanes 13:23

Di situ, ada murit satu yang Yesus paling sayang. Murit itu ada dudu dekat skali deng Yesus.

Yohanes 2:4

Kong Yesus bilang pa Dia pe mama, “Mama, jang bilang bagitu pa Kita. Bolong sampe dia pe waktu untuk Kita kase tunju Kita pe kuasa.”

Yohanes 21:7

Kong murit yang Yesus sayang itu bilang pa Petrus, “Itu Tuhan!” Waktu Petrus dengar itu Tuhan, dia pake dia pe baju, barang tadi dia ada buka baju, kong dia balumpa di talaga.

Yohanes 21:20

Waktu itu, Petrus balia ka balakang, dia lia, murit yang Yesus sayang ada iko pa dorang. Murit itu yang dulu dudu baku dekat deng Yesus waktu dorang ada makang sama-sama sebelum Yesus mati. Kong waktu itu, dia itu yang ada batanya, “Tuhan, sapa yang mo bahianat pa Tuhan?”