Yohanes 19:19 - Perjanjian Baru Bahasa Melayu Maluku Utara

¹⁹ Pilatus suru kase paku papan spanggal di atas salib itu, yang tatulis bagini, ‘Ini Yesus orang Nazaret, orang Yahudi pe Raja.’

Yohanes 19:19 Referans Kwoze

Matius 27:37

Pa Yesus pe atas kapala, dorang ada paku papan spanggal yang tatulis bagini, ‘Ini Yesus, orang Yahudi pe Raja’. Tulisan ini yang jadi alasan sampe dorang salib pa Yesus.

Lukas 23:38

Kong pa Yesus pe atas kapala ada papan spanggal satu tatulis bagini, “Ini orang Yahudi pe Raja.”

Markus 15:26

Kong alasan sampe dorang salib pa Yesus ada tatulis di papan spanggal yang dong ada kase paku di situ. Dia pe tulisan bagini, “Ini orang Yahudi pe raja.”

Yohanes 19:14

Hari itu, orang agama Yahudi ada basadia untuk biking dorang pe hari raya Paska untuk inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir. Waktu itu kira-kira jam dua blas siang, kong Pilatus bilang pa orang pemimpin-pemimpin agama Yahudi, “Coba lia, ini ngoni pe Raja!”

Kisah Para Rasul 3:6

Tapi Petrus bilang pa dia, “Kita tara doi sama skali, biar itu doi mas atau doi perak. Tapi apa yang ada pa kita, itu yang kita mo kase pa ngana skarang: deng Yesus Kristus orang Nazaret pe kuasa, kita suru ngana badiri la bajalang suda!”

Yohanes 19:21

Kong imam-imam kapala bilang pa Pilatus, “Bapa, jang tulis, ‘Orang Yahudi pe Raja’, tapi tulis saja, ‘Orang ini bilang Dia itu orang Yahudi pe Raja.’ ”

Yohanes 19:12

Waktu Pilatus dengar itu, dia mulai berusaha cari jalang untuk kase bebas pa Yesus. Tapi orang-orang agama Yahudi bataria, dorang bilang, “Kalu bapa kase bebas Orang ini, bapa tara batamang lagi deng raja basar Roma. Barang, tiap orang yang mangaku dia itu raja sama deng yang Yesus mangaku, dia itu so malawang pa raja basar Roma.”

Yohanes 19:3

Abis itu, dorang badekat pa Dia kong pura-pura hormat pa Dia, dorang bilang, “Hidup orang Yahudi pe Raja!” Kong dorang tampeleng pa Dia.

Yohanes 18:33

Abis itu, gubernur Pilatus maso ulang di istana kong pangge pa Yesus, turus batanya pa Dia, “Butul Bapa ini orang Yahudi pe Raja?”

Yohanes 1:49

Pe dengar itu, Natanael kage kong mangaku, “Guru, skarang kita percaya, Guru memang Anak Allah. Guru ini orang Israel pe Raja!”

Kisah Para Rasul 26:9

Dulu, kita me bapikir, tara mungkin Yesus orang Nazaret itu hidup ulang, jadi kita kira Dia pe ajaran itu sesat. Karna itu, kita biking apa saja untuk tantang Yesus pe nama, sampe kita me siksa pa orang-orang yang percaya pa Dia.

Matius 2:23

Waktu dorang sampe di daera Galilea, dong tinggal di kota satu yang pe nama Nazaret. Itu jadi sama deng apa yang Tuhan Allah so bilang dulu pa nabi-nabi bagini, “Dia itu akan dapa sebut, orang Nazaret.”

Lukas 18:37

Turus dorang kase tau pa dia, “Yesus, orang Nazaret itu ada lewat.”