Yohanes 19:11 - Perjanjian Baru Bahasa Melayu Maluku Utara

¹¹ Kong Yesus bilang pa dia, “Bapa memang ada kuasa pa Kita, tapi itu cuma Tuhan Allah yang kase kuasa itu pa bapa. Jadi, orang yang serakan Kita pa bapa, orang itu pe dosa lebe basar dari bapa pe dosa.”

Yohanes 19:11 Referans Kwoze

Roma 13:1

Tiap orang musti dengar-dengaran pa pemerinta, karna Tuhan Allah sandiri yang kase kuasa pa dorang, deng karna pemerinta-pemerinta yang ada itu Tuhan Allah yang pili.

Yohanes 3:27

Yohanes jawab pa dorang, “Biar suda, tara apa-apa. Manusia cuma mampo biking apa yang Tuhan Allah kase pa dorang.

Kisah Para Rasul 2:23

Tapi biar ngoni so tau itu, ngoni serakan Yesus pa orang jahat, kong dorang paku pa Dia di salib sampe mati. Tapi itu Tuhan Allah pe maksut deng rencana dari dulu, Dia yang serakan Yesus pa ngoni.

Kisah Para Rasul 3:13

Ngoni tau, Tuhan Allah yang torang pe orang tua dulu-dulu Abraham, Ishak deng Yakub jaga semba, Dia so biking Yesus dapa puji deng hormat. Yesus itu yang jaga biking apa yang Tuhan Allah suru. Tempo hari ngoni tara tarima pa Yesus, kong ngoni serakan Dia pa gubernur Pilatus supaya Dia dapa hukum. Padahal, waktu itu gubernur mo kase bebas pa Dia.

Yohanes 7:30

Pe dengar itu, dorang berusaha tangka pa Yesus, tapi tara ada orang yang dapa tangka pa Dia, karna waktu itu bolong sampe dia pe waktu yang Tuhan Allah tentukan.

Yakobus 1:17

Barang, samua yang bae deng sempurna yang torang dapa, itu datang dari Tuhan Allah yang di sorga. Dia itu torang pe Bapa yang biking matahari, bulan, deng bintang untuk kase tarang langit. Matahari, bulan, deng bintang itu basinar iko dia pe waktu untuk kase tarang dunia ini. Tapi Tuhan Allah tara bagitu, Dia tara beruba, Dia salalu bae.

Matius 6:13

Kong jang kase biar torang tagoda biking barang yang jahat, tapi kase lapas suda pa torang dari yang jahat. [Karna Bapa yang jadi Raja, Bapa yang punya kuasa, deng yang pantas dapa puji deng hormat sampe slama-lamanya. Amin.’]

Yakobus 4:17

Jadi kalu ada orang tau hal yang bae yang musti dia biking, kong dia tara biking, itu dia so berdosa.

Roma 11:36

Karna samua yang ada di dunia ini Tuhan Allah yang biking, kong samua itu Dia yang ator. Dia biking samua itu supaya Dia bole dapa puji. Jadi, mari suda torang puji deng hormat pa Dia sampe slama-lamanya! Amin.

Kisah Para Rasul 4:28

Itu samua jadi karna Tuhan Allah so tentukan dari dulu, kong itu Tuhan Allah pe mau deng Tuhan Allah pe kuasa.

Matius 27:2

Jadi dorang ika pa Yesus, kong dorang bawa, turus serakan pa gubernur Pilatus.

Markus 14:44

Yudas yang bahianat pa Yesus so kase kode memang pa rombongan itu, dia bilang bagini, “Orang yang kita ciom nanti, Dia itu suda yang ngoni musti tangka. Ngoni tangka kong bawa pa Dia. Jaga bae-bae pa Dia, jang sampe Dia lari.”

Yohanes 18:3

Jadi Yudas datang ka sana lagi di tampa itu. Dia bawa tentara Roma satu kompi deng babarapa orang yang bajaga Ruma Ibada Pusat. Dorang datang karna dapa suru dari orang Yahudi pe imam-imam kapala deng orang-orang dari aliran Farisi. Dorang datang bawa lentera, obor deng senjata.

Yohanes 9:41

Yesus jawab pa dorang, “Kalu ngoni buta, itu berarti ngoni tara tau apa yang butul, jadi waktu ngoni biking dosa, ngoni tara tau ngoni ada biking dosa. Tapi ngoni bilang kata, ngoni mangarti yang butul, kong ngoni tetap biking dosa, jadi Tuhan Allah bilang ngoni masi tetap ada dosa.”

Lukas 22:53

Padahal, tiap hari Kita ada pa ngoni pe tenga-tenga di Ruma Ibada Pusat, tapi ngoni tara tangka pa Kita di situ. Tapi biar suda. Skarang so dia pe waktu untuk ngoni mo tangka pa Kita, deng lagi so dia pe waktu untuk Iblis, setang-setang pe raja kase tunju dia pe kuasa galap.”

Matius 26:65

Pe dengar Yesus bilang bagitu, imam basar itu mara skali sampe dia robe dia pe juba kong bilang bagini, “Ce, orang ini so biking diri sama deng Tuhan Allah! Jadi, torang so tara perlu cari saksi lagi! Ngoni sandiri so dengar, to?

Yohanes 18:13

Turus, dorang bawa Yesus pa Hanas dulu, barang Hanas itu Kayafas pe papa mantu. Kayafas itu yang jadi imam basar waktu itu.

Yohanes 19:10

Jadi Pilatus batanya lagi pa Dia, “Ngana tara mau bicara deng kita? Ngana tara tau kita ini ada kuasa kase bebas pa Ngana? Deng kita me ada kuasa untuk kase salib pa Ngana?”