Yohanes 18:40 - Perjanjian Baru Bahasa Melayu Maluku Utara

⁴⁰ Kong dorang samua bataria, “Bukang Dia! Tapi kase bebas pa Barabas suda!” Barabas itu orang jahat yang marontak pa pemerinta Roma.

Yohanes 18:40 Referans Kwoze

Lukas 23:25

Dia kase bebas pa Barabas iko dorang pe mau. Barabas itu orang yang ada dapa kase maso di penjara karna marontak pa pemerinta deng ada bunu orang. Tapi untuk Yesus dia serakan pa dorang, tersera dong mo biking apa pa Dia.

Markus 15:15

Kong karna Pilatus mo kase sanang orang banya pe hati, dia kase bebas pa Barabas untuk dorang, baru dia suru pukul pa Yesus pake tali yang ada barang tajam di dia pe ujung. Abis itu, dia serakan Yesus pa dorang la dong salib pa Dia.

Markus 15:7

Waktu itu, ada orang jahat satu dia pe nama Barabas. Dia maso penjara sama-sama deng orang-orang laeng, barang dorang ada bunu orang waktu marontak pa pemerinta Roma.

Matius 27:26

Pe dengar itu, Pilatus iko orang banya itu pe mau, jadi dia kase bebas pa Barabas. Tapi pa Yesus, dia suru tentara pukul pa Dia pake tali yang ada barang tajam di dia pe ujung. Abis itu, dia serakan Yesus ka sana pa dorang la dong salib pa Dia.

Matius 27:16

Waktu itu, di penjara ada orang jahat satu yang paling terkenal, dia pe nama Yesus Barabas.

Matius 26:55

Kong Yesus bilang pa orang banya yang datang mo tangka pa Dia, “Ngoni sangka Kita ini orang jahat, sampe ngoni datang bawa parang deng kayu panggal la mo tangka pa Kita? Padahal tiap hari Kita kase tau Tuhan Allah pe Kabar Bae di Ruma Ibada Pusat, tapi ngoni tara tangka pa Kita di situ.