Yohanes 18:28 - Perjanjian Baru Bahasa Melayu Maluku Utara

²⁸ Waktu masi pagi-pagi skali, dorang bawa pa Yesus dari imam basar Kayafas pe kintal ruma antar di gubernur Roma pe istana. Tapi orang-orang agama Yahudi sandiri tara maso di situ karna gubernur itu bukang orang Yahudi. Barang, kalu iko agama Yahudi pe aturan, dorang mo jadi berdosa kalu ada sama-sama deng orang yang bukang agama Yahudi, kong orang agama Yahudi yang jadi najis itu sabantar so tara bole makang pa dong pe hari raya Paska.

Yohanes 18:28 Referans Kwoze

Yohanes 19:9

Kong dia bawa pa Yesus maso ulang di dalam istana, turus dia bilang pa Yesus, “Ngana ini dari mana?” Tapi Yesus tara jawab.

Yohanes 18:33

Abis itu, gubernur Pilatus maso ulang di istana kong pangge pa Yesus, turus batanya pa Dia, “Butul Bapa ini orang Yahudi pe Raja?”

Yohanes 19:14

Hari itu, orang agama Yahudi ada basadia untuk biking dorang pe hari raya Paska untuk inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir. Waktu itu kira-kira jam dua blas siang, kong Pilatus bilang pa orang pemimpin-pemimpin agama Yahudi, “Coba lia, ini ngoni pe Raja!”

Matius 27:27

Abis itu, gubernur Pilatus pe tentara-tentara bawa pa Yesus di dorang pe tampa yang ada di gubernur pe istana pe kintal. Kong dorang pangge pa dorang pe tamang-tamang tentara samua bakumpul kase kuliling pa Yesus.

Kisah Para Rasul 3:13

Ngoni tau, Tuhan Allah yang torang pe orang tua dulu-dulu Abraham, Ishak deng Yakub jaga semba, Dia so biking Yesus dapa puji deng hormat. Yesus itu yang jaga biking apa yang Tuhan Allah suru. Tempo hari ngoni tara tarima pa Yesus, kong ngoni serakan Dia pa gubernur Pilatus supaya Dia dapa hukum. Padahal, waktu itu gubernur mo kase bebas pa Dia.

Yohanes 11:55

Waktu itu, orang agama Yahudi pe hari raya Paska so dekat. Hari raya itu dong inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir. Jadi sebelum hari raya itu, banya orang agama Yahudi dari daera-daera yang laeng datang di Yerusalem untuk ‘biking bersi diri’ iko dorang pe aturan agama.

Kisah Para Rasul 11:3

Dorang bilang pa Petrus, “Petrus, bikiapa kong ngana pigi di orang-orang bukang Yahudi pe ruma? Ngana me makang sama-sama deng dorang lagi!”

Kisah Para Rasul 10:28

Turus Petrus bilang pa dorang samua bagini, “Sudara-sudara! Ngoni sandiri so tau to, kalu mo iko torang orang Yahudi pe biasa, torang tara bole batamang deng ngoni karna ngoni bukang orang Yahudi. Torang me tara bole pigi pa ngoni pe ruma karna samua itu torang anggap najis. Tapi samua itu Tuhan Allah so kase tau pa kita, tarada orang yang najis pa Tuhan Allah pe muka.

Yohanes 18:39

Tapi, biasa pa ngoni pe hari raya Paska, gubernur kase bebas satu orang dari penjara untuk ngoni. Jadi skarang, apa ngoni mau kita mo kase bebas ngoni orang Yahudi pe Raja Yesus ini?”

Lukas 22:66

Waktu masi pagi-pagi skali, tua-tua Yahudi, imam-imam kapala, deng guru-guru agama Yahudi yang ahli lima kitab Musa, dorang samua bakumpul untuk urus Yesus pe masala. Kumpulan itu pe nama Mahkama Agama. Kong ada yang bawa pa Yesus mangada pa dorang.

Markus 15:16

Abis itu, tentara-tentara bawa pa Yesus di dorang pe tampa yang ada di gubernur pe istana pe kintal, kong pangge dorang pe tamang-tamang tentara samua yang ada di situ bakumpul.

Yohanes 18:13

Turus, dorang bawa Yesus pa Hanas dulu, barang Hanas itu Kayafas pe papa mantu. Kayafas itu yang jadi imam basar waktu itu.

Yohanes 18:15

Simon Petrus deng Yesus pe murit satu iko-iko pa Yesus dari balakang. Murit yang satu itu baku kanal deng imam basar, jadi dia bole maso sama-sama deng Yesus di imam basar pe kintal ruma.

Yohanes 19:11

Kong Yesus bilang pa dia, “Bapa memang ada kuasa pa Kita, tapi itu cuma Tuhan Allah yang kase kuasa itu pa bapa. Jadi, orang yang serakan Kita pa bapa, orang itu pe dosa lebe basar dari bapa pe dosa.”

Kisah Para Rasul 4:27

Apa yang raja Daud bilang dulu itu, butul-butul so jadi skarang. Di kota ini, raja Herodes, gubernur Pontius Pilatus, orang-orang bangsa Israel deng orang-orang bangsa laeng yang bukang Yahudi, dorang samua itu so baku ator supaya malawang pa Yesus, Orang yang Tuhan Allah so pili, yang suci, deng yang jaga biking apa yang Tuhan Allah suru.

Kisah Para Rasul 10:32

Jadi, ngana suru suda orang pigi di Yope la ambe pa Simon yang orang jaga pangge pa dia Petrus. Dia ada tinggal di satu orang pe ruma, orang itu me nama Simon. Dia pe ruma di pinggir pante. Dia pe karja jaga biking bersi binatang pe kuli.’