Yohanes 18:17 - Perjanjian Baru Bahasa Melayu Maluku Utara

¹⁷ Pembantu parampuang yang bajaga pintu pagar itu bilang pa Petrus, “Ee, ngana ini lagi Yesus pe murit to?” Kong Petrus jawab, “Bukang! Bukang kita.”

Yohanes 18:17 Referans Kwoze

Yohanes 21:15

Waktu dorang so abis makang, Yesus batanya pa Simon Petrus, “Simon, Yohanes pe ana, apa ngana sayang pa Kita lebe dari dorang ini?” Simon jawab pa Yesus, “Iyo Tuhan, Tuhan tau, kita sayang pa Tuhan.” Yesus bilang pa dia, “Kalu bagitu, urus bae-bae Kita pe umat, sama deng gembala yang urus bae-bae dia pe domba-domba.”

Yohanes 18:25

Waktu Yesus mangada pa imam basar Kayafas itu, Simon Petrus masi badiri di pinggir api untuk barahu. Kong orang-orang di situ bilang pa dia, “Bapa lagi Yesus pe murit to?”

Yohanes 18:16

Tapi Petrus cuma batunggu di luar dekat pintu pagar. Kong murit yang satu yang baku kanal deng imam basar itu, dia kaluar ulang, turus bacarita deng pembantu parampuang satu yang ada jaga pintu pagar supaya Petrus bole maso di kintal ruma. Turus murit itu bawa maso pa Petrus ka dalam sama-sama deng dia.

Lukas 22:54

Turus, orang-orang yang datang itu, dong tangka pa Yesus kong bawa kaluar dari situ. Dorang bawa pa Dia pigi di imam basar pe ruma, kong sementara itu, Petrus ada iko-iko dari jao.

Matius 26:33

Kong Petrus bilang pa Yesus, “Biar dorang samua pe percaya tagoyang sampe lari kase tinggal pa Guru, tapi kita ini tara akan mungkin!”

Kisah Para Rasul 12:13

Pe sampe di situ, Petrus batoki pintu gerbang. Kong pembantu parampuang satu yang pe nama Rode, dia ka sana di pintu gerbang la mo lia sapa yang batoki.

Yohanes 18:8

Turus Yesus bilang lagi pa dorang, “Kita so bilang pa ngoni, Kita ini Dia suda. Jadi kalu ngoni cari pa Kita, kase biar suda Kita pe murit-murit ini pigi dari sini.”

Yohanes 18:5

Kong dorang jawab pa Dia, “Torang cari pa Yesus yang dari Nazaret.” Kong Dia bilang lagi pa dorang, “Kita ini Dia suda.” Di situ lagi ada Yudas yang mo bahianat pa Yesus, dia badiri di situ sama-sama deng rombongan itu.