Yohanes 16:33 - Perjanjian Baru Bahasa Melayu Maluku Utara

³³ Kita kase tau samua yang mo jadi itu, supaya ngoni bole hidup deng hati tenang, karna ngoni so percaya pa Kita. Di dunia ini ngoni mo rasa menderita karna mo dapa siksa, tapi kase kuat suda ngoni pe hati! Barang, Kita so kase kala samua kuasa di dunia ini.”

Yohanes 16:33 Referans Kwoze

Yohanes 14:27

Skarang Kita mo pigi, tapi hati tenang yang ada pa Kita, Kita mo kase itu pa ngoni. Hati tenang yang Kita kase itu, dunia tara bisa mo kase pa ngoni. Jang ngoni hawater deng tako.

1 Yohanes 5:4

Barang, tiap orang yang so jadi Tuhan Allah pe ana-ana mampo kase kala kuasa jahat di dunia ini. Kong torang bole kase kala kuasa yang jahat itu, karna torang pe percaya.

2 Tesalonika 3:16

Tuhan yang biking manusia pe hati tenang. Jadi, torang minta pa Dia supaya Dia salalu biking ngoni pe hati tetap tenang. Torang me minta supaya Tuhan sama-sama deng ngoni samua.

1 Yohanes 4:4

Tapi, ngoni yang kita so sayang sama deng kita pe ana-ana, ngoni ini dari Tuhan Allah. Jadi ngoni so kase kala pa nabi-nabi palsu, karna Roh yang ada pa ngoni Dia pe kuasa lebe basar dari roh yang ada di dunia ini.

Filipi 4:7

Kalu ngoni biking bagitu, Tuhan Allah mo biking ngoni pe hati tetap tenang, hati tenang itu yang tara mungkin manusia mo mangarti. Rasa tenang itu akan salalu biking ngoni pe hati deng pikiran tenang, karna ngoni so satu hati deng Kristus Yesus.

1 Petrus 5:9

Kase kuat ngoni pe percaya pa Tuhan deng lawan pa Iblis, barang ngoni tau, bukang cuma ngoni yang dapa siksa karna percaya, tapi ngoni pe sudara-sudara yang percaya di seluru dunia ini me, dapa siksa sama deng yang ngoni rasa.

Yohanes 14:1

Turus, Yesus bicara pa Dia pe murit-murit, Dia bilang bagini, “Ngoni tara usa hawater. Percaya suda pa Tuhan Allah deng percaya lagi pa Kita.

2 Timotius 3:12

Memang samua orang yang percaya pa Kristus Yesus deng berusaha hidup iko Dia pe mau akan dapa siksa.

Kisah Para Rasul 14:22

Di tampa-tampa itu, Paulus deng Barnabas kase kuat orang-orang percaya pe hati deng kase nasehat supaya dorang tetap batahang percaya pa Tuhan Yesus. Paulus deng Barnabas bilang pa dorang, “Kalu torang mau jadi Tuhan Allah pe umat yang Dia Berkuasa sebagai Raja, torang akan dapa banya sengsara.”

Wahyu 3:21

Sapa yang menang dari pengaru jahat, Kita mo kase dudu dia pa Kita pe pinggir sama-sama deng Kita di kursi raja. Barang, orang itu so menang sama deng Kita yang so menang dari setang-setang pe pengaru, kong Kita dudu baku pinggir sama-sama deng Kita pe Bapa di Dia pe kursi raja.

Ibrani 11:25

Barang, dia rasa lebe bae dia hidup sengsara biking Tuhan Allah pe mau sama-sama deng Tuhan Allah pe umat, daripada dia berdosa karna cuma basanang-sanang di dalam raja pe istana. Dia tau, hidup sanang-sanang bagitu itu pe waktu tara slama-lamanya.

Wahyu 7:14

Kita jawab, “Bapa saja yang tau sapa dorang itu.” Kong dia bilang pa kita, “Dorang itu orang-orang yang so bebas dari sengsara yang hebat skali. Dorang pe baju so jadi puti bersi, itu pe arti, dorang pe dosa-dosa so dapa tebus, karna Anak Domba so mati untuk dorang.

1 Tesalonika 3:7

Jadi sudara-sudara, biar torang dapa banya susa deng siksa, torang pe hati tetap sanang, barang torang dengar ngoni di sana tetap percaya.

Wahyu 12:11

Torang pe sudara-sudara yang percaya so menang, dorang so kase kala pa Iblis. Dorang so kase kala pa dia, karna Anak Domba pe dara so tatumpa untuk tebus dorang pe dosa-dosa. Dorang me kase kala pa dia, karna dong tara berenti mangaku tentang Anak Domba yang jadi dong pe Tuhan. Biar pa dorang pe hidup dorang dapa siksa atau dapa bunu, dong tara mundur, dong tetap kase tau itu turus.

Kolose 1:20

Kong deng Yesus Kristus itu lagi, Tuhan Allah biking supaya samua yang ada di bumi deng di sorga pe hubungan bole bae-bae ulang deng Dia. Hubungan deng Tuhan Allah itu jadi bae-bae ulang, karna Yesus Kristus pe dara yang tatumpa di kayu salib.

2 Korintus 1:3

Mari suda torang puji pa Tuhan Allah, torang pe Tuhan Yesus Kristus pe Bapa! Dia itu Bapa yang salalu kasiang pa torang, deng Dia itu Tuhan Allah yang salalu kase kuat torang pe hati.

2 Korintus 13:11

Sudara-sudara, di ahir kita pe surat ini, kita minta ngoni samua hati sanang suda karna Tuhan. Ngoni berusaha la ngoni tamba butul-butul iko pa Tuhan Allah. Kong ngoni tarima kita pe nasehat samua ini. Ngoni hidup satu hati, deng hidup baku bawa bae-bae. Kalu ngoni hidup bagitu, Tuhan Allah yang sayang pa torang deng yang biking torang pe hati jadi tenang, akan sama-sama deng ngoni.

1 Tesalonika 3:4

Waktu torang masi ada sama-sama deng ngoni, torang so perna kase tau pa ngoni, torang yang percaya pa Yesus, nanti akan dapa macam-macam susa dari orang yang tara percaya. Kong skarang torang samua so rasa siksa itu.

Galatia 6:14

Tapi untuk kita, kita tara mau sama skali puji diri tentang apa yang kita so biking. Kita cuma mo puji torang pe Tuhan Yesus Kristus deng tentang apa yang Dia so biking di kayu salib, barang Yesus Kristus mati dapa salib untuk kase bebas pa kita dari kita pe dosa. Karna waktu Dia mati itu, itu sama deng samua kita pe keinginan so iko dapa salib sama-sama deng Dia. Jadi kita so tara tapengaru iko dunia pe mau lagi.

2 Korintus 7:4

Kita percaya skali pa ngoni, mala kita sanang skali deng apa yang ngoni biking. Jadi biar lagi torang banya kali dapa siksa, tapi kita pe hati tahibur deng sanang skali karna ngoni.

Kisah Para Rasul 27:25

Jadi sudara-sudara, jang ngoni pata smangat, barang kita yakin, samua yang Tuhan Allah bilang pa kita itu, pasti jadi.

Galatia 1:4

Tuhan Yesus Kristus yang so serakan Dia pe diri untuk tebus torang pe dosa-dosa, supaya Dia bole kase bebas pa torang dari kuasa jahat yang skarang ada di dunia ini. Dia biking samua itu, iko Tuhan Allah, torang pe Bapa pe mau.

Kisah Para Rasul 9:31

Abis itu, jemaat-jemaat di daera Yudea, daera Galilea deng daera Samaria hidup baku bawa bae-bae. Dorang pe percaya jadi kuat, kong dorang hidup deng rasa hormat pa Tuhan Allah. Roh Kudus kase smangat pa dorang, kong dorang lebe tatamba banya.

Yohanes 12:31

Skarang ini Tuhan Allah mo adili pa orang-orang yang ada di dunia ini, kong Iblis, setang-setang pe raja yang ada kuasa di dunia ini me Tuhan Allah mo kase kala.

Lukas 2:14

“Puji deng hormat pa Tuhan Allah yang ada di sorga! Kong di bumi ini, Tuhan Allah akan kase hati yang tenang pa orang-orang yang biking sanang Tuhan Allah pe hati.”

Kisah Para Rasul 27:22

Tapi biar so susa bagini, kita minta pa ngoni, kase kuat ngoni pe hati la jang ngoni tako, karna tara ada satu dari torang yang mo mati, cuma kapal ini saja yang mo ancor.

Lukas 19:38

Dorang bilang, “Puji pa Dia yang Tuhan Allah so utus datang kamari sebagai Raja! Skarang Tuhan Allah di sorga deng manusia di dunia so baku dame. Mari torang puji deng hormat pa Tuhan Allah yang Paling Tinggi!”

Kisah Para Rasul 23:11

Dia pe beso malam, Tuhan Yesus datang badiri pa Paulus pe pinggir kong bilang, “Paulus, kase kuat ngana pe hati. Ngana so kase tau tentang Kita pa orang-orang di kota Yerusalem ini. Jadi, di kota Roma me, ngana musti pi kase tau bagitu lagi tentang Kita.”

Ibrani 7:2

Turus, Abraham kase pa Melkisedek spulu persen dari barang-barang yang dia dapa waktu prang itu. Melkisedek pe nama pe arti, ‘Raja yang adil’. Deng, karna dia raja dari kota Salem, orang jaga pangge pa dia lagi raja Salem, yang pe arti, ‘raja yang bawa dame’.

Yohanes 16:11

Kong ketiga, Dia lagi mo kase sadar pa dorang, Tuhan Allah pasti mo hukum pa orang-orang yang biking dosa, karna Iblis, setang-setang pe raja yang berkuasa di dunia ini so dapa hukuman.

Matius 9:2

Kage bagini, ada babarapa orang bawa orang lumpu satu pa Yesus yang dong ada kase tidor di atas tikar. Waktu Yesus lia apa yang dorang biking itu, Dia tau dorang percaya pa Dia. Jadi Yesus bilang pa orang lumpu itu, “Sudara, ngana sanang suda. Ngana pe dosa so dapa ampun.”

2 Korintus 2:14

Tapi biar bagitu me, kita bilang tarimakasi banya pa Tuhan Allah, karna Dia salalu pimpin pa torang yang percaya pa Yesus Kristus, supaya torang bisa menang dari kuasa jahat. Tuhan Allah pake pa torang di mana-mana untuk kase tau Kabar Bae tentang Yesus Kristus, supaya orang-orang bisa kanal pa Dia. Waktu dorang dengar Kabar Bae itu, dorang jadi sanang, sama deng dong dapa ciom bobou sadap.

2 Korintus 4:7

Torang ini cuma manusia yang lema, sama deng pot dari tana liat. Tapi biar bagitu, Tuhan Allah kase percaya Dia pe Kabar Bae tentang Yesus Kristus itu pa torang. Kabar Bae itu hebat skali, bole kase sama deng harta yang berharga. Jadi, deng tong kase tau Kabar Bae itu, itu jadi jelas skali pa orang-orang, kuasa basar yang ada pa torang itu memang dari Tuhan Allah, bukang dari tong pe diri sandiri.

2 Korintus 6:4

Mala samua yang torang biking, torang biking bae-bae supaya jelas torang ini orang yang karja untuk Tuhan Allah, macam deng bagini: biar torang dapa siksa, susa deng sengsara, torang batahang turus.

1 Yohanes 2:13

Bapa-bapa, kita tulis surat ini pa ngoni, karna ngoni so kanal pa Dia yang so ada dari dulu waktu dunia ini bolong ada. Kita me tulis surat ini pa ngoni pemuda-pemuda karna ngoni so kase kala Iblis, setang-setang pe raja.