Yohanes 16:27 - Perjanjian Baru Bahasa Melayu Maluku Utara

²⁷ karna Bapa sandiri sayang pa ngoni, barang ngoni lagi sayang pa Kita deng percaya Kita ini yang Dia utus.

Yohanes 16:27 Referans Kwoze

Yohanes 14:21

Sapa saja yang tarima Kita pe parenta kong biking, dia itu yang sayang pa Kita. Kong sapa yang sayang pa Kita, Kita pe Bapa lagi akan sayang pa dia, deng Kita me mo sayang pa dia kong Kita mo kase tunju Kita pe diri pa dia.”

Yohanes 14:23

Yesus jawab pa dia, “Kalu orang sayang pa Kita, dia mo biking Kita pe ajaran, kong Kita pe Bapa akan sayang pa dia. Kong Kita deng Kita pe Bapa mo datang tinggal sama-sama deng dia.

Yohanes 17:23

Kita suka dorang itu jadi satu hati deng Kita, kong Bapa jadi satu deng Kita, supaya dorang itu butul-butul jadi satu hati satu deng yang laeng. Deng bagitu, orang-orang yang tara percaya pa Bapa di dunia ini bole tau, Bapa yang utus pa Kita kong Bapa itu sayang pa dorang, sama deng Bapa sayang pa Kita.

1 Petrus 1:8

Biar ngoni bolong perna lia pa Yesus Kristus, tapi ngoni sayang pa Dia. Deng biar lagi skarang ngoni tara lia pa Dia, tapi ngoni percaya pa Dia. Ngoni sanang skali, sampe tara bisa bilang pake kata-kata lagi tentang ngoni pe sanang itu.

1 Korintus 16:22

Orang yang tara sayang pa Tuhan, biar suda dia dapa kutuk. Maranata, Tuhan datang suda!

Yohanes 8:42

Yesus bilang pa dorang, “Kalu Tuhan Allah itu ngoni pe Bapa, ngoni akan sayang pa Kita, barang Kita ini datang dari Tuhan Allah kong skarang Kita ada di sini. Kita datang bukang karna Kita pe mau sandiri, tapi karna Dia suda yang utus pa Kita.

1 Yohanes 4:19

Torang baku sayang, karna Tuhan Allah yang kamuka sayang pa torang.

2 Korintus 5:14

Torang biking samua itu karna Yesus Kristus pe sayang ada pa torang samua. Barang torang tau, Yesus Kristus so mati karna torang samua pe dosa, kong karna itu, bole bilang torang ini sama deng orang yang so mati sama-sama deng Dia.

Yohanes 16:30

Skarang torang tau, Guru tau samua hal, kong orang so tara perlu mo tanya-tanya lagi pa Guru. Karna itu torang so percaya, Guru itu dari Tuhan Allah.”

Matius 10:37

Sapa yang sayang dia pe papa deng mama lebe dari dia pe sayang pa Kita, dia itu tara pantas iko pa Kita. Kong sapa yang sayang dia pe ana laki-laki atau ana parampuang lebe dari dia pe sayang pa Kita, dia itu me tara pantas iko pa Kita.

Wahyu 3:19

Kalu orang-orang yang Kita sayang biking sala, dorang itu Kita mo togor deng kase hukuman supaya dorang jadi lebe bae. Karna itu, ngoni musti iko pa Tuhan butul-butul deng bertobat suda.

Wahyu 3:9

Dengar bae-bae! Ada orang yang bilang kata, dorang itu Kita pe umat Yahudi, padahal dong cuma bafoya. Dorang tara iko pa Kita butul-butul, tapi dong lebe suka iko Iblis pe mau. Nanti Kita mo biking dong datang berlutut di ngoni pe kaki deng mangaku butul-butul Kita memang sayang pa ngoni.

Efesus 6:24

Kita minta pa Tuhan Allah supaya Dia kase Dia pe bae pa samua orang, yang dorang pe sayang tara abis-abis pa Yesus Kristus torang pe Tuhan.

Ibrani 12:6

Barang, Kita ngoni pe Tuhan, Kita togor pa orang-orang yang Kita sayang, deng Kita kase hukuman untuk ajar pa orang-orang yang Kita anggap Kita pe ana-ana.”

1 Timotius 1:15

Kata-kata yang kita mo bilang ini, butul skali. Ngana musti tarima deng percaya deng hati yang sunggu-sunggu bagini, “Kristus Yesus datang di dunia untuk kase slamat orang berdosa.” Kong dari samua orang yang perna biking dosa, kita ini suda yang paling banya biking dosa.

Galatia 4:4

Tapi, bagitu waktu yang Tuhan Allah tentukan so sampe, Tuhan Allah utus Dia pe Anak datang di dunia. Anak itu yang lahir dari parampuang satu, kong Anak itu, hidup iko agama Yahudi pe aturan-aturan yang ada di lima kitab Musa.

1 Korintus 15:47

Manusia pertama Tuhan Allah biking dari tana, dia pe asal dari dunia ini. Tapi manusia yang kedua, yang torang bilang Yesus Kristus itu, Dia pe asal dari sorga.

Roma 8:3

Kalu torang iko aturan-aturan di lima kitab Musa, tara mungkin torang dapa slamat, karna torang ini manusia yang tara mampo biking samua aturan itu. Tapi torang bole dapa slamat karna Tuhan Allah. Tuhan Allah kase slamat pa torang deng cara Dia utus Dia pe Anak sandiri datang di dunia ini. Dia pe Anak pe badan itu, sama deng torang manusia berdosa pe badan. Kong Dia pe Anak itu mati supaya hapus torang pe dosa. Deng Dia kase Dia pe Anak mati bagitu, itu pe arti, Dia pe Anak so kase kala dosa pe kuasa.

Yohanes 7:29

Kita kanal pa Dia, barang Kita datang dari Dia, kong Dia itu yang utus pa Kita.”

Yohanes 3:13

Tara ada satu orang yang so perna nae di sorga, kacuali Anak Manusia yang turung dari sorga kong kase tau pa ngoni tentang apa yang jadi di sorga.

Yohanes 2:11

Mujizat yang Yesus biking di Kana di daera Galilea, itu jadi Yesus pe mujizat yang pertama. Deng mujizat itu, Yesus so kase tunju Dia pe kuasa yang hebat sampe Dia pe murit-murit jadi percaya pa Dia.