Yohanes 16:25 - Perjanjian Baru Bahasa Melayu Maluku Utara

²⁵ Samua ini Kita bilang pa ngoni pake umpama. Tapi akan ada dia pe waktu Kita mo bicara pa ngoni so tara pake umpama lagi, tapi deng turus tarang Kita mo kase tau tentang Kita pe Bapa.

Yohanes 16:25 Referans Kwoze

Yohanes 16:12

Masi banya lagi yang Kita mo bilang pa ngoni, tapi skarang ngoni bolong mampo mangarti.

Yohanes 10:6

Umpama itu yang Yesus bilang pa orang-orang Yahudi dari aliran Farisi itu, tapi dorang tara mangarti apa Yesus pe maksut bilang bagitu.

Markus 4:13

Abis itu, Yesus bilang pa Dia pe murit-murit deng orang-orang laeng yang iko pa Dia bagini, “Kalu ngoni tara mangarti umpama ini, bagimana ngoni mo mangarti umpama yang laeng lagi?

2 Korintus 4:2

Torang so ambe keputusan, torang tara akan perna pake cara-cara tara bae waktu kase tau Kabar Bae itu, karna cara itu cuma mo biking torang jadi malu. Deng torang tara akan kase bodo pa orang, deng tara akan bicara putar bale tentang Tuhan Allah pe firman. Tapi torang akan kase mangarti butul-butul ajaran itu pa orang, iko Tuhan pe mau. Deng biking bagitu, di dorang pe hati, dorang akan tau sandiri, apa yang torang kase tau itu butul ka tarada.

Yohanes 16:2

Barang, deng ngoni iko pa Kita, nanti ada dia pe waktu, pemimpin-pemimpin agama Yahudi so tara kase bae pa ngoni mo baibada lagi di ruma-ruma ibada. Mala mo ada dia pe waktu lagi, orang-orang mo bunu pa ngoni, barang dorang pikir, itu Tuhan Allah pe mau.

Markus 4:34

Yesus jaga pake umpama, kalu mangajar pa orang laeng. Tapi kalu pa Dia pe murit-murit, Dia kase jelas umpama itu pe arti.

Markus 8:32

Samua itu Yesus bilang turus tarang. Tapi Petrus hela pa Yesus pa dia pe pinggir kong togor, “Guru, jang bilang bagitu. Masa Guru menderita sampe mati.”

Yohanes 10:24

Turus, pemimpin-pemimpin agama Yahudi, dong bakumpul pa Yesus, turus bilang, “Guru, so lama skali torang tunggu Guru mo kase tau pa torang, Guru ini sapa sebenarnya. Kalu memang Guru ini Mesias, Raja yang Tuhan Allah janji mo kase slamat pa manusia, bilang suda turus tarang pa torang.”

Yohanes 16:32

Inga, ada dia pe waktu, deng memang so dia pe waktu, ngoni samua mo lari kase tinggal pa Kita, ngoni mo lari pulang tapisa-pisa pa ngoni pe kampong masing-masing. Tapi Kita tara sandiri, karna Kita pe Bapa ada sama-sama deng Kita.