Yohanes 16:24 - Perjanjian Baru Bahasa Melayu Maluku Utara

²⁴ Dari dulu sampe skarang ngoni bolong minta apa-apa pa Kita pe Bapa pake Kita pe nama. Minta suda apa yang ngoni perlu kong ngoni akan dapa itu, supaya ngoni pe hati mo jadi sanang skali.

Yohanes 16:24 Referans Kwoze

Yohanes 15:11

Kita bilang samua itu pa ngoni, supaya sanang yang ada pa Kita, ngoni lagi bole rasa, deng bagitu ngoni pe hati mo sanang luar biasa.

Yohanes 16:23

Kong waktu torang baku dapa ulang itu, ngoni so tara mo tanya apa-apa lagi pa Kita. Kita bilang pa ngoni, waktu itu lagi, samua yang ngoni minta pa Kita pe Bapa, Dia mo kase pa ngoni karna ngoni so jadi Kita pe umat.

2 Yohanes 1:12

Memang masi banya yang kita mo bilang pa ngoni, tapi lebe bae jang lewat surat. Kita harap bisa baku dapa deng ngoni la bisa bicara langsung deng ngoni, supaya torang pe hati butul-butul sanang.

Matius 6:9

Karna itu, kalu ngoni berdoa, berdoa macam bagini, ‘Torang pe Bapa yang ada di sorga, samua puji deng hormat pa Bapa, karna Bapa itu kudus.

Yohanes 3:29

Skarang Dia so ada, jadi kita sanang skali. Dia itu sama deng pengantin laki-laki, kong kita ini sama deng Dia pe tamang. Pengantin laki-laki itu yang penting, karna pengantin parampuang itu dia punya. Tapi pengantin laki-laki pe tamang tara penting, dia cuma badiri dekat pa dia kong badengar pa dia. Dia sanang skali dengar pengantin laki-laki pe suara. Bagitu lagi deng kita, kita sanang skali dengar lebe banya orang ada iko pa Dia.

2 Tesalonika 1:2

Torang minta pa Tuhan Allah, torang pe Bapa, deng pa Yesus Kristus, torang pe Tuhan, supaya kase yang bae pa ngoni, deng salalu biking ngoni pe hati tetap tenang.

Yohanes 14:1

Turus, Yesus bicara pa Dia pe murit-murit, Dia bilang bagini, “Ngoni tara usa hawater. Percaya suda pa Tuhan Allah deng percaya lagi pa Kita.

Yohanes 14:14

Kita bilang lagi, kalu ngoni minta satu barang pa Kita karna ngoni so jadi Kita pe umat, Kita mo kase itu pa ngoni.”