Yohanes 16:20 - Perjanjian Baru Bahasa Melayu Maluku Utara

²⁰ Inga bae-bae yang Kita mo bilang ini. Waktu ngoni so tara lia lagi pa Kita, ngoni memang mo manangis deng bataria, tapi orang-orang yang tara percaya pa Kita mo sanang. Ngoni mo sedi, tapi nanti ngoni pe sedi itu mo beruba jadi sanang.

Yohanes 16:20 Referans Kwoze

Yakobus 1:2

Sudara-sudara, kalu ngoni dapa cobaan apa saja, ngoni musti tarima deng sanang hati.

Matius 5:4

Paling sanang suda orang-orang yang pe hati sedi, karna Tuhan Allah akan hibur pa dorang.

2 Korintus 6:10

Biar torang dapa banya susa, torang pe hati tetap saja rasa sanang. Biar torang tara ada doi, tapi torang so bantu banya orang la percaya pa Yesus Kristus, itu sama deng torang biking dorang jadi kaya. Deng biar torang tara ada apa-apa di dunia, tapi sebenarnya torang dapa samua-samua dari Tuhan.

Markus 16:10

Kong Maria pigi kase tau pa orang-orang yang jaga iko pa Yesus, apa yang dia lia. Waktu itu dorang sementara berduka deng manangis.

Yudas 1:24

Tuhan Allah ada kuasa untuk jaga pa ngoni supaya ngoni tara taiko biking dosa. Dia me biking ngoni jadi orang yang tara sala apa-apa, kong bawa pa ngoni badiri deng hati yang paling sanang di Dia pe muka yang hebat itu.

Lukas 24:21

Padahal dulu torang so baharap Dia yang mo kase bebas pa torang bangsa Israel dari pemerinta Roma yang jaja pa torang. Kong skarang so tiga hari Dia mati.

Galatia 5:22

Tapi orang yang Roh Kudus kuasai itu dapa lia dari dorang pe hidup macam bagini: pangsayang, hati sanang, hati tenang, pangsabar, pangbae, biking barang yang bae, setia,

Roma 5:11

Deng torang sanang bukang cuma karna dapa slamat saja, tapi torang sanang karna torang ada hubungan bae deng Tuhan Allah. Torang pe hubungan deng Tuhan Allah so jadi bae ulang karna Yesus Kristus torang pe Tuhan.

Lukas 24:17

Turus Yesus bilang pa dorang, “Sementara ngoni bajalang ini, ngoni ada bacarita apa?” Kong dorang berenti deng muka sedi.

Lukas 23:27

Banya orang yang iko pa Yesus dari balakang. Di antara banya orang itu ada parampuang-parampuang yang manangis deng bataria kuat-kuat karna sedi skali.

Wahyu 18:7

Orang-orang di kota Babel talalu makang puji deng suka hidup mewa. Jadi dorang musti dapa siksa deng dapa hukuman iko deng dong pe hidup dulu itu. Karna dulu, dorang angka-angka dong pe diri sandiri, dong bilang bagini, ‘Kita ini sama deng raja parampuang yang dudu di kursi raja! Kita akan tara jadi janda! Deng kita me tara akan mamanangis!’

Wahyu 11:10

Orang-orang yang ada di dunia ini akan sanang skali karna dua orang saksi yang kase tau Tuhan Allah pe pasáng itu so mati. Dorang samua mo bapesta deng baku kase kado karna sanang so talapas dari dua orang yang jaga biking cilaka sampe samua orang di bumi dapa banya siksa.

Kisah Para Rasul 5:41

Pe kaluar dari Mahkama Agama pe tampa urus perkara, rasul-rasul itu sanang skali karna Tuhan Allah anggap dorang pantas dapa siksa karna iko pa Tuhan Yesus.

Yohanes 16:33

Kita kase tau samua yang mo jadi itu, supaya ngoni bole hidup deng hati tenang, karna ngoni so percaya pa Kita. Di dunia ini ngoni mo rasa menderita karna mo dapa siksa, tapi kase kuat suda ngoni pe hati! Barang, Kita so kase kala samua kuasa di dunia ini.”

Yohanes 16:6

Tapi skarang ngoni pe hati sedi skali, barang Kita bilang Kita so mo pigi.

Lukas 22:62

Pe inga itu, Petrus pigi kaluar dari kintal itu, kong dia manangis tahek-hek.

Lukas 22:45

Pe abis berdoa, Yesus badiri kong bale pa Dia pe murit-murit. Dia dapa lia dorang ada tasono karna lala deng sedi skali.

Lukas 6:21

Paling sanang suda ngoni yang skarang ini lapar, karna Tuhan Allah akan kase puas pa ngoni. Paling sanang suda ngoni yang skarang ini manangis, karna Tuhan Allah akan biking ngoni tatawa.

Markus 14:72

Kong waktu itu suda, langsung ayam bakuku yang kedua kali. Di situ, Petrus langsung dapa inga yang Yesus so perna bilang pa dia, sebelum ayam bakuku dua kali, dia so manyangkal tiga kali, bilang dia tara kanal pa Yesus. Kong Petrus manyasal, dia manangis sampe tahek-hek.

1 Tesalonika 1:6

Turus, torang pe cara hidup itu ngoni iko. Conto itu dari Tuhan sandiri. Biar ada orang yang siksa pa ngoni, Roh Kudus bantu pa ngoni sampe ngoni tetap tarima Kabar Bae deng sanang.

Yohanes 20:20

Kong abis Yesus bilang bagitu, Dia kase lia pa dorang Dia pe tangan deng lambung. Murit-murit itu sanang skali waktu dorang lia pa Tuhan.

Matius 21:38

Tapi waktu orang-orang yang urus kobong itu dapa lia pa tuang kobong itu pe ana, dorang baku bilang bagini, ‘Dia ini suda yang nanti jadi waris untuk kobong ini. Jadi, mari suda torang bunu pa dia, la kobong ini mo jadi torang punya.’