Yohanes 16:17 - Perjanjian Baru Bahasa Melayu Maluku Utara

¹⁷ Pe dengar Yesus bilang bagitu, babarapa orang dari Dia pe murit baku-baku tanya bagini, “Dia pe maksut apa kong bilang so tara lama torang tara lia lagi pa Dia, kong abis itu so tara lama lagi torang mo baku dapa ulang deng Dia? Kong bikiapa lagi Dia bilang Dia mo pigi pa Bapa?”

Yohanes 16:17 Referans Kwoze

Yohanes 16:16

Yesus bilang lagi pa Dia pe murit-murit, “So tara lama, ngoni tara lia lagi pa Kita. Kong abis itu, so tara lama lagi ngoni mo baku dapa ulang deng Kita.”

Yohanes 16:5

“Skarang, Kita mo pigi pa Kita pe Bapa yang so utus pa Kita. Tapi tara ada dari ngoni yang tanya pa Kita mo pigi ka mana?

Markus 9:32

Yesus pe murit-murit tara mangarti apa yang Yesus bilang itu, tapi dorang tara barani tanya pa Dia.

Yohanes 16:19

Yesus tau, dorang mo batanya pa Dia. Jadi, Dia bilang pa dorang, “Ngoni ini ada baku-baku tanya tentang apa yang Kita bilang tadi to? Kita bilang, ‘So tara lama lagi ngoni tara lia lagi pa Kita. Kong abis itu, so tara lama lagi ngoni mo baku dapa ulang deng Kita.’

Yohanes 14:5

Turus, Tomas bilang pa Yesus, “Tuhan, torang tara tau Tuhan mo pigi ka mana. Jadi, bagimana torang mo tau jalang mo pigi ka sana?”

Yohanes 12:16

Waktu banya orang puji pa Yesus itu, Yesus pe murit-murit bolong mangarti bikiapa kong dorang puji pa Yesus. Tapi nanti, waktu Yesus so dapa puji deng hormat karna Dia mati kong hidup ulang, baru dong sadar, samua itu jadi, sama deng yang Tuhan Allah so bilang di Kitab Suci.

Lukas 18:34

Biar Yesus bilang bagitu, Dia pe murit-murit tetap tara mangarti sama skali, karna arti dari yang Yesus ada bilang tadi itu masi tasambunyi, kong dorang tara tau apa Dia pe maksut.

Markus 9:10

Jadi dorang tara kase carita pa sapa-sapa, tapi waktu dong tiga sandiri, dorang baku tanya apa yang Yesus pe maksut “mati kong hidup ulang.”

Yohanes 16:1

Yesus bilang lagi pa Dia pe murit-murit, “Kita bilang samua itu pa ngoni, supaya ngoni tara berenti percaya pa Kita.

Yohanes 14:22

Kong Yudas yang bukang Yudas Iskariot, bilang pa Yesus, “Tuhan, bikiapa kong cuma pa torang saja Tuhan mo kase tunju Tuhan pe diri, kong pa orang-orang laeng yang ada di dunia ini tarada?”

Lukas 9:45

Tapi Yesus pe murit-murit tara mangarti apa yang Dia bilang. Tuhan Allah bolong biking dorang mangarti itu, supaya dorang bolong tau dia pe arti. Dorang me tako batanya pa Yesus, apa yang Dia bilang itu pe arti.

Yohanes 16:18

Yesus pe murit-murit turus baku-baku tanya, “Apa Dia pe maksut Dia bilang so tara lama lagi? Torang tara mangarti Dia pe maksut itu.”