Yohanes 15:21 - Perjanjian Baru Bahasa Melayu Maluku Utara

²¹ Dorang mo siksa pa ngoni karna ngoni ada iko pa Kita, deng karna dorang tara kanal butul pa Tuhan Allah yang so utus pa Kita.

Yohanes 15:21 Referans Kwoze

Matius 10:22

Kong samua orang akan binci pa ngoni karna ngoni iko pa Kita. Tapi orang yang tetap percaya pa Kita sampe dia pe ahir hidup, dia itu yang Tuhan Allah mo kase slamat.

Yohanes 16:3

Dorang mo biking bagitu pa ngoni karna dorang tara kanal butul pa Kita pe Bapa deng dorang lagi tara kanal pa Kita.

Yohanes 8:19

Kong dorang bilang pa Dia, “Di mana Guru pe Bapa kong?” Yesus jawab, “Ngoni tara kanal pa Kita, deng ngoni me tara kanal pa Kita pe Bapa. Kalu ngoni kanal pa Kita, pasti ngoni kanal lagi pa Kita pe Bapa.”

Matius 24:9

Kong waktu itu, orang-orang yang tara percaya mo tangka pa ngoni, turus mo serakan untuk siksa deng bunu pa ngoni. Kong orang-orang dari samua suku bangsa akan binci pa ngoni karna ngoni iko pa Kita.

Matius 10:18

Karna ngoni iko pa Kita, nanti dorang bawa pa ngoni mangada pa gubernur-gubernur deng pa raja-raja. Tapi itu ngoni pe kesempatan untuk kase tau tentang Kita pa dorang deng pa orang-orang yang tara kanal pa Tuhan Allah.

Kisah Para Rasul 5:41

Pe kaluar dari Mahkama Agama pe tampa urus perkara, rasul-rasul itu sanang skali karna Tuhan Allah anggap dorang pantas dapa siksa karna iko pa Tuhan Yesus.

Wahyu 2:3

Kita me tau, ngoni tetap batahang percaya pa Kita, biar lagi ngoni dapa siksa deng menderita karna percaya. Biar bagitu me ngoni tara perna mundur.

2 Tesalonika 1:8

Kong Dia mo hukum orang-orang yang tara mau kanal pa Tuhan Allah deng yang tara mau iko Kabar Bae tentang Yesus Kristus, torang pe Tuhan.

1 Korintus 15:34

Jadi, ngoni musti sadar butul-butul, kong jang biking dosa lagi. Karna ada dari ngoni yang bolong kanal pa Tuhan Allah. Kita bilang bagitu la ngoni jadi malu kong bertobat.

1 Korintus 2:8

Tara ada dari pemimpin-pemimpin di dunia ini yang mangarti Tuhan Allah pe rencana itu. Karna kalu dorang mangarti itu, dong tara akan mo kase salib pa Tuhan yang hebat itu.

Roma 1:28

Deng karna dorang rasa dong tara perlu tau tentang Tuhan Allah, jadi Tuhan Allah kase biar dorang pe pikiran yang tara guna itu kuasai pa dorang. Dia pe ahir kabawa, dorang biking barang yang tara pantas dong biking.

Kisah Para Rasul 17:23

Karna waktu kita bakuliling di ngoni pe kota, kita perhatikan di ngoni pe tampa-tampa semba itu, kita lia ada satu tampa semba yang ada tulisan bagini ‘Tampa semba ini untuk Tuhan Allah yang torang tara kanal’. Jadi Tuhan Allah yang ngoni jaga semba tapi ngoni tara kanal itu, Dia itu suda Tuhan Allah yang kita mo kase kanal pa ngoni skarang.

Kisah Para Rasul 9:16

Kita sandiri yang akan kase tunju pa dia, dia mo dapa banya siksa karna dia iko pa Kita.”

Kisah Para Rasul 3:17

Sudara-sudara, kita tau, ngoni ini deng ngoni pe pemimpin-pemimpin so bunu pa Yesus, karna ngoni tara tau apa yang ngoni biking.

Yohanes 8:54

Yesus jawab, “Kalu Kita cari puji deng hormat, pujian itu tara ada dia pe guna. Tapi Kita pe Bapa yang puji deng hormat pa Kita. Kong Dia itu suda yang ngoni jaga bilang ngoni pe Tuhan Allah.

Lukas 6:22

Paling sanang suda ngoni yang karna ngoni iko pa Anak Manusia, orang binci pa ngoni, tara tarima pa ngoni, hina pa ngoni, deng kase tara bae ngoni pe nama.

Matius 10:39

Jadi sapa yang hidup cuma untuk dia pe diri sandiri, dia itu akan mati tapisa deng Tuhan Allah slama-lamanya. Tapi, sapa yang kase dia pe hidup karna iko pa Kita, dia itu akan dapa hidup deng Tuhan Allah slama-lamanya.”

Matius 5:11

Paling sanang suda ngoni yang karna ngoni iko pa Kita, ngoni dapa hina, dapa siksa, deng ada yang kase tara bae ngoni pe nama.

Markus 13:13

Kong samua orang akan binci pa ngoni karna ngoni iko pa Kita. Tapi orang yang tetap percaya pa Kita sampe dia pe ahir hidup, Tuhan Allah mo kase slamat pa dia.”

Lukas 21:12

Tapi kalu samua itu bolong jadi, ngoni akan dapa tangka deng dapa siksa karna ngoni percaya pa Kita. Dorang akan serakan pa ngoni di ruma-ruma ibada agama Yahudi, kong mo adili pa ngoni baru kase maso pa ngoni di penjara. Deng ngoni akan dapa kase mangada pa raja-raja deng pa gubernur-gubernur. Samua itu mo jadi pa ngoni, karna ngoni ada iko pa Kita.

Yohanes 8:55

Tapi sebenarnya ngoni tara kanal pa Dia. Kita ini yang kanal pa Dia. Kalu Kita bilang Kita tara kanal pa Dia, Kita ini pangbafoya sama deng ngoni. Tapi yang sebenarnya, Kita kanal pa Dia, deng Kita jaga iko apa yang Dia bilang.

Yohanes 15:24

Kalu misalnya Kita tara biking mujizat-mujizat sama deng yang orang laeng tara perna biking, pasti Tuhan Allah tara bilang dorang itu berdosa kalu dorang binci pa Kita. Tapi ini, dorang so lia mujizat-mujizat yang Kita biking, tapi dorang tetap binci pa Kita deng pa Kita pe Bapa lagi.

Yohanes 17:25

Ya Bapa yang adil, orang-orang yang ada di dunia ini tara kanal pa Bapa, tapi Kita kanal pa Bapa. Deng Kita pe murit-murit tau, Bapa itu yang utus pa Kita.

Kisah Para Rasul 4:17

Bagini saja, lebe bae torang ancam pa dorang dua la jang dong kase ajar lagi tentang Yesus, supaya itu tara tasiar pa orang banya.”

Kisah Para Rasul 9:14

Kong skarang dia so ada di sini. Dia so dapa kuasa dari imam-imam kapala la mo tangka pa orang-orang yang percaya pa Tuhan di sini.”

Kisah Para Rasul 26:9

Dulu, kita me bapikir, tara mungkin Yesus orang Nazaret itu hidup ulang, jadi kita kira Dia pe ajaran itu sesat. Karna itu, kita biking apa saja untuk tantang Yesus pe nama, sampe kita me siksa pa orang-orang yang percaya pa Dia.

1 Yohanes 3:1

Coba ngoni pikir, pe basar skali Tuhan Allah torang pe Bapa pe sayang pa torang, sampe Dia bilang torang ini Dia pe ana-ana! Deng memang torang ini Dia pe ana-ana! Karna itu, orang-orang yang jaga iko dunia pe mau, dorang tara tau torang ini Dia pe ana-ana, barang dorang me tara kanal pa Tuhan Allah.

3 Yohanes 1:7

Barang, waktu dong kase tau tentang Yesus Kristus pa orang-orang, dorang tara dapa bantuan apa-apa dari orang yang bolong percaya.