Yohanes 15:20 - Perjanjian Baru Bahasa Melayu Maluku Utara

²⁰ Ngoni musti inga apa yang Kita so bilang pa ngoni, ‘orang karja tara lebe penting dari dia pe tuang’. Kalu orang-orang so siksa pa Kita di dunia ini, dorang lagi pasti akan siksa pa ngoni. Tapi kalu orang-orang biking Kita pe ajaran, dorang lagi mo biking ajaran yang ngoni ada kase ajar.

Yohanes 15:20 Referans Kwoze

2 Timotius 3:12

Memang samua orang yang percaya pa Kristus Yesus deng berusaha hidup iko Dia pe mau akan dapa siksa.

Yohanes 13:16

Inga bae-bae conto ini. Orang karja tara lebe penting dari dia pe tuang, bagitu lagi deng orang yang dapa utus, tara lebe penting dari orang yang utus pa dia.

Matius 10:24

Tarada murit yang lebe dari dia pe guru, atau tarada orang karja yang lebe dari dia pe tuang.

2 Korintus 4:9

Torang dapa siksa, tapi Tuhan tara perna kase tinggal pa torang sandiri. Biar torang dapa pukul sampe taguling-guling, tapi torang tara mati.

1 Korintus 4:12

Torang ini karja karas sampe suar malele untuk torang pe hidup. Kalu orang momake pa torang, torang kase berdoa pa dorang la Tuhan kase yang bae pa dorang. Kalu orang siksa pa torang, torang sabar saja.

Yohanes 8:51

Inga bae-bae yang Kita bilang pa ngoni ini. Sapa saja yang iko Kita pe ajaran, dia tara akan mati sampe slama-lamanya.”

Lukas 6:40

Tarada murit yang lebe dari dia pe guru. Tapi kalu dia so selesai balajar dari dia pe guru, dia bisa jadi sama deng dia pe guru.

1 Tesalonika 2:15

Orang Yahudi dulu yang bunu pa nabi-nabi deng pa Tuhan Yesus, turus skarang dorang siksa lagi pa torang. Dorang baku musu deng samua orang. Tuhan Allah paling tara suka apa yang dong biking itu.

Yohanes 10:31

Pe dengar Yesus bilang bagitu, orang-orang Yahudi ambe batu lagi mo lempar kase mati pa Dia.

Yohanes 11:57

Dorang baku bilang bagitu, barang orang Yahudi pe imam-imam kapala deng orang-orang dari aliran Farisi so kase parenta pa orang-orang bagini: kalu ada yang tau Yesus ada di mana, musti lapor pa dorang supaya dong tangka pa Dia.

Yohanes 8:59

Pe dengar Yesus bilang bagitu, pemimpin-pemimpin agama Yahudi itu ambe batu mo lempar pa Dia, tapi tara sangka-sangka Yesus so pigi kaluar dari Ruma Ibada Pusat.

Yohanes 7:32

Orang-orang Yahudi dari aliran Farisi, dorang dengar orang banya baku-baku bisi tentang Yesus. Jadi, dorang deng imam-imam kapala suru pa penjaga-penjaga Ruma Ibada Pusat supaya tangka pa Yesus.

Yohanes 5:16

Pe dengar itu, pemimpin-pemimpin agama Yahudi mulai berusaha biking susa pa Yesus, karna Dia so kase sembu orang pas di hari Sabat.

Lukas 2:34

Turus, Simeon berdoa supaya Tuhan Allah kase Dia pe bae pa Yusuf, Maria deng pa Anak itu. Kong dia bilang pa Maria, Anak itu pe mama, “Karna Anak ini, banya orang Israel akan tara percaya kong dapa hukum dari Tuhan Allah, tapi ada banya orang Israel laeng lagi yang mo percaya kong dapa slamat. Kong Anak ini jadi tanda, Dia dari Tuhan Allah, tapi banya orang tara akan tarima pa Dia.

Yohanes 8:52

Pemimpin-pemimpin agama Yahudi itu bilang pa Dia, “Skarang so jelas, Bapa memang kemasukan setang. Abraham deng nabi-nabi laeng so mati samua, tapi Bapa bilang kata, sapa yang iko Bapa pe ajaran, orang itu tara akan mati sampe slama-lamanya.

Kisah Para Rasul 14:22

Di tampa-tampa itu, Paulus deng Barnabas kase kuat orang-orang percaya pe hati deng kase nasehat supaya dorang tetap batahang percaya pa Tuhan Yesus. Paulus deng Barnabas bilang pa dorang, “Kalu torang mau jadi Tuhan Allah pe umat yang Dia Berkuasa sebagai Raja, torang akan dapa banya sengsara.”

Markus 10:39

Kong dorang jawab, “Torang bisa!” Turus Yesus bilang pa dorang, “Memang ngoni nanti menderita deng sengsara sampe mati sama deng Kita.