Yohanes 15:15 - Perjanjian Baru Bahasa Melayu Maluku Utara

¹⁵ Kita tara sebut ngoni ini orang karja lagi, karna orang karja itu tara tau apa yang dia pe tuang biking. Tapi Kita bilang ngoni ini Kita pe tamang, karna samua yang Kita so dengar dari Kita pe Bapa, Kita so kase tau pa ngoni.

Yohanes 15:15 Referans Kwoze

Matius 13:11

Kong Yesus jawab, “Tuhan Allah biking ngoni bisa tau rahasia tentang bagimana Tuhan Allah Berkuasa sebagai Raja, tapi pa orang laeng, tarada.

Yakobus 2:23

Jadi deng Abraham biking bagitu, apa yang tatulis di Kitab Suci so jadi. Dia pe babunyi bagini, “Abraham percaya pa Tuhan Allah, kong karna dia pe percaya itu, Tuhan Allah tarima pa dia jadi orang yang tara sala.” Karna itu, Abraham dapa sebut, “Tuhan Allah pe tamang.”

Kolose 1:26

Kita pe maksut, firman yang orang tua dulu-dulu bolong mangarti, skarang Tuhan Allah so kase mangarti itu pa orang-orang yang so jadi Dia pe umat.

Wahyu 1:1

Kitab ini pe isi tentang apa yang Tuhan Allah kase tunju pa Yesus Kristus, turus Yesus Kristus kase tunju pa orang-orang yang jaga biking apa yang Dia suru supaya dorang bole tau apa yang so tara lama lagi mo jadi. Kong Yesus Kristus suru Dia pe malaekat kase tunju itu samua pa kita.

Efesus 3:5

Dulu, Tuhan Allah bolong kase tau Dia pe rencana itu pa orang-orang, tapi skarang Dia pe Roh so pili pa kita supaya kase tau Dia pe rencana itu pa orang-orang yang Dia so pili. Dorang itu, Yesus Kristus pe utusan-utusan yang orang sebut rasul-rasul, deng pa nabi-nabi yang jaga kase turus Tuhan Allah pe pasáng.

Efesus 1:9

Dulu, tarada orang yang tau Dia pe rencana itu, tapi skarang Dia so kase tau pa torang. Dia pe rencana itu tentang Yesus Kristus, kong rencana itu suda yang Dia ingin biking dari dulu.

Yohanes 20:17

Yesus bilang pa Maria, “Jang pegang pa Kita, karna Kita bolong bale pa Kita pe Bapa. Tapi ngana pigi suda pa Kita pe sudara-sudara yang jaga iko pa Kita kong bilang pa dorang, Kita skarang mo nae pigi pa Kita pe Bapa deng ngoni pe Bapa lagi. Dia itu lagi Kita pe Tuhan Allah deng ngoni lagi pe Tuhan Allah.”

2 Petrus 1:1

Sudara-sudara yang percaya, salam dari kita Simon Petrus. Kita ini orang yang jaga biking apa yang Yesus Kristus suru, deng kita ini me Dia pe utusan yang orang sebut rasul. Yesus Kristus itu Tuhan Allah, deng Dia me yang kase slamat pa torang dari dosa-dosa. Dia itu yang biking sampe ngoni percaya pa Dia sama deng torang yang so percaya pa Dia, karna Dia salalu biking barang yang butul.

Galatia 4:6

Kong karna torang so jadi Tuhan Allah pe ana-ana, Tuhan Allah so suru pa Dia pe Anak pe Roh tinggal di torang pe hati, kong Roh yang ada di torang pe hati itu bakarja deng biking torang bole pangge pa Tuhan Allah itu, “Papa e, ya Bapa!”

Yohanes 12:26

Sapa yang suka biking apa yang Kita suru, dia musti iko pa Kita, kong di mana saja Kita ada, dia lagi musti ada di situ. Kong sapa yang biking apa yang Kita suru, Kita pe Bapa akan hormati pa dia.”

Yohanes 8:26

Sebenarnya masi banya lagi yang musti Kita bilang deng kase sala pa ngoni. Tapi Kita cuma mo bilang pa ngoni apa yang Kita dengar dari Dia yang so utus pa Kita. Yang Dia bilang itu butul, kong itu suda yang Kita kase tau pa orang-orang di dunia.”

1 Petrus 1:11

Yesus Kristus pe Roh yang ada pa nabi-nabi itu yang kase tau pa dorang tentang Dia mo dapa sengsara, deng abis itu dapa puji deng hormat. Jadi, nabi-nabi itu me cari tau lagi bagimana deng tempo apa itu mo jadi.

Yakobus 1:1

Sudara-sudara dua blas suku Israel yang so percaya pa Yesus Kristus, yang merantau di tampa-tampa laeng. Salam dari kita, Yakobus. Kita ini orang yang jaga biking apa yang Tuhan Allah deng Tuhan Yesus Kristus suru.

Filemon 1:16

Jadi skarang ngana tarima ulang pa dia. Dia bukang cuma ngana pe orang karja saja, tapi lebe dari itu, dia me so jadi ngana pe sudara yang sama-sama percaya. Ngana sayang pa dia, sama deng kita so sayang pa dia. Ngana sayang pa dia karna dia itu ngana pe orang karja, deng dia itu lagi ngana pe sudara yang sama-sama percaya pa Tuhan.

Yohanes 17:26

Kita so biking dong tau sapa Bapa sebenarnya, kong Kita mo kase tau turus itu pa dorang, supaya dorang baku sayang sama deng Bapa sayang pa Kita, kong dorang lagi mo jadi satu hati deng Kita.”

Yohanes 15:20

Ngoni musti inga apa yang Kita so bilang pa ngoni, ‘orang karja tara lebe penting dari dia pe tuang’. Kalu orang-orang so siksa pa Kita di dunia ini, dorang lagi pasti akan siksa pa ngoni. Tapi kalu orang-orang biking Kita pe ajaran, dorang lagi mo biking ajaran yang ngoni ada kase ajar.

Yohanes 13:16

Inga bae-bae conto ini. Orang karja tara lebe penting dari dia pe tuang, bagitu lagi deng orang yang dapa utus, tara lebe penting dari orang yang utus pa dia.

Yudas 1:1

Sudara-sudara, ngoni yang Tuhan Allah torang pe Bapa so pangge untuk iko pa Dia, yang Dia sayang, deng yang Dia salalu jaga sampe Yesus Kristus datang ulang. Salam dari kita Yudas. Kita ini Yakobus pe sudara, deng kita me yang jaga biking apa yang Yesus Kristus suru.

Kisah Para Rasul 20:27

Barang, kita so salalu kase tau samua Tuhan Allah pe rencana pa ngoni.

Yohanes 4:19

Parampuang itu bilang pa Dia, “Oo, kita jadi tau skarang, Bapa ini nabi yang jaga kase turus Tuhan Allah pe pasáng.

Lukas 10:23

Abis itu, Yesus mangada pa Dia pe murit-murit, Dia bicara cuma pa dorang saja, Dia bilang, “Ngoni paling sanang suda, karna ngoni so lia apa yang Kita biking.

Yohanes 16:12

Masi banya lagi yang Kita mo bilang pa ngoni, tapi skarang ngoni bolong mampo mangarti.

Roma 7:15

Kita sandiri me bingung deng kita pe kalakuang. Kita ingin biking barang yang bae, tapi yang kita jaga biking itu cuma barang yang jahat yang kita tara suka.

1 Korintus 2:16

Barang, ada tatulis di Kitab Suci bagini, “Tara ada satu orang yang tau Tuhan pe pikiran. Turus, tara ada satu orang yang bisa kase nasehat pa Dia.” Tapi torang yang Roh Kudus so kuasai ini, torang pe cara bapikir sama deng Yesus Kristus pe cara bapikir.