Yohanes 14:26 - Perjanjian Baru Bahasa Melayu Maluku Utara

²⁶ Tapi kalu Kita so pigi pa Kita pe Bapa, Dia mo kase Roh Kudus untuk tolong pa ngoni, ganti pa Kita. Roh Kudus itu pe tugas, kase ajar pa ngoni samua yang ngoni musti tau, kong mo kase inga pa ngoni samua yang Kita so bilang pa ngoni.

Yohanes 14:26 Referans Kwoze

Yohanes 15:26

Nanti Kita mo utus Roh Kudus untuk tolong pa ngoni, Roh Kudus itu dari Tuhan Allah. Roh Kudus itu yang mo kase tau yang butul tentang Tuhan Allah deng mo kase tau pa orang-orang tentang Kita.

Yohanes 14:16

Kong Kita mo minta pa Kita pe Bapa, supaya Dia kase Penolong satu pa ngoni, yang mo ada turus sama-sama deng ngoni.

1 Yohanes 2:27

Tapi untuk ngoni sandiri, Tuhan Allah so kase Roh Kudus untuk kuasai pa ngoni. Roh itu masi tetap ada pa ngoni, jadi ngoni so tara perlu lagi orang laeng ajar. Roh Kudus itu so ajar pa ngoni tentang samua hal. Apa yang Dia kase ajar itu butul deng tara foya. Kong karna ngoni so tarima ajaran itu dari Dia, ngoni musti tetap hidup satu hati deng Yesus Kristus.

Yohanes 16:7

Tapi butul, lebe bae Kita pigi, itu untuk ngoni pe bae. Barang kalu Kita pigi, Kita mo kase Roh Kudus supaya tolong pa ngoni. Tapi kalu Kita tara pigi, Roh Kudus itu tara akan datang pa ngoni.

1 Yohanes 2:20

Tapi ngoni, Tuhan Allah so kase Roh Kudus untuk kuasai pa ngoni, deng karna itu, ngoni samua so tau ajaran yang butul.

1 Korintus 6:19

Ngoni so tau to, Roh Kudus tinggal dalam ngoni pe diri, jadi ngoni sama deng so jadi Tuhan Allah pe Ruma yang Roh Kudus tinggal. Tuhan Allah yang kase Roh Kudus itu pa ngoni, kong ngoni pe diri itu bukang ngoni punya sandiri, tapi Tuhan Allah punya.

Kisah Para Rasul 2:33

Skarang, Tuhan Allah so angka pa Dia kong kase tampa yang terhormat, pa Tuhan Allah pe sabla kanan. Tuhan Allah so kase Roh Kudus pa Yesus, sama deng Tuhan Allah so janji dari dulu. Kong Roh Kudus itu Dia so kase pa torang skarang, itu yang ngoni so dengar deng lia pa torang di sini.

Efesus 1:17

Kita berdoa pa Tuhan Allah, torang pe Tuhan Yesus Kristus pe Bapa yang hebat. Kita minta supaya Dia pe Roh pe kuasa buka ngoni pe pikiran deng biking ngoni lebe mangarti tentang Tuhan Allah, sampe ngoni kanal pa Dia lebe dalam lagi.

Roma 15:13

Tuhan Allah itu yang biking torang bole baharap deng yakin, apa yang Dia janji Dia akan biking. Karna itu, kita minta pa Tuhan Allah supaya Dia biking ngoni pe hati sanang deng hati tenang, karna ngoni so percaya pa Dia. Kita minta itu supaya Roh Kudus pe kuasa bakarja di ngoni pe hati untuk biking ngoni tatamba baharap deng yakin turus pa Tuhan Allah.

Kisah Para Rasul 2:4

Turus, Roh Kudus kuasai pa dorang samua sampe dong mulai bicara pake bahasa-bahasa laeng yang Roh Kudus kase pa dorang.

Yohanes 2:22

Jadi nanti, abis Dia mati deng hidup ulang, Dia pe murit-murit dapa inga yang Dia perna bilang ini, kong dorang lagi percaya Kitab Suci deng kata-kata yang Yesus so bilang.

Kisah Para Rasul 13:2

Satu kali, waktu dorang berdoa pa Tuhan Allah deng bapuasa, Roh Kudus bicara pa dorang, “Kita so pili pa Barnabas deng Saulus untuk biking tugas yang Kita mo kase pa dorang. Jadi, kase dorang kusus pa Kita.”

1 Petrus 1:12

Yesus Kristus pe Roh itu me yang kase tau pa nabi-nabi itu kalu pasáng yang dorang jaga kase tau itu bukang untuk dorang pe diri sandiri saja, tapi untuk ngoni skarang ini. Yang dorang kase tau itu, Kabar Bae tentang Yesus Kristus. Skarang, ngoni so dengar dari orang-orang yang kase tau Kabar Bae itu pa ngoni. Dorang kase tau itu deng kuasa Roh Kudus yang dari sorga. Kong yang dorang kase tau itu, itu yang malaekat-malaekat me suka cari tau.

1 Yohanes 5:7

Ada tiga bukti yang biking torang tau butul Yesus itu datang dari Tuhan Allah:

Titus 3:5

Tuhan Allah kase slamat pa torang, bukang karna torang so biking barang yang butul, tapi itu karna Dia sayang pa torang. Deng Roh Kudus pe kuasa, Dia biking torang jadi bersi dari torang pe dosa-dosa, la torang pe hubungan deng Tuhan Allah jadi baru, sama deng torang lahir ulang.

Lukas 24:49

Turus Kita sandiri yang mo kase turung Roh Kudus pa ngoni, yang Kita pe Bapa so janji dari dulu. Tapi ngoni musti tinggal di kota ini dulu, sampe kuasa yang dari Tuhan Allah itu turung kuasai pa ngoni.”

Yudas 1:20

Tapi ngoni sudara-sudara yang kita sayang, kase kuat ngoni pe hati supaya ngoni pe percaya pa Tuhan lebe tamba kuat, karna ajaran yang torang percaya itu butul-butul suci. Kong kase biar Roh Kudus yang pimpin pa ngoni waktu ngoni berdoa.

Ibrani 9:8

Kong deng aturan-aturan itu, Roh Kudus biking tong mangarti, bolong ada jalang la tong badekat pa Tuhan Allah selama masi ada ruang yang pertama deng dia pe pampele itu.

Ibrani 3:7

Jadi karna itu, dengar apa yang Roh Kudus bilang, “Hari ini, kalu ngoni dengar Tuhan Allah pe suara,

1 Tesalonika 4:8

Jadi sapa yang tara tarima ajaran ini, dia bukang cuma tara tarima manusia pe kata-kata, tapi dia lagi tara tarima pa Tuhan Allah yang so kase Dia pe Roh Kudus pa ngoni.

1 Korintus 12:3

Karna itu, skarang kita mau ngoni tau, orang yang Tuhan Allah pe Roh ada pa dia pe diri, tara mungkin dia mo kutuk pa Yesus. Bagitu lagi, cuma orang yang ada Roh Kudus pa dia pe diri yang bisa bilang, “Yesus itu Tuhan”.

2 Petrus 1:21

Karna samua yang nabi-nabi kase tau itu me, tara perna iko manusia pe mau. Tapi Roh Kudus yang kuasai pa nabi-nabi itu yang biking sampe dorang bisa kase tau Tuhan Allah pe pasáng.

Lukas 11:13

Jadi biar ngoni pe hati tara bae, tapi ngoni tau bagimana kase barang yang bae pa ngoni pe ana-ana. Apalagi ngoni pe Bapa yang di sorga! Dia pasti mo kase Roh Kudus pa orang-orang yang minta pa Dia.”

Roma 15:16

Dia pangge pa kita jadi Yesus Kristus pe utusan untuk kase tau Kabar Bae dari Tuhan Allah pa orang-orang yang bukang Yahudi. Kita pe tugas itu kita kase sama deng orang Yahudi pe imam pe tugas, karna kalu kita kase tau Kabar Bae itu pa orang bukang Yahudi kong dorang jadi percaya pa Yesus, itu kita so kase sanang Tuhan Allah pe hati, sama deng imam kase binatang korban persembahan pa Tuhan Allah. Kong Tuhan Allah tarima pa dorang karna Roh Kudus so biking dong jadi Tuhan Allah pe umat sandiri.

Lukas 1:41

Waktu Elisabet dengar Maria pe salam, ana yang ada pa Elisabet pe puru langsung bagará, kong Roh Kudus kuasai pa Elisabet.

Matius 3:11

Kita baptis pa ngoni deng aer, tanda ngoni so bertobat kong iko pa Tuhan Allah. Tapi abis kita ini, ada satu Orang yang mo datang, Dia pe kuasa lebe basar dari kita. Kong mo jadi Dia pe suru-suru yang bawa Dia pe sandal saja me, kita tara pantas. Dia itu nanti yang mo baptis pa ngoni pake Roh Kudus deng api.

Ibrani 2:4

Deng supaya orang bole yakin ajaran yang dorang kase tau itu butul, Tuhan Allah kase Dia pe kuasa pa dorang untuk biking mujizat-mujizat, deng tanda-tanda yang kase tunju Tuhan Allah pe kuasa sampe orang jadi herang. Deng Dia kase barbage Dia pe Roh Kudus pe kuasa pa dorang iko Dia pe mau la dorang ada karunia-karunia untuk pake layani pa orang-orang.

2 Timotius 1:14

Ngana pe tugas, kase tau Kabar Bae. Kabar Bae itu sama deng harta yang mahal. Jadi jaga ngana pe tugas itu bae-bae. Roh Kudus yang ada di torang pe hati, mo bantu pa torang jaga tugas itu, supaya tarada orang yang biking itu jadi ajaran sesat.

Efesus 4:30

Jang sampe deng ngoni pe bicara yang tara bae itu, ngoni biking Tuhan Allah pe Roh Kudus jadi sedi. Inga, Tuhan Allah pe Roh Kudus yang ada pa torang itu jadi tanda, torang ini Tuhan Allah punya, sampe di waktu Dia datang ulang untuk kase slamat pa torang.

Roma 14:17

Karna kalu Tuhan Allah Berkuasa sebagai Raja pa torang pe hidup, yang penting itu bukang apa yang torang makang deng minum. Tapi Tuhan Allah mau torang hidup butul, baku bawa bae-bae, deng torang pe hati sanang karna Roh Kudus ada di torang pe hati.

Roma 5:5

Kong karna torang so baharap deng yakin pa Tuhan Allah, torang tau, torang tara akan kecewa karna Tuhan Allah akan kase samua yang Dia janji. Torang so tau itu butul karna Tuhan Allah so kase Roh Kudus yang bakarja di torang pe hati sampe torang bole rasa Dia pe sayang yang basar.

Kisah Para Rasul 20:28

Karna itu sudara-sudara, ngoni musti jaga bae-bae ngoni pe diri, deng jemaat yang Roh Kudus so kase pa ngoni untuk ngoni jaga. Ngoni jaga Tuhan Allah pe jemaat sama deng gembala yang jaga dia pe domba. Jemaat-jemaat itu so jadi Tuhan Allah punya, barang Dia pe Anak Yesus so mati di kayu salib untuk tebus pa torang.

Kisah Para Rasul 11:16

Pe dapa lia itu, kita dapa inga yang Tuhan Yesus perna bilang, ‘Yohanes Pembaptis, baptis pa orang deng aer, tapi ngoni mo dapa baptis deng Roh Kudus.’

Kisah Para Rasul 1:8

Tapi nanti Roh Kudus mo turung pa ngoni, baru ngoni mo dapa kuasa. Kong deng kuasa itu, ngoni mo jadi Kita pe saksi la pigi kase tau tentang Kita pa orang-orang di kota Yerusalem, di daera Yudea, daera Samaria, sampe di tampa-tampa yang jao skali di dunia ini.”

Yohanes 20:22

Abis Yesus bilang bagitu, Dia tiop pa dorang deng Dia pe napas kong bilang, “Tarima suda Roh Kudus.

Yohanes 6:45

Ada tatulis di nabi-nabi pe kitab bagini, ‘Tuhan Allah mo kase ajar pa dorang samua.’ Kong tiap orang yang so dengar deng tarima ajaran dari Kita pe Bapa, akan datang iko pa Kita.

Markus 13:11

Kalu ada yang bawa pa ngoni kong serakan pa ngoni untuk mo adili, jang ngoni tako apa yang ngoni musti bilang. Ngoni bilang saja apa yang Roh Kudus suru ngoni bilang, karna itu bukang ngoni pe kata-kata yang kaluar tapi Roh Kudus.

Matius 1:20

Tapi waktu Yusuf masi pikir-pikir dia pe rencana itu, Tuhan Allah pe malaekat datang pa dia dalam mimpi, kong bilang pa dia, “Yusuf, raja Daud pe turunan. Ngana tara usa tako ambe pa Maria jadi ngana pe bini, karna ana yang ada pa dia pe dalam puru itu dari Roh Kudus.

Ibrani 10:15

Kong Roh Kudus me kase tau yang sama tentang itu pa torang, bagini:

Yohanes 12:16

Waktu banya orang puji pa Yesus itu, Yesus pe murit-murit bolong mangarti bikiapa kong dorang puji pa Yesus. Tapi nanti, waktu Yesus so dapa puji deng hormat karna Dia mati kong hidup ulang, baru dong sadar, samua itu jadi, sama deng yang Tuhan Allah so bilang di Kitab Suci.

Markus 12:36

Padahal waktu Roh Kudus kuasai pa raja Daud, raja Daud kase tau, Tuhan Allah ada bilang pa kita pe Tuhan bagini, ‘Dudu suda di tampa yang terhormat, pa Kita pe sabla kanan, sampe Kita kase kala Ngana pe musu-musu samua.’

Wahyu 2:11

Jadi dengar bae-bae apa yang Tuhan Allah pe Roh kase tau pa Dia pe jemaat-jemaat, bagini, ‘Sapa yang menang dari pengaru jahat, dia itu pasti tara tarima hukuman yang dia pe nama kematian yang kedua.’ ”

Efesus 1:13

Kong ngoni orang-orang yang bukang Yahudi, skarang ngoni me so dengar ajaran yang butul kong so jadi percaya pa Yesus Kristus. Ajaran yang butul itu, Kabar Bae tentang Yesus Kristus yang so kase slamat pa ngoni dari dosa-dosa. Kong waktu ngoni percaya pa Yesus Kristus, Tuhan Allah kase Roh Kudus pa ngoni supaya jadi tanda ngoni itu so jadi Tuhan Allah punya. Roh Kudus itu suda yang Tuhan Allah so janji dari dulu.

2 Korintus 6:6

Samua yang torang biking, tong biking deng hati bersi, torang lagi tau banya hal karna Tuhan Allah bantu pa torang, torang sabar, torang bae-bae deng orang, torang sayang orang butul-butul, deng Roh Kudus bakarja di torang pe hati.

Kisah Para Rasul 20:35

Deng karja karas bagitu, kita so kase conto pa ngoni la ngoni me karja karas untuk bantu pa orang-orang yang tara mampo. Torang musti inga yang Tuhan Yesus so bilang, karna Dia sandiri yang bilang, ‘Kalu torang dapa apa-apa dari orang, torang pasti sanang, tapi yang lebe sanang itu torang yang bakase apa-apa pa orang laeng.’ ”

Kisah Para Rasul 15:8

Tuhan Allah yang tau manusia pe hati, kong Dia yang kase Roh Kudus pa dorang orang-orang yang bukang Yahudi, sama deng Dia kase pa torang orang Yahudi, supaya torang tau Dia me tarima pa dorang.

Kisah Para Rasul 7:51

Kong Stefanus bilang lagi pa pemimpin-pemimpin Yahudi itu bagini, “Ngoni ini memang kapala batu! Ngoni pe hati so sama deng orang yang tara kanal pa Tuhan Allah, kong ngoni tara mau dengar-dengaran pa Dia. Ngoni salalu malawang pa Roh Kudus, sama deng ngoni pe orang tua dulu-dulu.

Kisah Para Rasul 1:4

Satu kali bagini, waktu Yesus deng Dia pe rasul-rasul itu makang sama-sama, Dia pasáng pa dorang bagini, “Jang dulu ngoni kase tinggal kota Yerusalem ini. Ngoni tinggal di sini supaya tunggu Kita pe Bapa pe janji pa ngoni, sama deng yang Kita perna bilang pa ngoni.

Kisah Para Rasul 1:2

sampe waktu Dia taangka ka atas di sorga. Sebelum Yesus taangka, Dia pasáng pa Dia pe utusan-utusan yang orang sebut rasul-rasul, apa yang dorang musti biking. Dorang itu yang Dia so pili, kong Dia pasáng pa dorang itu pake Roh Kudus pe kuasa.

Yohanes 7:39

Waktu Yesus bilang tentang aer itu, Dia pe maksut Tuhan Allah pe Roh yang orang percaya mo tarima. Barang, waktu Yesus masi ada di dunia, orang-orang bolong tarima Tuhan Allah pe Roh, karna Yesus bolong mati kong hidup ulang supaya orang lia Tuhan Allah pe hebat.

Lukas 3:22

Turus, Roh Kudus datang pa Dia. Roh itu pe model sama deng burung pombo. Kong dapa dengar Tuhan Allah pe suara dari langit bagini, “Ngana ini Kita pe Anak, Kita paling sayang pa Ngana. Ngana yang biking Kita pe hati sanang.”

Lukas 1:67

Abis itu, Roh Kudus kuasai pa Zakharia, Yohanes pe papa. Turus, Zakharia kase tau apa yang Tuhan Allah bilang pa dia,

Lukas 1:35

Malaekat itu jawab pa dia, “Bagini. Nanti Roh Kudus mo datang pa ngana. Tuhan Allah yang Paling Tinggi itu mo kuasai pa ngana. Jadi, Anak yang akan ngana kase lahir itu suci, deng orang mo pangge pa Dia, Anak Allah.

Lukas 1:15

karna dia mo jadi orang basar pa Tuhan Allah pe muka. Selama dia hidup, dia tara akan minum anggur atau minuman laeng yang biking mabo. Waktu dia masi ada pa dia pe mama pe puru, Roh Kudus so kuasai pa dia.

Matius 28:19

Karna itu, ngoni pigi suda kong biking samua bangsa jadi Kita pe murit. Ngoni baptis pa dorang dalam nama Bapa, Anak deng Roh Kudus.

Kisah Para Rasul 28:25

Jadi, dorang mulai baku malawang sampe ada yang mau kaluar dari Paulus pe tampa tinggal. Kong sebelum dorang kaluar, Paulus bilang lagi bagini, “Butul suda yang Roh Kudus kase tau pa torang pe orang tua dulu-dulu, itu so tatulis di kitab nabi Yesaya bagini,

Kisah Para Rasul 16:6

Paulus deng dia pe tamang-tamang cuma lewat di daera Frigia deng Galatia di daera Asia Kecil. Barang, Roh Kudus bilang pa dorang, jang dulu kase tau Kabar Bae pa orang-orang yang ada di daera Asia Kecil.

Kisah Para Rasul 15:28

Roh Kudus so bicara pa torang, deng torang lagi setuju, torang tara mau tamba kase barát pa ngoni sampe suru ngoni iko samua aturan di lima kitab Musa. Jadi yang torang mo minta pa ngoni cuma ini:

Kisah Para Rasul 13:4

Abis itu, Barnabas deng Saulus biking dorang pe tugas yang Roh Kudus suru pa dorang dua. Dorang pigi di kota Seleukia, kong dari situ dorang balayar ka sana di pulo Siprus.

Kisah Para Rasul 7:55

Tapi Stefanus yang Roh Kudus kuasai, dia bahaga ka atas di langit, kong dia lia Tuhan Allah pe kuasa yang luar biasa. Dia me lia Yesus badiri di tampa yang terhormat pa Tuhan Allah pe sabla kanan.

Kisah Para Rasul 5:3

Kong Petrus bilang, “Ananias, bikiapa kong ngana kase biar Iblis, setang-setang pe raja kuasai ngana pe hati, sampe ngana so bafoya pa Roh Kudus? Doi hasil jual tana itu ada yang ngana so tahang, to? Tapi ngana bilang kata, so kase samua pa torang.

Lukas 2:25

Waktu itu di Yerusalem, ada satu orang dia pe nama Simeon. Dia itu hidup butul pa Tuhan Allah pe muka deng dia dengar-dengaran pa Tuhan Allah. Deng dia ada tunggu waktu yang nanti Tuhan Allah mo kase slamat pa bangsa Israel. Kong Roh Kudus salalu sama-sama deng dia.

Matius 1:18

Yesus Kristus lahir, pe carita bagini: Maria, Yesus pe mama itu so baku janji mo kawing deng Yusuf. Maria ini bolong tau laki-laki, tau-tau dia so hamil. Maria hamil karna Roh Kudus.

Yohanes 1:33

Waktu itu, kita sandiri bolong tau Dia itu Kristus, Raja yang Tuhan Allah janji mo kase slamat pa manusia. Tapi Tuhan Allah yang suru kita baptis deng aer, Dia so bilang pa kita bagini, ‘Kalu ngana lia Kita pe Roh turung di atas satu Orang kong tinggal di atas pa Dia, Dia itu suda yang mo pake Roh Kudus untuk baptis orang.’

Yohanes 14:25

Samua yang Kita bilang ini, Kita ada bilang waktu Kita masi sama-sama deng ngoni.