Yohanes 14:21 - Perjanjian Baru Bahasa Melayu Maluku Utara

²¹ Sapa saja yang tarima Kita pe parenta kong biking, dia itu yang sayang pa Kita. Kong sapa yang sayang pa Kita, Kita pe Bapa lagi akan sayang pa dia, deng Kita me mo sayang pa dia kong Kita mo kase tunju Kita pe diri pa dia.”

Yohanes 14:21 Referans Kwoze

Yohanes 14:15

Yesus bilang lagi, “Kalu ngoni sayang pa Kita, ngoni akan biking Kita pe parenta-parenta.

1 Yohanes 5:3

Kalu torang sayang pa Tuhan Allah, torang iko Dia pe parenta-parenta. Kong Dia pe parenta-parenta itu tara susa untuk torang biking.

1 Yohanes 2:5

Tapi sapa saja yang biking Tuhan Allah pe parenta-parenta, pa dia itu ada Tuhan Allah pe sayang yang biking dia bole sayang pa orang deng sempurna. Itu yang biking torang tau, torang hidup satu hati deng Tuhan Allah.

2 Yohanes 1:6

Kalu torang butul-butul sayang Tuhan Allah, itu berarti, torang hidup iko Dia pe parenta. Dia pe parenta itu, torang musti hidup baku-baku sayang. Parenta itu ngoni so dengar dari waktu pertama kali ngoni jadi percaya pa Yesus Kristus.

Yohanes 16:27

karna Bapa sandiri sayang pa ngoni, barang ngoni lagi sayang pa Kita deng percaya Kita ini yang Dia utus.

Lukas 11:28

Tapi Yesus bilang pa dia, “Lebe sanang lagi orang yang suka badengar Tuhan Allah pe firman kong iko itu!”

Yohanes 15:14

Ngoni itu memang Kita pe tamang bae, kalu ngoni jaga biking Kita pe parenta.

Wahyu 3:20

Dengar bae-bae! Kita so badiri di ngoni pe muka pintu deng Kita so pangge-pangge mo maso. Kalu ada orang yang dengar Kita pe suara, kong buka pintu, nanti Kita akan maso kong tong makang sama-sama.

Wahyu 22:14

Orang-orang yang pe hati so bersi, dorang sama deng orang yang cuci dong pe pakeang sampe bersi. Dorang itu paling sanang suda, karna nanti dong bole maso di dalam kota itu iko pintu-pintu gerbang, deng dorang lagi ada hak untuk makang bua yang biking dorang hidup deng Tuhan Allah sampe slama-lamanya.

2 Korintus 4:6

Barang, waktu Tuhan Allah biking dunia ini, Dia bicara supaya galap jadi tarang. Bagitu lagi, Dia biking torang pe hati yang galap jadi tarang, supaya tong bole mangarti Tuhan Allah pe kuasa yang luar biasa, kong itu torang bole lia dari Yesus Kristus pe hidup.

Wahyu 2:17

Jadi dengar bae-bae apa yang Tuhan Allah pe Roh kase tau pa Dia pe jemaat-jemaat, bagini, ‘Sapa yang menang dari pengaru jahat, nanti Kita kase pa dia makanang dari sorga yang orang sebut manna yang tasambunyi. Nanti Kita mo kase lagi pa dia batu puti satu yang ada tatulis dia pe nama baru. Nama baru itu, cuma orang yang tarima batu itu saja yang tau, orang laeng tara tau.’ ”

Yohanes 17:23

Kita suka dorang itu jadi satu hati deng Kita, kong Bapa jadi satu deng Kita, supaya dorang itu butul-butul jadi satu hati satu deng yang laeng. Deng bagitu, orang-orang yang tara percaya pa Bapa di dunia ini bole tau, Bapa yang utus pa Kita kong Bapa itu sayang pa dorang, sama deng Bapa sayang pa Kita.

1 Yohanes 3:1

Coba ngoni pikir, pe basar skali Tuhan Allah torang pe Bapa pe sayang pa torang, sampe Dia bilang torang ini Dia pe ana-ana! Deng memang torang ini Dia pe ana-ana! Karna itu, orang-orang yang jaga iko dunia pe mau, dorang tara tau torang ini Dia pe ana-ana, barang dorang me tara kanal pa Tuhan Allah.

2 Tesalonika 2:16

Yesus Kristus, torang pe Tuhan, deng Tuhan Allah, torang pe Bapa, sayang skali pa torang deng salalu kase kuat torang pe hati sampe torang bole baharap deng yakin torang dapa hidup deng Dia slama-lamanya. Torang bole yakin bagitu, karna torang tau, Yesus Kristus pe bae pa torang.

Yohanes 16:14

Roh Kudus itu mo hormati pa Kita, karna Dia kase tau pa ngoni apa yang Dia so kamuka dengar dari Kita.

Yohanes 14:18

Waktu Kita kase tinggal pa ngoni nanti, ngoni ini tara akan sandiri sama deng ana yang tarada papa deng mama. Kita mo bale ulang pa ngoni.

2 Timotius 4:22

Kita minta supaya Tuhan sama-sama deng ngana. Kita minta lagi supaya Tuhan kase Dia pe bae pa ngoni samua.

2 Korintus 3:18

Kong untuk torang samua yang percaya, so tara ada lagi yang tutu tong pe pikiran, jadi torang bisa lia Tuhan pe kuasa yang luar biasa. Turus, orang me bisa lia Tuhan pe kuasa yang luar biasa pa torang pe diri. Barang, Tuhan salalu ruba torang pe hidup supaya torang bole jadi sama deng Dia, tamba hari torang pe kalakuang deng torang pe hidup tamba bae. Tuhan yang biking torang jadi bagitu, Dia itu suda Roh Kudus.

Kisah Para Rasul 22:18

sampe kita dapa lia langsung pa Tuhan Yesus. Di situ Tuhan Yesus bilang pa kita, ‘Capat kase tinggal kota Yerusalem ini, barang orang-orang di sini tara mo tarima apa yang ngana kase tau tentang Kita.’

2 Korintus 12:8

Tentang panyake itu, so tiga kali kita minta deng sunggu-sunggu pa Tuhan, supaya Dia kase sembu pa kita.