Yohanes 13:17 - Perjanjian Baru Bahasa Melayu Maluku Utara

¹⁷ Skarang ini, ngoni so tau yang Kita so kase ajar pa ngoni, jadi ngoni lagi musti iko Kita pe conto untuk layani orang supaya ngoni butul-butul sanang.

Yohanes 13:17 Referans Kwoze

Lukas 11:28

Tapi Yesus bilang pa dia, “Lebe sanang lagi orang yang suka badengar Tuhan Allah pe firman kong iko itu!”

Yakobus 4:17

Jadi kalu ada orang tau hal yang bae yang musti dia biking, kong dia tara biking, itu dia so berdosa.

Yakobus 1:25

Tapi kalu orang cari tau deng perhatikan bae-bae kong biking firman itu, bukang cuma dengar kong lupa, pasti Tuhan Allah akan biking dia jadi orang yang paling sanang. Tuhan Allah pe firman itu, aturan yang sempurna, deng yang bole kase lapas orang dari dosa-dosa.

Wahyu 22:14

Orang-orang yang pe hati so bersi, dorang sama deng orang yang cuci dong pe pakeang sampe bersi. Dorang itu paling sanang suda, karna nanti dong bole maso di dalam kota itu iko pintu-pintu gerbang, deng dorang lagi ada hak untuk makang bua yang biking dorang hidup deng Tuhan Allah sampe slama-lamanya.

Galatia 5:6

Karna untuk torang yang so sama-sama percaya pa Kristus Yesus, torang mo iko aturan sunat itu ka, tarada ka, itu tara penting, tapi yang paling penting torang pe percaya pa Yesus Kristus yang dapa lia dari torang pe sayang pa orang laeng.

Matius 12:50

Karna sapa saja yang biking Kita pe Bapa di Sorga pe mau, dia itu suda Kita pe sudara laki-laki, dia itu suda Kita pe sudara parampuang, deng dia itu suda Kita pe mama.”

Yohanes 15:14

Ngoni itu memang Kita pe tamang bae, kalu ngoni jaga biking Kita pe parenta.

Roma 2:13

Karna bukang orang-orang yang dengar aturan di lima kitab Musa yang Tuhan Allah bilang dorang itu orang butul, tapi orang-orang yang biking aturan itu.