Yohanes 12:39 - Perjanjian Baru Bahasa Melayu Maluku Utara

³⁹ Dorang tara percaya bagitu, karna itu sama deng yang nabi Yesaya so perna bilang lagi,

Yohanes 12:39 Referans Kwoze

2 Petrus 2:14

Dorang pe mata kalu lia parampuang, haga deng napsu. Dorang tara perna puas biking dosa. Dorang jaga goda pa orang-orang yang pe percaya bolong kuat pa Tuhan, supaya iko pa dorang untuk biking yang jahat. Dorang itu tara perna puas deng dong pe barang yang so ada, kong dong me mo ambe orang punya. Dorang itu Tuhan Allah pasti mo hukum!

Yohanes 10:38

Tapi Kita ini jaga biking yang Kita pe Bapa suru. Jadi, biar ngoni tara mau percaya pa Kita, tapi paling tarada ngoni musti percaya mujizat-mujizat yang Kita so biking. Deng bagitu, ngoni akan jadi tau deng mangarti, Kita pe Bapa deng Kita itu satu.”

Yohanes 5:44

Ngoni suka dapa puji deng hormat dari orang, tapi ngoni tara biking Tuhan Allah pe mau supaya ngoni dapa puji dari Tuhan Allah yang cuma satu itu. Jadi, tara mungkin ngoni mo percaya pa Kita.

Yohanes 6:44

Tara ada orang yang bole datang iko pa Kita, kalu Bapa yang utus pa Kita tara pimpin orang itu datang pa Kita. Kong Kita mo kase hidup ulang pa orang itu di hari kiamat.

Yohanes 12:38

Deng dorang tara percaya pa Yesus, itu suda yang dulu Tuhan Allah bilang mo jadi, sama deng nabi Yesaya dulu perna tulis, “Tuhan, amper-amper tarada orang yang percaya kabar yang torang kase tau. Biar lagi Tuhan kase tunju Tuhan pe kuasa pa dorang, dorang tetap tara percaya.”

Yohanes 12:40

“Tuhan so biking dorang pe mata buta, jadi dorang tara mo lia apa yang butul. Tuhan lagi so biking dorang pe hati karas, jadi dorang tara mo mangarti apa yang butul. Karna dorang memang so tara mau bertobat, jadi Kita tara mo kase slamat pa dorang.”