Yohanes 12:36 - Perjanjian Baru Bahasa Melayu Maluku Utara

³⁶ Selama Tarang ini ada di sini, percaya suda pa Tarang ini, supaya ngoni jadi ana-ana Tarang.” Abis Yesus bilang bagitu, Dia pigi basambunyi dari dorang.

Yohanes 12:36 Referans Kwoze

Efesus 5:8

Memang dulu, ngoni pe kalakuang me tara bae, sama deng orang-orang yang hidup dalam galap. Tapi skarang, karna ngoni so percaya pa Tuhan, itu sama deng ngoni so hidup dalam tarang. Jadi ngoni pe hidup musti bae-bae sama deng ana-ana tarang.

1 Tesalonika 5:5

Ngoni samua itu hidup di tarang. Jadi torang samua pe hidup tara sama deng orang-orang yang pe kalakuang tara bae, dorang yang hidup di dalam galap.

Yohanes 8:59

Pe dengar Yesus bilang bagitu, pemimpin-pemimpin agama Yahudi itu ambe batu mo lempar pa Dia, tapi tara sangka-sangka Yesus so pigi kaluar dari Ruma Ibada Pusat.

Lukas 16:8

Waktu orang kaya itu dengar dia pe orang karja yang tara jujur itu biking bagitu, dia puji. Barang, dia pe orang karja itu pande ambe hati pa orang-orang supaya dorang bole tolong pa dia nanti. Memang orang-orang yang salalu iko dunia pe mau lebe pintar baakal daripada orang yang hidup dalam tarang yang iko Tuhan Allah pe mau.

Yohanes 11:54

Jadi, Yesus tara tinggal lagi di orang Yahudi pe daera supaya orang tara dapa lia lagi pa Dia. Dari situ, Dia bajalang pigi di kota satu yang pe nama Efraim. Kota itu dekat deng padang gurun. Di situ, Dia tinggal sama-sama deng Dia pe murit-murit.

Yohanes 1:7

Dia datang untuk jadi saksi la kase tau tentang tarang itu, supaya samua orang yang dengar apa yang dia kase tau itu, dorang bole percaya.

1 Tesalonika 5:8

Tapi torang ini orang yang hidup di tarang, jadi apa yang torang biking itu musti bae. Torang musti kuasai tong pe diri, deng musti percaya pa Tuhan deng sayang pa orang laeng. Kalu torang biking bagitu, nanti torang pe percaya kuat sama deng tentara yang pake baju besi. Torang lagi musti baharap deng yakin pa Tuhan Allah untuk torang pe keslamatan, sama deng torang ada pake helem di kapala.

Yohanes 3:21

Tapi sapa saja yang biking barang yang butul, dia akan datang pa tarang itu, supaya orang bisa lia deng jelas Tuhan Allah yang bantu pa dia sampe dia pe kalakuang iko Tuhan Allah pe mau.”

Matius 21:17

Abis itu, Yesus kase tinggal pa dorang. Dia pigi di luar kota Yerusalem di kampong Betania. Kong Dia tidor satu malam di situ.

Matius 5:14

Ngoni lagi sama deng tarang di dunia yang kase tarang pa orang-orang. Bagitu lagi deng ngoni pe hidup di dunia ini, ngoni musti bawa pengaru yang bae pa orang-orang. Kong orang-orang pasti mo lia hal-hal bae yang ngoni biking, sama deng dorang lia kota satu di atas gunung yang tara mungkin mo tasambunyi.

Yohanes 8:12

Yesus kase turus Dia pe bicara pa orang banya yang masi ada di situ bagini, “Kita ini tarang dunia yang kase tarang manusia pe hati. Sapa saja yang iko pa Kita, dia itu tara akan hidup dalam galap, tapi dia akan hidup di dalam tarang, yang biking dia dapa hidup deng Tuhan Allah slama-lamanya.”

Yohanes 12:37

Biar lagi Yesus so biking banya mujizat pa dorang pe muka, tapi dorang masi tara percaya pa Dia.

Yohanes 12:46

Kita datang di dunia ini sebagai Tarang, supaya sapa saja yang percaya pa Kita, dia itu so tara hidup lagi di dalam galap.