Yohanes 12:28 - Perjanjian Baru Bahasa Melayu Maluku Utara

²⁸ Kong Yesus berdoa, “Bapa, apa yang mo jadi pa Kita, Bapa biking suda, supaya orang-orang puji deng hormat pa Bapa.” Abis itu, dapa dengar suara dari sorga, “Kita so kase tunju Kita pe kuasa yang hebat, kong Kita akan kase tunju lagi Kita pe kuasa yang hebat.”

Yohanes 12:28 Referans Kwoze

Matius 26:42

Abis itu, Yesus pigi berdoa lagi yang kedua kali. Dia berdoa bagini, “Ya Bapa, kalu penderitaan ini memang Kita musti dapa, biar suda Bapa pe mau yang jadi!”

Matius 17:5

Waktu Petrus masi bicara, kage-kage awan yang tarang turung tutu pa dorang. Kong dorang dengar dari dalam awan itu ada suara yang bilang bagini, “Ini Kita pe Anak yang Kita sayang. Dia biking Kita pe hati sanang. Dengar suda pa Dia!”

Matius 3:17

Kong dapa dengar Tuhan Allah pe suara dari sorga bagini, “Ini Kita pe Anak, Kita paling sayang pa Dia. Dia yang biking Kita pe hati sanang.”

2 Petrus 1:17

Perna satu kali, torang nae gunung yang kudus satu sama-sama deng Yesus. Di situ torang dengar sandiri suara dari sorga, suara itu dari Tuhan Allah, torang pe Bapa yang paling hebat. Dia puji deng hormat pa Yesus, bilang bagini, “Ini Kita pe Anak yang Kita sayang. Dia biking Kita pe hati sanang.”

Efesus 3:21

Jadi, torang yang so jadi Dia pe jemaat, torang yang so satu hati deng Kristus Yesus, mari suda torang puji deng hormat pa Dia sampe slama-lamanya. Amin.

Efesus 3:10

Tuhan Allah pe maksut supaya samua yang bapimpin deng yang berkuasa di langit bole tau, Tuhan Allah itu tau samua hal deng tara perna abis akal untuk ator samua yang ada. Dorang bole tau itu karna dorang lia Dia biking orang Yahudi deng orang bukang Yahudi jadi satu karna skarang dorang so percaya pa Yesus Kristus.

Efesus 2:7

Tuhan Allah biking bagitu, supaya mulai dari sini ka sana orang-orang bole dapa tau Tuhan Allah pe bae deng pe sayang yang talebe-lebe, yang Dia kase pa torang karna torang so satu hati deng Kristus Yesus.

Yohanes 18:11

Turus Yesus bilang pa Petrus, “Kase maso suda ngana pe parang itu. Kita pe Bapa so kase tau, Kita memang musti menderita, itu sama deng Kita musti minum dari cawan yang Kita pe Bapa kase untuk Kita minum.”

Yohanes 11:4

Waktu Yesus dengar kabar itu, Dia bilang, “Lazarus pe panyake itu tara akan biking dia mati. Tapi dia saki bagitu supaya nanti orang bole lia Tuhan Allah pe kuasa yang hebat. Kong deng dia pe saki itu, orang mo puji deng hormat pa Anak Allah.”

Yohanes 9:3

Yesus jawab, “Dia buta, bukang karna dia pe dosa deng bukang lagi gara-gara dia pe orang tua pe dosa, tapi supaya orang-orang dapa lia Tuhan Allah pe kuasa yang bakarja pa dia pe hidup.

Lukas 9:35

Dorang dengar suara dari dalam awan itu bagini, “Ini Kita pe Anak yang Kita so pili. Dengar suda pa Dia!”

Lukas 3:22

Turus, Roh Kudus datang pa Dia. Roh itu pe model sama deng burung pombo. Kong dapa dengar Tuhan Allah pe suara dari langit bagini, “Ngana ini Kita pe Anak, Kita paling sayang pa Ngana. Ngana yang biking Kita pe hati sanang.”

Markus 14:36

Dia bilang bagini, “Papa e, ya Bapa, Kita tau samua Bapa bisa biking, tarada yang tara bisa. Jadi Kita minta Bapa kase jao samua penderitaan ini dari Kita, tapi jang iko Kita pe mau, iko saja Bapa pe mau.”

Markus 9:7

Turus, awan turung tutu pa dorang. Kong, dorang dengar dari dalam awan itu ada suara yang bilang bagini, “Ini Kita pe Anak yang Kita sayang. Dengar suda pa Dia!”

Markus 1:11

Kong, dapa dengar Tuhan Allah pe suara dari sorga bagini, “Ngana ini Kita pe Anak, Kita paling sayang pa Ngana. Ngana yang biking Kita pe hati sanang.”

Matius 11:25

Waktu itu Yesus berdoa, “Kita bilang tarimakasi pa Bapa, Tuhan yang berkuasa di sorga deng di bumi. Kita bilang tarimakasi karna Bapa tara kase tau itu deng jelas pa orang-orang yang pande deng yang tau banya hal. Tapi pa orang-orang biasa, Bapa biking sampe dorang mangarti.

Matius 11:26

Ya Bapa, itu suda yang biking Bapa pe hati sanang.