Yohanes 12:19 - Perjanjian Baru Bahasa Melayu Maluku Utara

¹⁹ Kong orang-orang Yahudi dari aliran Farisi baku bilang, “Ado, tong pe usaha untuk kase berenti pa Dia tara berhasil. Coba ngoni lia saja, banya skali orang di dunia so datang iko pa Dia.”

Yohanes 12:19 Referans Kwoze

Kisah Para Rasul 17:6

Tapi dorang tara dapa pa Paulus deng Silas di situ. Jadi dorang hela-hela pa Yason deng babarapa orang laeng yang percaya pa Yesus, dong bawa sampe pa pemerinta kota pe muka. Di situ, orang banya itu bataria, “Dua orang yang biasa biking kaco di mana-mana, so datang pa torang pe kota.

1 Yohanes 2:2

Dia mati jadi korban supaya torang pe dosa dapa ampun. Kong bukang cuma torang pe dosa, tapi samua orang di dunia ini pe dosa-dosa lagi.

Yohanes 17:21

Bapa, Kita minta supaya dorang itu jadi satu hati satu deng yang laeng, sama deng Kita lagi jadi satu deng Bapa kong Bapa jadi satu deng Kita. Kita minta dorang jadi satu hati satu deng yang laeng supaya dorang lagi jadi satu deng Torang. Kita minta bagitu supaya kalu torang samua jadi satu, samua orang di dunia ini jadi percaya, Bapa yang utus pa Kita.

Yohanes 3:26

Turus Yohanes pe murit-murit itu datang pa Yohanes kong balapor tentang Yesus, “Guru, guru masi inga to, pa Orang yang sama-sama deng guru di kali Yordan pe sabla? Guru perna kase tau tentang Dia. Coba lia pa Dia, Dia me ada baptis orang kong pe banya skali orang yang so datang pa Dia.”

Matius 21:15

Tapi waktu imam-imam kapala deng guru-guru agama Yahudi yang ahli lima kitab Musa lia Yesus kase sembu pa orang-orang itu, dorang jadi mara. Deng dorang mara lagi waktu dorang dengar ana-ana babataria di Ruma Ibada Pusat pe kompleks, “Hosana! Puji pa raja Daud pe turunan ini!”

Yohanes 12:18

Jadi, banya orang yang pigi sambut pa Yesus, barang dorang so dengar Dia yang biking mujizat itu.

Yohanes 12:20

Dari samua orang yang datang basambayang di Yerusalem untuk iko agama Yahudi pe hari raya, ada lagi orang-orang bukang Yahudi yang datang.