Yohanes 11:55 - Perjanjian Baru Bahasa Melayu Maluku Utara

⁵⁵ Waktu itu, orang agama Yahudi pe hari raya Paska so dekat. Hari raya itu dong inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir. Jadi sebelum hari raya itu, banya orang agama Yahudi dari daera-daera yang laeng datang di Yerusalem untuk ‘biking bersi diri’ iko dorang pe aturan agama.

Yohanes 11:55 Referans Kwoze

Yohanes 12:1

Tinggal anam hari lagi orang agama Yahudi mo biking dorang pe hari raya Paska, kong Yesus pigi di Betania, Lazarus pe kampong. Lazarus itu yang perna mati kong Yesus kase hidup ulang.

Yohanes 6:4

Waktu itu, agama Yahudi pe hari raya Paska so dekat, dorang mo inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir.

Yohanes 2:13

Waktu itu, agama Yahudi pe hari raya Paska so dekat. Di hari raya itu, dorang inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir. Kong Yesus pigi di Yerusalem.

Yakobus 4:8

Berusaha suda hidup dekat deng Tuhan Allah, supaya Dia badekat deng ngoni. Ee, ngoni orang-orang yang berdosa, kase bersi suda ngoni pe tangan yang jaga biking dosa! Deng ngoni yang masi tara tau mo iko yang mana: Tuhan Allah pe mau ka, dunia pe mau ka, ngoni musti kase bersi ngoni pe hati.

1 Korintus 11:28

Karna itu, lebe bae tiap orang lia dia pe diri sandiri dulu, baru abis itu dia iko perjamuan makang roti deng minum anggur itu.

Kisah Para Rasul 24:18

Waktu kita ada biking samua itu di Ruma Ibada Pusat, tara banya orang yang sama-sama deng kita, deng kita me tara baribut. Kong waktu kita baru abis ‘biking bersi diri’ iko aturan agama Yahudi, babarapa orang Yahudi dari daera Asia Kecil datang di situ.

Yohanes 18:28

Waktu masi pagi-pagi skali, dorang bawa pa Yesus dari imam basar Kayafas pe kintal ruma antar di gubernur Roma pe istana. Tapi orang-orang agama Yahudi sandiri tara maso di situ karna gubernur itu bukang orang Yahudi. Barang, kalu iko agama Yahudi pe aturan, dorang mo jadi berdosa kalu ada sama-sama deng orang yang bukang agama Yahudi, kong orang agama Yahudi yang jadi najis itu sabantar so tara bole makang pa dong pe hari raya Paska.

Yohanes 13:1

Tinggal satu hari lagi orang agama Yahudi pe hari raya Paska so mo mulai. Hari raya itu dorang inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir. Kong Yesus tau, so tara lama lagi Dia mo kase tinggal dunia ini la mo pigi pa Dia pe Bapa di sorga. Dia sayang pa orang-orang di dunia yang so jadi Dia pe umat, kong skarang Dia mo kase tunju, Dia salalu sayang pa dorang sampe Dia pe ahir hidup.

Yohanes 5:1

Abis itu, Yesus pigi di kota Yerusalem, barang agama Yahudi pe hari raya so dekat.

Yohanes 2:6

Di situ ada anam tampayang yang ada biking dari batu. Tampayang-tampayang itu kalu isi aer, satu tampayang dia pe banya kira-kira saratus liter. Tampayang-tampayang itu dong jaga taru untuk biking bersi tamu pe tangan iko agama Yahudi pe aturan, la jang jadi najis.

Markus 14:1

Tinggal dua hari lagi orang agama Yahudi mo biking dong pe hari raya Paska. Hari raya itu, dorang inga waktu Tuhan Allah kase bebas pa dorang pe orang tua dulu-dulu dari bangsa Mesir yang jaja pa dorang, deng dorang lagi biking hari raya Roti Tara Pake Ragi. Turus waktu itu, orang Yahudi pe imam-imam kapala deng guru-guru agama yang ahli lima kitab Musa baku ator la mo tangka pa Yesus deng cara sambunyi-sambunyi kong bunu pa Dia.

Matius 26:1

Abis Yesus kase ajar samua itu, Dia bilang pa Dia pe murit-murit,

Matius 26:2

“Ngoni so tau to, tinggal dua hari lagi torang orang Yahudi mo biking hari raya Paska untuk inga waktu Tuhan Allah kase bebas pa torang pe orang tua dulu-dulu dari bangsa Mesir yang jaja pa dorang. Kong waktu hari raya itu, ada orang yang mo serakan pa Anak Manusia yang dari sorga untuk dapa salib.”

Lukas 22:1

Waktu itu, orang Yahudi pe Hari Raya Roti Tara Pake Ragi so dekat. Hari raya itu dong sebut Paska, hari yang dorang inga waktu Tuhan Allah kase bebas pa dorang pe orang tua dulu-dulu dari bangsa Mesir yang jaja pa dorang.

Kisah Para Rasul 21:24

Bapa pigi deng dorang, ‘biking bersi diri’ iko aturan agama. Bapa tanggung suda dong pe biaya untuk bili binatang korban persembahan, la dong bisa cukur dong pe rambu. Dorang biking samua itu, dia pe tanda dong pe janji so selesai. Kalu bapa so iko bagitu, orang-orang Yahudi bisa tau, bapa masi rajin iko aturan-aturan di lima kitab Musa. Deng bagitu, dorang bisa tau, samua yang dong dengar kata, bapa ajar orang jang iko aturan yang ada di lima kitab Musa, itu tara butul.

Kisah Para Rasul 21:26

Dia pe beso, Paulus pigi deng ampa orang itu yang so kase selesai dong pe janji kusus pa Tuhan Allah. Dia sama-sama deng dorang mulai acara ‘biking bersi diri’ iko aturan agama Yahudi. Kong waktu itu, dorang me pi kase tau pa imam-imam di Ruma Ibada Pusat pe kompleks, tempo apa dong samua mo selesai iko aturan agama itu. Kalu so selesai, imam mo bakar masing-masing orang pe binatang persembahan untuk Tuhan.