Yohanes 11:48 - Perjanjian Baru Bahasa Melayu Maluku Utara

⁴⁸ Kalu torang kase biar pa Dia, samua orang Yahudi akan jadi percaya pa Dia, kong dorang mo biking Dia jadi dong pe raja. Dia pe ahir kabawa, pemerinta Roma yang jaja pa torang bangsa Yahudi akan suru dorang pe tentara-tentara datang la kase ancor torang pe Ruma Ibada Pusat deng tong pe bangsa lagi.”

Yohanes 11:48 Referans Kwoze

Kisah Para Rasul 5:28

Dia bilang, “Torang so larang karas pa ngoni to, jang mangajar lagi tentang Orang itu. Tapi ngoni tetap biking turus, sampe samua orang di Yerusalem so dengar ngoni pe ajaran itu. Baru ngoni kase sala lagi pa torang, bilang kata, gara-gara torang sampe Orang itu mati.”

Lukas 11:52

Cilaka suda ngoni guru-guru agama Yahudi yang ahli lima kitab Musa! Ngoni tau cara mo iko pa Tuhan tapi ngoni sandiri tara iko itu. Ngoni me jaga halangi pa orang laeng yang mo iko pa Tuhan. Itu sama deng ngoni ada pegang kunci pintu tapi ngoni cuma simpang kunci itu.”

Lukas 8:12

Bibit yang jatu di jalang, itu sama deng orang-orang yang so dengar Tuhan Allah pe firman kong Iblis datang ambe firman itu dari dong pe hati supaya jang dong percaya kong slamat dari dosa-dosa.

Matius 27:25

Kong orang banya itu bilang, “Iyo, biar torang deng tong pe ana cucu yang mo tanggung hukuman atas Orang itu pe kematian.”

Matius 22:7

Pe dengar bagitu, raja nae dara. Turus, dia suru dia pe tentara-tentara ka sana la bunu pa orang-orang yang so bunu dia pe orang-orang karja itu, deng dia suru lagi bakar orang-orang itu pe kota.

Yohanes 1:7

Dia datang untuk jadi saksi la kase tau tentang tarang itu, supaya samua orang yang dengar apa yang dia kase tau itu, dorang bole percaya.

Matius 22:9

Jadi skarang, ngoni pigi di jalang-jalang, kong ngoni undang sapa saja yang ngoni baku dapa di sana, la dong kamari maso di pesta kawing ini.’

Matius 24:15

Yesus bilang lagi, “Nanti ada satu orang yang paling malawang pa Tuhan Allah mo datang. Orang itu mo badiri di tampa yang kudus di dalam Ruma Ibada Pusat, sama deng yang Tuhan Allah so perna bilang pa nabi Daniel dulu. (Sapa yang baca ini, perhatikan bae-bae la bole mangarti dia pe arti!)