Yohanes 11:45 - Perjanjian Baru Bahasa Melayu Maluku Utara

⁴⁵ Waktu orang-orang agama Yahudi yang datang hibur pa Maria lia apa yang Yesus biking itu, banya dari dorang yang jadi percaya pa Yesus.

Yohanes 11:45 Referans Kwoze

Yohanes 11:19

Jadi banya orang agama Yahudi dari Yerusalem so datang pa Marta deng Maria untuk hibur pa dorang, barang dong dua pe sudara Lazarus so mati.

Yohanes 2:23

Waktu Yesus masi di Yerusalem iko agama Yahudi pe hari raya Paska itu, ada banya orang yang percaya pa Dia, karna dorang lia mujizat-mujizat yang Dia biking.

Yohanes 12:42

Biar lagi banya orang yang tara percaya pa Yesus, banya pemimpin-pemimpin agama Yahudi yang jadi percaya pa Dia. Tapi dorang tara mau orang tau dong itu percaya pa Yesus, barang dong tako orang-orang Yahudi dari aliran Farisi user pa dorang dari ruma ibada.

Yohanes 11:31

Kong di ruma itu, ada banya orang agama Yahudi yang so datang untuk hibur pa Maria. Waktu dorang lia Maria badiri kong pigi kaluar, dong iko pa dia, barang dong kira dia mo pigi di kubur la manangis di sana.

Yohanes 10:41

Banya orang yang datang pa Yesus, kong dorang baku bilang, “Yohanes memang tara perna biking mujizat, tapi samua yang Yohanes bilang tentang Orang ini, itu butul.”

Yohanes 7:31

Tapi di antara orang banya itu, ada banya yang so jadi percaya pa Dia, kong dorang bilang, “Pasti ini Mesias suda, Raja yang Tuhan Allah janji mo kase slamat pa manusia. Barang, tara ada orang yang bisa biking mujizat lebe banya dari yang Dia ada biking.”