Yohanes 11:36 - Perjanjian Baru Bahasa Melayu Maluku Utara

³⁶ Babarapa orang Yahudi yang ada di situ bilang, “Coba lia, Dia paling sayang pa Lazarus.”

Yohanes 11:36 Referans Kwoze

Yohanes 11:3

Kong karna Lazarus saki barát, Lazarus pe sudara parampuang dua itu suru orang pigi kase kabar pa Yesus, bilang, “Tuhan, Tuhan pe tamang yang Tuhan sayang itu, ada saki barát.”

Wahyu 1:5

deng pa Yesus Kristus. Yesus Kristus itu yang setia kase tau Tuhan Allah pe pasáng. Dia itu yang kamuka hidup ulang dari antara orang mati. Kong Dia itu Yang Paling Berkuasa dari samua raja di bumi ini. Yesus Kristus itu sayang pa torang. Dia pe dara yang tatumpa waktu Dia mati di kayu salib, kase bebas pa torang dari torang pe dosa-dosa.

1 Yohanes 3:1

Coba ngoni pikir, pe basar skali Tuhan Allah torang pe Bapa pe sayang pa torang, sampe Dia bilang torang ini Dia pe ana-ana! Deng memang torang ini Dia pe ana-ana! Karna itu, orang-orang yang jaga iko dunia pe mau, dorang tara tau torang ini Dia pe ana-ana, barang dorang me tara kanal pa Tuhan Allah.

Efesus 5:25

Ngoni laki-laki yang so kawing, ngoni musti sayang pa ngoni pe bini sama deng Yesus Kristus sayang pa Dia pe jemaat, sampe Dia serakan Dia pe diri mati untuk jemaat itu.

Efesus 5:2

Ngoni musti hidup baku-baku sayang, sama deng Kristus Yesus me sayang pa torang sampe Dia serakan Dia pe diri mati untuk torang. Kong apa yang Dia biking itu Tuhan Allah tarima, sama deng korban persembahan yang bobou sadap yang biking Tuhan Allah pe hati sanang.

Yohanes 11:19

Jadi banya orang agama Yahudi dari Yerusalem so datang pa Marta deng Maria untuk hibur pa dorang, barang dong dua pe sudara Lazarus so mati.