Yohanes 11:15 - Perjanjian Baru Bahasa Melayu Maluku Utara

¹⁵ Tapi Kita sanang Kita tara ada di situ waktu dia mati, karna itu ada dia pe untung untuk ngoni. Barang, apa yang mo jadi nanti, akan biking ngoni lebe percaya pa Kita. Mari suda torang pigi pa Lazarus skarang.”

Yohanes 11:15 Referans Kwoze

2 Timotius 2:10

Karna itu, kita sabar tanggung siksa itu samua deng tetap kase tau Kabar Bae tentang Yesus Kristus, supaya orang yang Tuhan Allah so pili mo jadi Dia pe umat bole percaya pa Kristus Yesus. Deng bagitu, dong bole dapa slamat deng dapa puji deng hormat sama-sama deng Tuhan Allah slama-lamanya.

Yohanes 17:19

Bapa, Kita serakan Kita pe hidup pa Bapa. Kita biking bagitu untuk Kita pe orang-orang yang iko pa Kita, supaya dorang lagi mo serakan dorang pe hidup pa Bapa iko ajaran yang butul itu.”

Yohanes 12:30

Kong Yesus bilang, “Suara yang ngoni dengar itu, bukang untuk Kita, tapi untuk ngoni supaya ngoni dengar.

Yohanes 11:4

Waktu Yesus dengar kabar itu, Dia bilang, “Lazarus pe panyake itu tara akan biking dia mati. Tapi dia saki bagitu supaya nanti orang bole lia Tuhan Allah pe kuasa yang hebat. Kong deng dia pe saki itu, orang mo puji deng hormat pa Anak Allah.”

Yohanes 2:11

Mujizat yang Yesus biking di Kana di daera Galilea, itu jadi Yesus pe mujizat yang pertama. Deng mujizat itu, Yesus so kase tunju Dia pe kuasa yang hebat sampe Dia pe murit-murit jadi percaya pa Dia.

1 Yohanes 5:13

Kita tulis samua itu pa ngoni yang percaya pa Anak Allah, supaya ngoni tau, ngoni so dapa hidup deng Tuhan Allah slama-lamanya.

2 Korintus 4:15

Torang dapa samua siksa itu waktu tong kase tau Kabar Bae tentang Yesus Kristus, tapi samua itu untuk ngoni pe bae. Karna kalu lebe banya orang yang dengar tentang Tuhan Allah pe bae pa manusia, nanti tamba banya orang yang bilang tarimakasi pa Tuhan Allah. Deng bagitu, Tuhan Allah lebe dapa puji deng hormat.

Yohanes 11:14

Jadi, Yesus bilang pa dorang deng turus tarang bagini, “Sebenarnya Lazarus so mati.

Yohanes 11:16

Kong ada murit satu yang pe nama Tomas, yang orang jaga pangge ‘Kambar’ itu. Dia bilang pa murit-murit yang laeng, “Mari suda torang pigi deng Guru di daera Yudea, supaya torang mati sama-sama deng Dia.”