Yohanes 10:6 - Perjanjian Baru Bahasa Melayu Maluku Utara

⁶ Umpama itu yang Yesus bilang pa orang-orang Yahudi dari aliran Farisi itu, tapi dorang tara mangarti apa Yesus pe maksut bilang bagitu.

Yohanes 10:6 Referans Kwoze

Yohanes 16:25

Samua ini Kita bilang pa ngoni pake umpama. Tapi akan ada dia pe waktu Kita mo bicara pa ngoni so tara pake umpama lagi, tapi deng turus tarang Kita mo kase tau tentang Kita pe Bapa.

Matius 13:51

Abis itu Yesus tanya pa Dia pe murit-murit, “Ngoni mangarti samua umpama yang Kita bilang tadi?” Kong murit-murit bilang pa Yesus, “Iyo, torang mangarti.”

1 Yohanes 5:20

Torang me tau Anak Allah so datang kong so biking torang mangarti la torang kanal Tuhan Allah yang Butul. Torang so hidup satu hati deng Tuhan Allah, karna torang so hidup satu hati deng Dia pe Anak Yesus Kristus. Dia itu suda Tuhan Allah yang Butul deng Dia yang biking orang bole dapa hidup deng Tuhan Allah slama-lamanya.

1 Korintus 2:14

Tapi orang-orang yang cuma iko manusia pe mau, dorang tara tarima ajaran dari Tuhan Allah pe Roh. Dorang anggap itu sama deng orang-orang bodo pe carita saja. Ajaran dari Roh Kudus itu dorang tara bisa mangarti, tapi ajaran itu orang bisa mangarti cuma kalu Roh Kudus yang bantu pa dorang untuk mangarti.

Yohanes 8:43

Ngoni tara mangarti deng apa yang Kita so bilang, karna ngoni tara mau tarima Kita pe ajaran.

Yohanes 8:27

Orang-orang yang ada badengar pa Yesus tara mangarti, yang Yesus sementara bilang pa dorang itu tentang Dia pe Bapa di sorga.

Yohanes 7:36

Deng apa Dia pe maksut waktu Dia bilang torang akan cari pa Dia, tapi torang tara akan dapa pa Dia? Turus Dia bilang lagi di tampa yang Dia mo pigi itu, torang tara bisa ka sana. Kira-kira Dia pe maksut apa e?”

Yohanes 6:60

Waktu orang yang jaga iko pa Yesus dengar apa yang Yesus bilang itu, banya dari dorang baku bilang, “Ajaran itu talalu barát. Tara mungkin orang bisa tarima ajaran itu.”

Yohanes 6:52

Pe dengar itu, pemimpin-pemimpin agama Yahudi baku malawang kong bilang, “Ii, Dia so bicara apa lagi ini? Bagimana kong Dia bisa kase Dia pe badan untuk torang makang?”

Matius 13:34

Yesus mangajar pa orang banya itu pake umpama. Dia tara kase tau apa-apa pa dorang kalu tara pake umpama.

Markus 4:34

Yesus jaga pake umpama, kalu mangajar pa orang laeng. Tapi kalu pa Dia pe murit-murit, Dia kase jelas umpama itu pe arti.

Yohanes 16:29

Yesus pe murit-murit bilang pa Dia, “Aa, skarang Guru so bicara deng turus tarang pa torang, deng Guru so tara pake umpama lagi.

2 Petrus 2:22

Yang dorang biking itu, memang sama deng orang jaga bilang bagini, ‘Anjing bale jilat ulang dia pe munta, deng babi yang so bersi, bale ulang di pece-pece.’