Yohanes 10:37 - Perjanjian Baru Bahasa Melayu Maluku Utara

³⁷ Kalu Kita tara biking yang Kita pe Bapa suru, ngoni bole tara percaya pa Kita.

Yohanes 10:37 Referans Kwoze

Yohanes 15:24

Kalu misalnya Kita tara biking mujizat-mujizat sama deng yang orang laeng tara perna biking, pasti Tuhan Allah tara bilang dorang itu berdosa kalu dorang binci pa Kita. Tapi ini, dorang so lia mujizat-mujizat yang Kita biking, tapi dorang tetap binci pa Kita deng pa Kita pe Bapa lagi.

Yohanes 10:25

Kong Yesus bilang, “Kita so kase tau pa ngoni, tapi ngoni tara percaya. Kong Kita so biking banya mujizat pake Kita pe Bapa pe kuasa, itu suda yang kase tau deng jelas Kita ini sapa.

Yohanes 14:10

Ngana tara percaya, Kita deng Bapa itu satu, kong Bapa deng Kita satu? Kong, apa yang Kita bilang pa ngoni itu bukang Kita bakarang sandiri, tapi dari Bapa yang satu deng Kita. Kong apa saja yang Kita biking, itu suda yang Bapa biking.

Yohanes 10:32

Tapi Yesus bilang pa dorang, “Ngoni so lia Kita biking banya hal yang bae yang Kita pe Bapa suru Kita biking. Kong, mana yang biking sampe ngoni mo lempar pa Kita deng batu?”

Yohanes 5:31

Kalu Kita sandiri kase tau, Kita ini yang Tuhan Allah utus di dunia ini, kong tara ada orang yang jadi saksi untuk bilang itu butul, pasti tara ada orang yang mo percaya deng apa yang Kita bilang itu.