Yohanes 1:45 - Perjanjian Baru Bahasa Melayu Maluku Utara

⁴⁵ Abis Yesus pangge pa Filipus untuk iko pa Dia, Filipus pigi cari baku dapa deng dia pe tamang Natanael kong bilang pa dia, “Natanael e, torang so baku dapa deng Dia yang Tuhan Allah so janji dulu mo datang! Dia yang nabi Musa tulis dulu di lima kitab Musa, deng nabi-nabi laeng jaga bilang lagi. Dia itu pe nama Yesus, Yusuf pe ana laki-laki dari kampong Nazaret.”

Yohanes 1:45 Referans Kwoze

Lukas 24:27

Abis bilang bagitu, turus Yesus kase jelas pa dorang apa yang tatulis tentang Dia di samua Kitab Suci, mulai dari kitab-kitab yang nabi Musa tulis sampe di kitab-kitab yang nabi-nabi laeng ada tulis.

Matius 2:23

Waktu dorang sampe di daera Galilea, dong tinggal di kota satu yang pe nama Nazaret. Itu jadi sama deng apa yang Tuhan Allah so bilang dulu pa nabi-nabi bagini, “Dia itu akan dapa sebut, orang Nazaret.”

Lukas 24:44

Kong Dia bilang pa dorang, “Kita bilang ini pa ngoni waktu Kita masi sama-sama deng ngoni: samua yang tatulis tentang Kita di lima kitab Musa, nabi-nabi laeng pe kitab, deng kitab Mazmur, samua itu musti mo jadi.”

Lukas 4:22

Kong samua orang di situ yang dengar apa yang Dia bilang, kase iyo deng jadi herang deng Dia pe kata-kata pe bagus. Tapi abis itu dorang bilang bagini, “Dia itu cuma Yusuf pe Anak, to?”

Yohanes 18:7

Turus Dia tanya lagi pa dorang, “Ngoni cari pa sapa?” Kong dorang jawab, “Yesus orang Nazaret.”

Markus 6:3

Padahal Dia itu cuma tukang kayu. Dia pe mama Maria, Dia pe sudara pa Yakobus, Yoses, Yudas deng Simon. Dia pe sudara-sudara parampuang me ada sama-sama deng torang di sini, to?” Karna orang-orang di situ tau itu, dorang tara tarima pa Dia.

Matius 21:11

Kong orang banya itu jawab, “Dia itu Yesus, Nabi dari Nazaret di daera Galilea!”

Kisah Para Rasul 22:8

Kong kita tanya, ‘Sapa ini kong?’ Suara itu bilang, ‘Kita Yesus, orang Nazaret yang ngana jaga siksa.’

Kisah Para Rasul 10:38

Tuhan Allah pili pa Yesus dari Nazaret kong kase Dia pe Roh Kudus deng kase Dia pe kuasa. Abis itu, Yesus bajalang bakuliling kong biking banya barang yang bae, deng kase sembu pa orang-orang yang Iblis kuasai, barang Tuhan Allah ada sama-sama deng Dia.

Yohanes 21:2

Satu kali, di talaga Tiberias pe pinggir itu, ada Simon Petrus, Tomas yang orang jaga pangge Kambar, Natanael dari kota Kana yang ada di daera Galilea, Zebedeus pe ana dua, deng Yesus pe murit dua orang laeng lagi, dorang bakumpul di situ.

Lukas 2:4

Bagitu lagi deng Yusuf. Dia barangkat dari Nazaret dia pe tampa tinggal di daera Galilea, kong dia pigi di kota yang pe nama Betlehem, di daera Yudea. Yusuf pigi di Daud pe kota, barang dia itu raja Daud pe turunan.

Markus 14:67

Turus, waktu parampuang itu lia Petrus ada barahu, dia haga Petrus pe muka kong bilang bagini, “Ngana lagi jaga sama-sama deng Yesus, orang Nazaret itu, to?”

Matius 13:55

Padahal Dia itu cuma tukang kayu pe ana, to? Dia pe mama itu Maria, kong Dia pe sudara-sudara laki-laki pa Yakobus, Yusuf, Simon deng Yudas lagi, to?

Kisah Para Rasul 26:9

Dulu, kita me bapikir, tara mungkin Yesus orang Nazaret itu hidup ulang, jadi kita kira Dia pe ajaran itu sesat. Karna itu, kita biking apa saja untuk tantang Yesus pe nama, sampe kita me siksa pa orang-orang yang percaya pa Dia.

Kisah Para Rasul 3:6

Tapi Petrus bilang pa dia, “Kita tara doi sama skali, biar itu doi mas atau doi perak. Tapi apa yang ada pa kita, itu yang kita mo kase pa ngana skarang: deng Yesus Kristus orang Nazaret pe kuasa, kita suru ngana badiri la bajalang suda!”

Kisah Para Rasul 2:22

Turus Petrus bilang lagi, “Ee, sudara-sudara orang Israel! Dengar bae-bae yang kita mo bilang pa ngoni ini. Tuhan Allah yang utus pa Yesus orang Nazaret itu, kong itu so jelas waktu Yesus biking mujizat-mujizat deng tanda-tanda yang kase tunju Tuhan Allah pe kuasa sampe biking orang herang. Samua itu so jadi di ngoni pe tenga-tenga, sama deng yang ngoni so tau.

Yohanes 19:19

Pilatus suru kase paku papan spanggal di atas salib itu, yang tatulis bagini, ‘Ini Yesus orang Nazaret, orang Yahudi pe Raja.’

Yohanes 18:5

Kong dorang jawab pa Dia, “Torang cari pa Yesus yang dari Nazaret.” Kong Dia bilang lagi pa dorang, “Kita ini Dia suda.” Di situ lagi ada Yudas yang mo bahianat pa Yesus, dia badiri di situ sama-sama deng rombongan itu.

Yohanes 6:42

Dorang bilang, “Ee, Dia itu Yesus to? Yusuf pe ana laki-laki. Torang kanal Dia pe mama deng papa. Jadi bagimana bisa Dia bilang kata, Dia so turung dari sorga?”

Lukas 3:23

Yesus mulai biking Dia pe pelayanan waktu Dia pe umur kira-kira tiga pulu taong. Orang di sana kanal, Yesus itu Yusuf pe ana. Ini dia pe orang tua dulu-dulu pe nama-nama, rekeng dari Yusuf. Yusuf pe papa pe nama Eli.

Matius 10:3

Filipus, Bartolomeus, Tomas, Tadeus, Matius (tukang tagi pajak), deng Yakobus (Alfeus pe ana).

Lukas 2:48

Pe lia bagitu, Yesus pe papa deng mama me jadi herang. Kong Dia pe mama bilang pa Dia, “Yesus, papa deng mama so tako skali, torang cari-cari pa Ngana kasana-kamari. Bikiapa kong Ngana biking pa papa deng mama bagini?”

Yohanes 1:44

Filipus pe asal dari kota Betsaida, satu asal deng Andreas deng Petrus.

Yohanes 6:5

Waktu Yesus angka muka, Dia lia banya skali orang babadatang pa Dia. Kong Dia bilang pa Filipus, “Di mana torang bole bili makanang, supaya dorang samua ini bole makang?”

Yohanes 6:7

Filipus jawab pa Dia, “Biar lagi torang karja deng bulan-bulan, tetap tara cukup mo bili makanang untuk dorang samua, biar lagi dong cuma makang sadiki saja.”

Yohanes 12:21

Dorang itu pigi pa Filipus. Filipus itu dari kampong Betsaida di daera Galilea. Kong dorang bilang pa dia, “Bapa, torang ingin mo baku dapa deng Yesus.”

Yohanes 14:8

Filipus bilang pa Dia, “Tuhan, kase tunju Tuhan pe Bapa itu pa torang, supaya torang pe hati puas.”

Lukas 18:37

Turus dorang kase tau pa dia, “Yesus, orang Nazaret itu ada lewat.”