Yakobus 5:17 - Perjanjian Baru Bahasa Melayu Maluku Utara

¹⁷ Coba ngoni inga nabi Elia. Dia itu manusia biasa sama deng torang, tapi dia sunggu-sunggu berdoa pa Tuhan, dia minta supaya ujang jang turung, kong ujang tara turung selama tiga taong stenga.

Yakobus 5:17 Referans Kwoze

Lukas 4:25

Kong yang Kita bilang pa ngoni itu butul, dia pe conto bagini: dulu, jaman nabi Elia, ujang tara turung selama tiga taong anam bulan, sampe ada kelaparan basar di samua daera di Israel. Waktu itu di Israel ada banya ibu janda.

Wahyu 11:6

Turus, selama dorang kase tau Tuhan Allah pe pasáng pa orang-orang, dorang me dapa kuasa dari Tuhan Allah untuk biking ujang tara turung-turung dari langit. Dorang me dapa kuasa untuk biking aer samua jadi dara. Deng dorang me ada kuasa untuk biking macam-macam cilaka di bumi. Jadi, tiap kali dorang mau cilaka jadi, pasti jadi.

Kisah Para Rasul 14:15

“Ee ngoni samua, bikiapa kong ngoni biking bagini? Torang ini cuma manusia, sama deng ngoni. Torang datang kamari mo kase tau pa ngoni Kabar Bae tentang Yesus Kristus supaya ngoni bisa kase tinggal ngoni pe puji-puji yang tarada dia pe guna itu, kong percaya pa Tuhan Allah yang hidup itu. Dia itu suda yang biking langit, bumi, laut deng samua dia pe isi.

Kisah Para Rasul 10:26

Tapi Petrus kase badiri pa Kornelius kong bilang, “Bapa, badiri suda! Kita ini cuma manusia biasa saja.”

Roma 11:2

Tuhan Allah tara buang Dia pe umat yang Dia so pili dari dulu. Itu jelas kalu ngoni inga Tuhan Allah pe jawaban dulu pa nabi Elia, waktu dia mengelu pa Tuhan Allah tentang orang Israel. Carita itu ada tatulis di Kitab Suci.