Yakobus 5:15 - Perjanjian Baru Bahasa Melayu Maluku Utara

¹⁵ Kalu dorang berdoa deng hati yang sunggu-sunggu percaya pa Tuhan, Tuhan akan kase sembu orang itu. Kong kalu dia so biking dosa, Tuhan mo kase ampun pa dia dari dia pe dosa.

Yakobus 5:15 Referans Kwoze

Yakobus 5:13

Kalu ada dari ngoni yang menderita, lebe bae dia berdoa. Kalu ada yang sanang, lebe bae dia manyanyi puji pa Tuhan.

Yakobus 5:16

Jadi lebe bae ngoni baku mangaku ngoni pe dosa deng baku kase berdoa, supaya ngoni jadi sembu. Orang yang hidup butul pa Tuhan Allah pe muka, dia pe doa ada kuasa basar skali sampe ada dia pe hasil.

Yakobus 1:6

Tapi waktu orang itu minta pa Tuhan, dia musti percaya butul-butul, jang ragu-ragu. Karna orang yang ragu-ragu, dia itu sama deng omba yang angin tiop kasana-kamari.

Matius 17:20

Kong Yesus bilang pa dorang, “Itu karna ngoni tara percaya butul-butul pa Tuhan Allah. Dengar bae-bae yang Kita bilang pa ngoni, kalu ngoni pe percaya itu ada, biar cuma kacil sama deng biji yang paling kacil di dunia ini, ngoni bole bilang pa gunung ini, ‘Pinda ka sana!’ Pasti gunung ini tapinda ka sana. Jadi samua ngoni bole biking, asal ngoni percaya pa Tuhan. [

Yohanes 5:14

Kong tara lama Yesus baku dapa lagi deng dia di Ruma Ibada Pusat pe kompleks kong bilang pa dia, “Inga e, bapa so sembu. Jang biking dosa lagi supaya jang ada yang lebe tara bae yang mo jadi pa bapa.”

Yohanes 6:39

Dia pe mau itu supaya samua orang yang Dia so kase pa Kita, tara akan mati slama-lamanya, tapi di hari kiamat, Kita mo kase hidup ulang pa dorang.

1 Korintus 1:21

Karna biar manusia pande skali, manusia tara bisa kanal Tuhan Allah deng dong pe pande. Tapi Tuhan Allah itu tau samua hal kong Dia biking rencana yang bae, sampe Dia mau kase slamat pa orang-orang yang percaya Kabar Bae itu, biar banya orang bilang kata, itu orang bodo pe carita.

2 Korintus 4:14

Barang, Tuhan Allah so kase hidup ulang pa Tuhan Yesus, jadi torang me tau, biar torang mati nanti, Dia mo kase hidup ulang pa torang. Dia mo kumpul pa torang deng ngoni sama-sama pa Dia pe muka.

Yakobus 5:20

Ngoni inga ini e: sapa yang bantu pa orang berdosa kase tinggal dia pe cara hidup yang sala, dia so biking orang itu dapa ampun dari dia pe dosa yang banya skali, kong so kase slamat orang itu dari hukuman tapisa deng Tuhan Allah slama-lamanya.