Yakobus 5:14 - Perjanjian Baru Bahasa Melayu Maluku Utara

¹⁴ Kong kalu ada dari ngoni yang saki, lebe bae dia pangge penatua-penatua di jemaat, supaya dorang kase berdoa kong goso pa dia deng minya pake Tuhan pe nama.

Yakobus 5:14 Referans Kwoze

Markus 6:13

Dorang user banya setang, deng dorang goso minya pa orang-orang yang saki la orang-orang saki itu sembu.

Kisah Para Rasul 28:8

Waktu itu, Publius pe papa ada baguling di tampa tidor, barang dia damang deng buang-buang aer. Paulus maso lia pa Publius pe papa. Turus, Paulus taru dia pe tangan di atas pa bapa itu kong dia berdoa pa Tuhan. Pe abis berdoa, bapa itu langsung sembu.

Markus 16:18

dorang me akan pegang ular, deng biar dorang minum racong me dong tara apa-apa. Dorang akan taru dong pe tangan pa orang yang saki, kong orang saki itu akan sembu.”

Titus 1:5

Titus, kita kase tinggal pa ngana di pulo Kreta itu, supaya ngana bole ator babarapa hal yang bolong selesai di jemaat, deng ngana pigi di kota-kota la lantik penatua-penatua jemaat, sama deng yang kita so suru pa ngana.

Kisah Para Rasul 15:4

Pe sampe di kota Yerusalem, rasul-rasul, penatua-penatua deng samua jemaat tarima deng bae pa dorang dua. Di situ, dorang dua kase carita samua yang Tuhan Allah so bantu dong dua biking.

Kisah Para Rasul 14:23

Pe abis bilang bagitu, Paulus deng Barnabas tunju penatua-penatua untuk tiap-tiap jemaat. Dorang bapuasa deng berdoa, kong serakan penatua-penatua itu pa Tuhan yang dong percaya itu supaya Dia pake pa dorang.

Kisah Para Rasul 9:40

Turus Petrus suru pa dorang samua kaluar dari kamar, kong dia berlutut, turus berdoa. Dia mangada di mayat itu kong bilang, “Tabita, bangun suda!” Kong Tabita buka dia pe mata. Waktu dia lia pa Petrus, dia langsung bangun kong dudu.

Kisah Para Rasul 11:30

Abis kumpul doi itu, dorang tunju pa Barnabas deng Saulus bawa doi itu la kase pa penatua-penatua di daera Yudea.