Yakobus 5:13 - Perjanjian Baru Bahasa Melayu Maluku Utara

¹³ Kalu ada dari ngoni yang menderita, lebe bae dia berdoa. Kalu ada yang sanang, lebe bae dia manyanyi puji pa Tuhan.

Yakobus 5:13 Referans Kwoze

Efesus 5:19

Deng ngoni baku kase kuat suda ngoni pe hati satu deng yang laeng pake lagu-lagu mazmur, lagu-lagu yang puji pa Tuhan, deng lagi lagu-lagu laeng yang Roh Kudus kase langsung pa ngoni. Ngoni manyanyi puji pa Tuhan suda deng hati yang sunggu-sunggu, jang cuma di mulu saja.

Ibrani 5:7

Waktu Yesus Kristus hidup di dunia ini, Dia berdoa kong minta sunggu-sunggu sampe babataria deng mamanangis pa Tuhan Allah yang punya kuasa untuk kase lapas pa Dia dari kematian. Tuhan Allah dengar Dia pe doa itu, barang Dia butul-butul iko Tuhan Allah pe mau.

Wahyu 14:3

Kong kita dengar saratus ampa pulu ampa ribu orang itu manyanyi lagu baru pa Tuhan Allah pe muka, yang ada dudu di kursi raja, deng di muka ampa binatang yang luar biasa itu, deng di muka pemimpin dua pulu ampa orang itu. Tarada satu orang laeng di luar dorang yang bisa balajar lagu baru itu. Saratus ampa pulu ampa ribu orang itu yang Tuhan Allah so kase slamat dari dunia.

Lukas 22:44

Yesus pe hati menderita skali kong Dia lebe tamba kuat berdoa. Dia pe suar jatu sama deng dara ada tatetes ka tana.]

Matius 26:30

Abis itu, Yesus deng Dia pe murit-murit manyanyi lagu pujian untuk Tuhan Allah, kong dorang pigi di Bukit Zaitun.

Wahyu 7:10

Turus, deng suara kuat dorang bilang bagini, “Yang kase slamat pa torang, itu Tuhan Allah yang dudu di kursi raja, deng Anak Domba lagi.”

1 Korintus 14:26

Jadi bagini sudara-sudara, kalu ngoni bakumpul sama-sama untuk baibada, lebe bae ngoni masing-masing ambe bagian: ada yang manyanyi puji pa Tuhan, ada yang mangajar, ada yang kase jelas apa yang Tuhan Allah so kase tunju pa dia, ada yang bicara pake bahasa roh, deng ada lagi yang kase mangarti bahasa roh itu untuk jemaat. Ngoni biking samua itu untuk kase kuat jemaat.

Lukas 23:42

Kong dia bilang pa Yesus, “Yesus, inga pa kita waktu nanti datang sebagai Raja.”

1 Korintus 14:15

Jadi kalu bagitu, yang bae kita mo biking apa? Kita suka pake dua-dua. Kita mo berdoa dari kita pe roh pake bahasa roh, deng kita lagi mo berdoa pake kata-kata dari kita pe pikiran. Kita mo manyanyi puji pa Tuhan dari kita pe roh pake bahasa roh, deng kita lagi mo manyanyi puji pa Tuhan pake kata-kata dari kita pe pikiran.

Yakobus 5:10

Sudara-sudara, iko yang nabi-nabi so kase conto. Waktu dorang kase turus Tuhan Allah pe pasáng, dorang dapa tantang sampe menderita macam-macam. Tapi biar bagitu, dorang tetap sabar deng tara berenti kase tau Tuhan Allah pe pasáng turus.