Yakobus 4:17 - Perjanjian Baru Bahasa Melayu Maluku Utara

¹⁷ Jadi kalu ada orang tau hal yang bae yang musti dia biking, kong dia tara biking, itu dia so berdosa.

Yakobus 4:17 Referans Kwoze

Yohanes 9:41

Yesus jawab pa dorang, “Kalu ngoni buta, itu berarti ngoni tara tau apa yang butul, jadi waktu ngoni biking dosa, ngoni tara tau ngoni ada biking dosa. Tapi ngoni bilang kata, ngoni mangarti yang butul, kong ngoni tetap biking dosa, jadi Tuhan Allah bilang ngoni masi tetap ada dosa.”

Yohanes 13:17

Skarang ini, ngoni so tau yang Kita so kase ajar pa ngoni, jadi ngoni lagi musti iko Kita pe conto untuk layani orang supaya ngoni butul-butul sanang.

Yohanes 15:22

Kalu Kita tara datang di dunia ini untuk kase tau Tuhan Allah pe ajaran pa dorang, pasti Tuhan Allah tara bilang dorang itu berdosa, barang dorang tara tau dorang pe sala. Tapi skarang Kita so datang di dunia ini kong so kase tau ajaran itu, jadi dorang so tarada alasan mo bilang dorang itu tara berdosa, barang dorang so tau.

2 Petrus 2:21

Jadi lebe bae dorang tara perna tau ajaran tentang bagimana dorang bole jadi orang yang tara sala pa Tuhan Allah pe muka, daripada dorang so tau kong tara mau iko lagi parenta yang kudus yang orang so kase tau pa dorang.

Roma 1:32

Dorang itu so tau Tuhan Allah pe aturan yang bilang, “Orang yang jaga biking barang yang jahat itu, dorang pantas dapa hukuman mati.” Tapi biar dorang tau itu, dorang tetap biking barang yang jahat itu. Deng dorang me setuju orang laeng biking bagitu.

Roma 7:13

Tapi jang sampe ada orang pikir, aturan yang bagus itu biking torang tapisa deng Tuhan Allah slama-lamanya. Pasti tara bagitu. Dosa yang kita jaga biking itu yang biking kita dapa hukum kong tapisa deng Tuhan Allah slama-lamanya. Sebenarnya, aturan itu bagus, tapi waktu kita tau aturan itu, kita pe hati lebe tamba ingin biking dosa, sampe kita lebe tamba biking dosa turus. Jadi deng ada aturan yang bagus itu, kita bole tau mana itu dosa, kong kita bole tau lebe jelas, dosa itu jahat.