Yakobus 4:15 - Perjanjian Baru Bahasa Melayu Maluku Utara

¹⁵ Sebenarnya yang ngoni musti bilang itu bagini, “Kalu Tuhan kase ijin, torang bole hidup kong torang bisa biking ini atau itu.”

Yakobus 4:15 Referans Kwoze

Ibrani 6:3

Jadi kalu Tuhan Allah kase ijin pa torang, mari suda torang balajar ajaran yang lebe dalam lagi, supaya torang pe percaya pa Yesus Kristus lebe tamba kuat.

Kisah Para Rasul 18:21

Jadi dia basiloloa pa dorang deng bilang, “Kalu memang Tuhan Allah mau, kita pasti mo bale kamari.” Abis itu, Paulus kase tinggal kota Efesus.

Roma 1:10

Waktu kita berdoa, kita minta pa Tuhan Allah supaya kalu itu Tuhan pe mau, Dia kase kesempatan pa kita untuk pigi pa ngoni skarang.

1 Korintus 16:7

Barang skarang, kita tara mau basingga cuma rabu-rabu saja pa ngoni. Kalu itu Tuhan pe mau, kita harap kita tinggal deng ngoni sadiki lama.

Roma 15:32

Ngoni berdoa bagitu untuk kita supaya abis kita biking kita pe tugas, kalu memang Tuhan Allah mau kita datang pa ngoni, kita bole datang deng hati sanang. Deng nanti kalu kita so ada sama-sama deng ngoni, kita pe hati bole jadi tenang.

1 Korintus 4:19

Tapi kalu Tuhan mau kita datang, tara lama kita akan datang pa ngoni. Kong waktu kita so ada deng ngoni, kita akan tau orang-orang yang basombong itu. Kita akan lia apa butul dong biking banya hal yang bae itu pake Tuhan pe kuasa, atau dong cuma banya mulu saja.

Yakobus 4:16

Tapi yang ngoni bicara itu cuma untuk puji ngoni pe diri sandiri saja. Samua itu sala basar.