Yakobus 3:14 - Perjanjian Baru Bahasa Melayu Maluku Utara

¹⁴ Tapi kalu ngoni masi suka mangiri deng cuma pikir diri sandiri, jang ngoni basombong bilang ngoni itu pande skali. Kalu ngoni bagitu, ngoni so kase putar bale ajaran yang butul.

Yakobus 3:14 Referans Kwoze

Yakobus 3:16

Karna kalu orang pangmangiri deng cuma pikir diri sandiri, dia pasti biking kaco deng biking samua hal yang jahat.

1 Korintus 13:4

Orang yang sayang pa orang laeng, dia itu sabar, hati bae, tara mangiri, tara angka-angka diri, deng tara sombong.

Filipi 2:3

Jang ngoni biking satu barang cuma untuk kase sanang ngoni pe diri sandiri, atau supaya ngoni dapa puji. Tapi lebe bae, ngoni hidup tara basombong. Yang satu musti anggap yang laeng lebe penting dari dia pe diri.

1 Korintus 3:3

Barang sampe skarang, ngoni pe kalakuang masi iko manusia pe mau. Kita bilang bagitu, barang ada dari ngoni yang jaga baku mangiri, deng baku-baku ambe. Itu dia pe tanda ngoni masi iko manusia pe mau.

Roma 13:13

Torang musti hidup deng kalakuang yang bae, kalakuang yang orang-orang jaga biking siang-siang. Jang babapesta kong mabo-mabo sampe biking hal sabarang, jang baseks sabarang, jang iko napsu sama deng binatang, jang suka bakalae deng jang suka mangiri.

2 Korintus 12:20

Kita hawater, kalu kita so datang pa ngoni nanti, ngoni bolong biking sama deng yang kita mau. Bagitu lagi deng ngoni, ngoni lia kita biking tara sama deng yang ngoni mau. Kita hawater, jang sampe kita dapa ada dari ngoni yang baku-baku malawang, baku mangiri, mara-mara, cuma pikir diri sandiri, carita busu orang pe nama, bamulu, basombong deng biking kaco.

Filipi 1:15

Memang butul, ada babarapa orang yang jaga kase tau ajaran tentang Yesus Kristus karna dorang mangiri pa kita, deng dorang cuma suka orang dengar dong pe ajaran saja. Tapi, ada lagi yang jaga kase tau ajaran tentang Yesus Kristus karna dong pe tujuan bae.

Yakobus 5:19

Sudara-sudara, kalu ada dari ngoni yang dulu percaya pa Tuhan tapi so tara iko lagi Tuhan pe ajaran, lebe bae ada orang yang bantu pa dia supaya dia bale ulang pa Tuhan.

Kisah Para Rasul 5:17

Waktu itu, agama Yahudi pe imam basar deng samua orang agama Yahudi dari aliran Saduki yang ada deng dia, dorang mangiri karna apa yang rasul-rasul biking.

Titus 3:3

Barang, dulu waktu torang bolong percaya pa Yesus, torang tara mangarti apa-apa. Jadi torang malawang pa Tuhan, torang me tapengaru deng hal-hal yang jahat. Napsu deng keinginan yang tara bae so kuasai di torang pe hati kong torang hidup baku mangiri deng orang laeng. Torang jahat pa orang deng torang salalu baku binci.

1 Timotius 6:4

dia itu biking diri mangarti, padahal dia tara tau apa-apa. Dia cuma suka baku malawang tentang arti dari kata-kata karna dia pe pikiran tara butul. Dia yang biking sampe orang baku mangiri, bakalae, kase tara bae orang pe nama, deng baku curiga.

1 Korintus 5:2

Tapi biar ada dari ngoni yang jaga biking bagitu me, ngoni masi saja basombong. Sebenarnya, ngoni musti hati susa skali deng yang dia biking itu, kong ngoni musti kase kaluar saja pa dia dari ngoni pe tenga-tenga.

Roma 2:8

Tapi ada lagi orang-orang yang cuma pikir dong pe diri sandiri saja. Dorang tara mau iko Tuhan Allah pe ajaran, dorang cuma iko dong pe mau sandiri yang suka biking jahat. Tuhan Allah mo mara skali, kong hukum pa dorang.

Galatia 6:13

Padahal, dorang yang iko aturan sunat itu, dorang sandiri tara jaga iko aturan-aturan di lima kitab Musa itu. Tapi dorang berusaha buju pa ngoni iko aturan sunat supaya dorang bole angka diri sandiri deng bilang ngoni itu ada iko dong pe aturan sunat.

Galatia 5:26

Deng tara usa suda torang jadi pangbasombong, tara usa suda torang baku pancing mara, kong tara usa suda torang baku mangiri.

Galatia 5:21

mangiri orang pe barang, pangmabo, babapesta kong mabo-mabo sampe biking hal sabarang, deng biking hal-hal laeng yang tara bagus lagi. Tentang samua hal yang tara bagus itu, hari ini kita kase inga ulang pa ngoni, sama deng yang kita so perna bilang pa ngoni dulu, bagini: orang yang hidup bagitu tara akan dapa bagian waktu Tuhan Allah Berkuasa sebagai Raja pa Dia pe umat.

Galatia 5:15

Tapi kalu ngoni cuma bakalae deng baku malawang, ngoni musti ati-ati, jang sampe ngoni sama deng binatang yang baku-baku gigi sampe baku abis.

1 Korintus 5:6

Tara bagus ngoni basombong macam bagitu. Jang sampe ngoni tara sadar, kalu satu orang dari ngoni biking sala, bisa pengaru orang laeng dalam ngoni pe jemaat biking sala lagi. Itu sama deng ragi yang sadiki saja, bisa kase nae adonan.

Roma 2:17

Torang orang Yahudi, torang ini orang-orang yang Tuhan Allah pili kakamuka jadi Dia pe umat, deng yang Tuhan Allah so kase aturan di lima kitab Musa. Karna itu, ada dari torang yang jadi sombong, gara-gara dorang pikir dorang itu pe hubungan yang lebe dekat deng Tuhan Allah.

Roma 1:29

Dorang pe hati ponong deng barang yang tara butul deng barang yang jahat. Dorang golojo samua-samua, cuma pikir yang jahat, mangiri, deng jadi tukang bunu. Kong dorang me jaga baku mara, deng tukang bafoya. Dorang suka orang laeng dapa cilaka deng suka bacarita tara bae tentang orang laeng.

Kisah Para Rasul 26:9

Dulu, kita me bapikir, tara mungkin Yesus orang Nazaret itu hidup ulang, jadi kita kira Dia pe ajaran itu sesat. Karna itu, kita biking apa saja untuk tantang Yesus pe nama, sampe kita me siksa pa orang-orang yang percaya pa Dia.

Kisah Para Rasul 13:45

Tapi waktu orang-orang Yahudi lia orang banya itu, dorang jadi mangiri pa Paulus deng Barnabas. Kong dorang mulai bahina deng malawang samua yang Paulus jaga bilang.

Yohanes 16:2

Barang, deng ngoni iko pa Kita, nanti ada dia pe waktu, pemimpin-pemimpin agama Yahudi so tara kase bae pa ngoni mo baibada lagi di ruma-ruma ibada. Mala mo ada dia pe waktu lagi, orang-orang mo bunu pa ngoni, barang dorang pikir, itu Tuhan Allah pe mau.

Matius 27:18

Gubernur tanya bagitu, barang dia tau pemimpin agama Yahudi so serakan Yesus pa dia cuma karna dorang mangiri pa Yesus.

Kisah Para Rasul 7:9

Kong torang pe orang tua dulu-dulu itu mangiri pa Yusuf, padahal dia itu dorang pe ade sandiri. Jadi, dorang jual pa dia pa orang yang bawa pa dia di Mesir. Tapi Tuhan Allah tara perna kase tinggal pa Yusuf.

Galatia 5:20

jaga semba pa dong pe puji-puji, pake tiop-tiop, binci pa orang laeng, bakalae, mangiri pa orang-orang laeng, capat skali mara, cuma pikir diri sandiri, suka biking orang tapisa-pisa, suka baku beda pendapat sampe biking kelompok-kelompok,

1 Timotius 2:4

Dia mau samua orang dapa slamat deng mangarti ajaran yang butul.

Yakobus 1:18

Tuhan Allah biking torang jadi Dia pe ana-ana itu iko Dia pe mau sandiri, karna torang percaya Dia pe ajaran yang butul. Dia biking torang jadi Dia pe ana-ana supaya torang jadi yang paling penting dari samua yang Dia cipta.