Yakobus 3:13 - Perjanjian Baru Bahasa Melayu Maluku Utara

¹³ Kalu dari ngoni ada yang pande deng tau ator samua, dia musti kase tunju itu deng dia pe cara hidup yang bae. Dia musti pake dia pe pande itu untuk biking hal-hal bae deng hati yang tara sombong.

Yakobus 3:13 Referans Kwoze

Galatia 5:23

tara kasar, deng kuasai diri sandiri. Tara ada aturan yang kase sala orang yang hidup macam bagitu.

Yakobus 3:17

Tapi orang yang dapa pande dari Tuhan, torang tau persis bagini: pertama, dia pe hati bersi, turus dia suka dame, suka baku bawa bae deng orang, dengar-dengaran, ada rasa kasiang, deng jaga biking hal-hal bae. Dia me tara barát sabla deng tara munafik.

Matius 5:5

Paling sanang suda orang-orang yang tara sombong, karna Tuhan Allah akan kase dunia ini pa dorang.

Kolose 3:12

Tuhan Allah so pili pa ngoni, ngoni yang so jadi Dia pe umat, deng yang Dia sayang. Jadi ngoni pe hidup musti bagini: ada rasa kasiang, hati bae, tara sombong, tara kasar, deng salalu sabar.

1 Petrus 2:12

Ngoni pe kalakuang musti bagus di orang-orang yang tara kanal pa Tuhan Allah pe muka, supaya kalu dong bicara tara bae tentang ngoni kong bilang kata, ngoni jaga biking barang yang jahat, dorang tau itu tara butul karna dorang akan dapa lia ngoni pe kalakuang-kalakuang yang bagus. Jadi, waktu hari kiamat kong Tuhan Allah datang ulang, dorang akan puji deng hormat pa Tuhan Allah.

Titus 3:2

Dorang tara bole kase tara bae orang pe nama deng tara bole baku malawang. Tapi dorang musti tara kasar deng salalu baku bawa bae-bae pa samua orang.

2 Timotius 2:25

Kalu ada orang yang malawang torang pe ajaran itu, torang musti ajar pa dia bae-bae deng hati yang tara sombong. Torang biking bagitu karna sapa tau, Tuhan Allah kase kesempatan pa dorang untuk bertobat la Tuhan mo ruba dorang pe cara bapikir, sampe dorang bole tau ajaran yang butul.

Filipi 1:27

Jadi yang penting skarang, ngoni musti hidup deng cara yang pantas untuk orang-orang yang so percaya Kabar Bae tentang Yesus Kristus, supaya nanti kalu kita pigi lia pa ngoni, atau kalu kita bolong sempat pigi pa ngoni, kita bole dengar, ngoni samua tetap kuat percaya deng satu hati, deng ngoni me sama-sama bakarja karas kase tau Kabar Bae itu pa orang-orang supaya dorang lagi bole jadi percaya.

1 Timotius 6:11

Tapi Timotius, ngana itu so jadi Tuhan Allah pe umat. Jadi jang ngana badekat deng hal-hal yang tara bae. Ngana musti berusaha hidup butul pa Tuhan Allah pe muka, iko Tuhan Allah pe mau, tamba percaya pa Yesus, tamba sayang pa orang laeng, tetap tahang hadapi macam-macam susa, deng tara kasar pa orang laeng.

Yakobus 2:18

Mangkali ada yang tara setuju kong mo bilang bagini, “Ada orang yang cuma percaya saja pa Tuhan, deng ada orang yang cuma biking saja barang yang bae.” Kita mo bilang pa orang yang bilang bagitu, “Ngana tara bisa kase bukti ngana percaya pa Tuhan, karna ngana cuma biking hal yang bae. Tapi kita, kita mo kase tunju kita pe percaya pa Tuhan deng cara biking hal yang bae.”

1 Petrus 2:9

Tapi ngoni ini suda yang Tuhan Allah so pili jadi Dia pe umat, kong biking ngoni jadi sama deng imam yang jaga layani pa Dia yang jadi torang pe Raja. Dia kase pisa pa ngoni dari samua orang untuk jadi Dia pe umat sandiri, kong ngoni jadi Dia pe rakyat yang pe hati bersi pa Dia pe muka. Ngoni jadi bagitu, supaya ngoni bole kase tau pa orang-orang hal-hal luar biasa yang Dia so biking. Dia itu suda yang so pangge pa ngoni kaluar dari galap, maso pa Dia pe tarang yang luar biasa.

Yakobus 1:21

Jadi ngoni musti berenti biking samua hal yang tara bae deng yang jahat. Ngoni musti tarima Tuhan Allah pe firman deng hati yang tara sombong. Firman itu so ada di ngoni pe hati, kong punya kuasa untuk kase slamat pa ngoni.

1 Timotius 4:12

Jang kase biar orang pandang enteng pa ngana gara-gara ngana masi muda. Tapi lebe bae, ngana jadi conto pa orang percaya pake ngana pe bicara, ngana pe kalakuang, ngana pe sayang pa orang laeng, ngana pe percaya pa Tuhan, deng lagi ngana pe cara hidup yang bersi pa Tuhan Allah pe muka.

2 Korintus 10:1

Kita Paulus, minta pa ngoni supaya ngoni dengar bae-bae yang kita mo bilang ini. Ada dari ngoni yang bilang, kita tara barani togor karas pa ngoni waktu kita ada sama-sama deng ngoni. Kata, kita cuma barani togor karas waktu torang baku jao pake surat. Tapi skarang, sama deng Yesus Kristus pe sifat yang tara sombong deng tara kasar,

Matius 11:29

Dengar kong iko suda Kita pe parenta, sama deng sapi yang ada kase pake tali kong iko dia pe tuang pe parenta. Balajar suda dari Kita karna Kita ini bae-bae deng tara sombong, kong ngoni pe hati akan jadi tenang.

Yakobus 3:1

Sudara-sudara, jang sampe banya dari ngoni mau jadi guru untuk ajar Tuhan pe firman. Barang torang tau, kalu torang ajar hal yang sala kong orang iko, berarti Tuhan Allah akan hukum pa torang lebe barát dari orang yang bukang guru.

Efesus 4:2

Ngoni pe hidup musti bagini: tara basombong, tara kasar pa orang, deng salalu sabar. Biar ada orang yang biking sala pa ngoni, jang capat mara, barang ngoni so baku sayang.

Galatia 6:4

Lebe bae tiap orang pikir bae-bae tentang apa yang dia so biking, itu bae ka tarada. Kalu yang dia biking itu barang yang bae, dia bole rasa sanang, kong tara perlu dia kase banding apa yang dia biking itu deng yang orang laeng biking.

Galatia 6:1

Sudara-sudara, kalu ngoni dapa ngoni pe sudara satu yang percaya ada biking dosa, lebe bae ngoni yang Roh Kudus kuasai kase nasehat pa dia bae-bae supaya jang dia biking bagitu lagi, kong dia bole bale ulang di jalang yang butul. Ngoni me musti jaga-jaga supaya ngoni sandiri jang sampe tagoda untuk biking dosa sama deng orang itu.

2 Korintus 8:24

Karna dorang dapa utus dari jemaat-jemaat, kita minta pa ngoni jemaat Korintus, tarima pa dong tiga kong kase tunju ngoni pe sayang pa dorang, supaya samua jemaat me bole tau, ngoni butul-butul sayang pa dorang, deng dorang me tau lagi apa yang torang jaga kase puji-puji tentang ngoni pe sayang deng jaga bantu pa orang-orang talebe-lebe, itu memang butul.

Matius 21:5

“Bilang suda pa orang-orang yang tinggal di kota Yerusalem, yang orang kase nama lagi Sion, bilang bagini: ‘Coba lia, ngoni pe Raja ada datang pa ngoni, Dia pe hati tara sombong. Dia cuma nae keledai pe ana satu, keledai itu masi muda.’ ”

1 Petrus 3:4

Tapi kalu ngoni mau butul-butul cantik, ngoni musti cantik dari dalam hati sama deng ini: hati yang tara sombong deng hati yang tenang. Itu parampuang pe cantik yang tara ilang sampe tua, deng itu yang dapa lia bagus skali pa Tuhan Allah pe muka.

1 Korintus 6:5

Masa tarada satu orang dari ngoni jemaat yang cukup pande untuk urus ngoni pe masala-masala! Kita bilang bagitu, supaya ngoni malu kong beruba.

Matius 7:24

Yesus bilang lagi, “Tiap orang yang dengar apa yang Kita bilang ini kong biking, dia itu sama deng orang pande yang kase badiri ruma di atas batu fandasi yang kuat.

Ibrani 13:5

Jang ngoni gila doi, tapi lebe bae ngoni puas suda deng apa yang ada pa ngoni. Barang, Tuhan Allah so perna bilang bagini, “Kita tara akan perna kase biar pa ngana, deng Kita tara akan perna kase tinggal pa ngana sandiri.”

1 Petrus 1:15

Tapi ngoni musti hidup suci di samua-samua yang ngoni biking, sama deng Tuhan Allah yang pangge pa ngoni itu suci.