Yakobus 2:22 - Perjanjian Baru Bahasa Melayu Maluku Utara

²² Abraham biking dua hal ini: dia percaya pa Tuhan Allah, deng dia lagi biking Tuhan Allah pe mau. Deng bagitu, Abraham pe percaya pa Tuhan Allah jadi sempurna.

Yakobus 2:22 Referans Kwoze

1 Tesalonika 1:3

Tiap kali torang berdoa pa Tuhan Allah torang pe Bapa, torang inga pa ngoni jemaat di kota Tesalonika. Torang inga samua yang ngoni biking karna ngoni pe percaya. Torang inga ngoni pe bae pa orang-orang karna ngoni sayang pa dorang. Torang inga lagi bagimana ngoni tetap biking barang yang bae biar ngoni dapa susa, karna ngoni salalu batahang percaya deng yakin pa Yesus Kristus, torang pe Tuhan.

Galatia 5:6

Karna untuk torang yang so sama-sama percaya pa Kristus Yesus, torang mo iko aturan sunat itu ka, tarada ka, itu tara penting, tapi yang paling penting torang pe percaya pa Yesus Kristus yang dapa lia dari torang pe sayang pa orang laeng.

1 Yohanes 2:5

Tapi sapa saja yang biking Tuhan Allah pe parenta-parenta, pa dia itu ada Tuhan Allah pe sayang yang biking dia bole sayang pa orang deng sempurna. Itu yang biking torang tau, torang hidup satu hati deng Tuhan Allah.

Yakobus 2:18

Mangkali ada yang tara setuju kong mo bilang bagini, “Ada orang yang cuma percaya saja pa Tuhan, deng ada orang yang cuma biking saja barang yang bae.” Kita mo bilang pa orang yang bilang bagitu, “Ngana tara bisa kase bukti ngana percaya pa Tuhan, karna ngana cuma biking hal yang bae. Tapi kita, kita mo kase tunju kita pe percaya pa Tuhan deng cara biking hal yang bae.”

Yohanes 6:29

Yesus jawab pa orang banya itu, “Dengar e! Yang Tuhan Allah mau ngoni biking itu, percaya pa Kita yang Dia utus.”