Yakobus 2:21 - Perjanjian Baru Bahasa Melayu Maluku Utara

²¹ Conto torang pe orang tua dulu-dulu Abraham. Dulu Tuhan Allah suru pa Abraham kase dia pe ana Ishak jadi persembahan di tampa bakar binatang korban persembahan. Abraham biking Tuhan Allah pe parenta itu, jadi Tuhan Allah tarima pa dia jadi orang yang tara sala.

Yakobus 2:21 Referans Kwoze

Yohanes 8:39

Dorang bilang pa Dia, “Torang pe papa itu Abraham.” Yesus bilang pa dorang, “Kalu ngoni ini butul Abraham pe turunan, tantu ngoni biking sama deng yang Abraham so biking.

Roma 4:16

Jadi torang mo dapa Tuhan Allah pe janji itu cuma karna torang percaya pa Dia saja. Tuhan Allah kase Dia pe janji itu karna Dia pe bae, supaya samua Abraham pe turunan bole dapa Tuhan Allah pe janji. Kong Tuhan Allah pe janji itu bukang cuma untuk orang Yahudi saja yang jaga iko aturan di lima kitab Musa, tapi pa samua orang yang percaya sama deng Abraham. Abraham itu torang samua yang percaya pe papa.

Matius 12:37

Tuhan Allah mo tentukan ngoni orang butul atau orang yang mo dapa hukuman, iko dari ngoni pe kata-kata yang ngoni perna bilang.”

Yakobus 2:24

Jadi skarang ngoni so tau to? Tuhan Allah biking torang jadi orang yang tara sala pa Dia pe muka, bukang karna torang percaya saja, tapi karna apa yang torang biking.

Yakobus 2:18

Mangkali ada yang tara setuju kong mo bilang bagini, “Ada orang yang cuma percaya saja pa Tuhan, deng ada orang yang cuma biking saja barang yang bae.” Kita mo bilang pa orang yang bilang bagitu, “Ngana tara bisa kase bukti ngana percaya pa Tuhan, karna ngana cuma biking hal yang bae. Tapi kita, kita mo kase tunju kita pe percaya pa Tuhan deng cara biking hal yang bae.”

Roma 4:12

Kong Abraham me jadi papa pa torang orang-orang Yahudi yang iko aturan sunat di lima kitab Musa. Dia jadi torang pe papa bukang karna torang dapa sunat tapi karna torang pe percaya pa Tuhan Allah sama deng Abraham pe percaya waktu dia bolong dapa sunat.

Roma 4:1

Jadi, apa yang musti torang biking supaya torang jadi orang yang tara sala pa Tuhan Allah pe muka? Torang ambe conto pa Abraham. Dia itu torang pe orang tua dulu-dulu.

Roma 3:20

Barang, tarada satu orang yang jadi orang yang butul pa Tuhan Allah pe muka karna dia iko aturan-aturan di lima kitab Musa. Mala dari aturan itu, torang jadi tau, torang berdosa.

Kisah Para Rasul 7:2

Stefanus bilang, “Bapa-bapa deng sudara-sudara, coba ngoni dengar dulu. Ngoni masi inga, to? Dulu, torang pe orang tua dulu-dulu Abraham tinggal di daera Mesopotamia, sebelum dia tinggal di kota Haran. Di situ, Tuhan Allah yang luar biasa, kase tunju Dia pe diri pa Abraham,

Yohanes 8:53

Jang sampe Bapa bapikir Bapa lebe hebat dari torang pe orang tua dulu-dulu, Abraham. Memang dia so mati. Nabi-nabi laeng me so mati. Bapa ini sapa kong bicara macam bagitu?”

Lukas 16:30

Kong orang kaya itu bilang bagini, ‘Itu bolong cukup, bapa Abraham. Musti ada satu dari orang mati yang hidup ulang kong pigi kase tau pa dorang la dorang bertobat.’

Lukas 16:24

Turus orang kaya itu bicara kuat-kuat bagini, ‘Bapa Abraham, kasiang pa kita ka! Suru pa Lazarus colo dia pe jari di aer kong kase basa kita pe lida ka. Barang kita menderita skali di api ini!’

Lukas 1:73

Janji yang Tuhan Allah bilang itu deng basumpa pa Abraham, torang pe orang tua dulu-dulu,

Matius 3:9

Jang ngoni kira ngoni so bebas dari hukuman karna ngoni Abraham pe turunan. Kita bilang pa ngoni, kalu Tuhan Allah mau, Dia bisa biking batu-batu ini jadi Abraham pe turunan.

Ibrani 11:17

Karna Abraham percaya pa Tuhan Allah, Abraham kase dia pe ana Ishak jadi korban persembahan waktu Tuhan Allah tes pa dia. Ishak itu, Abraham pe ana cuma satu itu saja, deng yang Tuhan Allah so janji mo ada banya turunan dari ana itu.