Yakobus 2:19 - Perjanjian Baru Bahasa Melayu Maluku Utara

¹⁹ Ngoni percaya cuma ada satu Tuhan saja, Tuhan Allah. Itu bagus, tapi tara cukup. Setang-setang me percaya itu kong dorang tako sampe totofore.

Yakobus 2:19 Referans Kwoze

Lukas 4:34

“Ee Yesus orang Nazaret! Jang iko campur deng torang pe urusan. Jang kase mati pa torang. Kita tau Ngana sapa. Ngana ini Orang Suci dari Tuhan Allah.”

Markus 1:24

“Ee, Yesus orang Nazaret! Jang iko campur deng torang pe urusan. Jang kase mati pa torang. Kita tau Ngana sapa. Ngana ini Orang Suci dari Tuhan Allah.”

Matius 8:29

Kong setang yang ada pa dorang dua itu bataria, “Ado, Anak Allah! Ngana mo biking apa pa torang? Ngana pe waktu untuk siksa pa torang bolong sampe, bikiapa kong mo siksa pa torang skarang?”

Kisah Para Rasul 16:17

Dia iko pa Paulus deng torang dari balakang kong dia kase tau deng babataria, “Dorang ini orang-orang yang jaga biking apa yang Tuhan Allah yang Paling Tinggi itu suru. Dorang jaga kase tau bagimana supaya orang-orang bisa dapa slamat.”

Galatia 3:20

Tapi, waktu Tuhan Allah biking janji deng Abraham, Dia tara pake orang untuk jadi sama deng jambatan untuk kase sampe janji itu pa orang-orang Yahudi, tapi Dia sandiri yang bicara langsung pa Abraham.

Kisah Para Rasul 19:15

Tapi satu kali waktu dong coba user setang, setang itu cuma jawab pa dorang, “Yesus kita kanal, bagitu lagi deng Paulus. Tapi ngoni ini, kita tara kanal.”

Markus 5:7

Turus Yesus bilang pa dia, “Ee, setang! Ngana kaluar dari dia!” Kong orang itu bataria kuat-kuat, dia bilang, “Ado Yesus, Tuhan Allah yang Paling Tinggi pe Anak! Ngana mo biking apa pa kita? Demi Tuhan Allah, jang siksa pa kita!”

1 Timotius 2:5

Barang, Tuhan Allah itu cuma satu. Deng cuma ada satu saja yang bisa kase bae-bae ulang Tuhan Allah deng manusia pe hubungan. Dia itu Kristus Yesus yang jadi manusia.

Markus 12:29

Yesus bilang pa dorang bagini, “Parenta yang paling penting itu bagini: orang-orang Israel, ngoni dengar bae-bae, Tuhan Allah itu torang pe Tuhan, Dia itu cuma satu saja.

1 Korintus 8:6

tapi untuk torang yang percaya, Tuhan Allah itu cuma satu saja. Dia itu torang pe Bapa, yang cipta samua-samua yang ada di dunia ini, deng Dia itu lagi yang kase torang hidup supaya tong hidup untuk biking Dia pe mau. Torang pe Tuhan me cuma satu, Yesus Kristus. Kong deng Dia itu suda, Tuhan Allah cipta dunia deng samua-samua yang ada. Deng karna Dia, torang bole hidup.

Roma 3:30

Tuhan Allah memang cuma satu. Dia mo biking orang-orang yang so percaya pa Yesus jadi orang yang tara sala pa Dia pe muka, biar dia itu orang Yahudi atau bukang Yahudi lagi.

Yohanes 17:3

Kong hidup deng Bapa slama-lamanya itu, pe maksut bagini: dorang so kanal Bapa itu Tuhan Allah yang butul, tara ada yang laeng, deng dorang so kanal Yesus Kristus itu yang Bapa utus untuk datang di dunia ini.

Yudas 1:6

Bagitu lagi deng malaekat-malaekat. Tuhan Allah so kase kuasa pa dorang, tapi ada dia pe batas. Cuma ada dari malaekat-malaekat itu yang tara puas deng dong pe batas kuasa yang Tuhan Allah kase, jadi dorang kaluar kase tinggal dong pe tampa tinggal di sorga. Malaekat-malaekat itu, Tuhan Allah ika pa dorang deng rante yang tara bisa talapas, kong tahang pa dorang di tampa yang paling galap, sampe di waktu Tuhan mo adili pa manusia.

Yakobus 2:8

Kalu ngoni iko aturan yang paling penting yang tatulis di Kitab Suci, itu dia pe arti, ngoni so biking yang bae. Aturan itu pe babunyi bagini, ‘Ngoni musti sayang pa orang laeng, sama deng ngoni sayang pa ngoni pe diri sandiri.’

1 Korintus 8:4

Jadi tentang daging yang orang so biking persembahan untuk dorang pe puji-puji, torang orang percaya tau, torang bole makang itu, karna puji-puji yang ada di dunia ini tara arti apa-apa. Deng, torang lagi tau, cuma ada satu Tuhan saja, Dia itu Tuhan Allah.

Wahyu 20:10

Turus, Iblis yang kase sesat pa orang-orang itu dapa lempar di api belerang yang luas skali. Binatang jahat deng nabi palsu so dapa buang kamuka di situ. Kong dorang samua dapa siksa siang deng malam sampe slama-lamanya.

Yudas 1:4

Barang, ada orang-orang yang bawa ajaran yang tara butul yang so maso pa ngoni pe jemaat, tapi ngoni tara sadar. Dorang itu tara iko Tuhan Allah pe mau. Dorang memang so tarima ajaran tentang torang pe Tuhan Allah pe bae, tapi dorang kase putar bale ajaran itu la orang bisa iko dorang pe napsu yang tara bae. Deng dorang me manyangkal, Yesus Kristus yang cuma satu itu saja torang pe Tuhan, yang berkuasa pa samua-samua. Orang-orang model bagini, dari dulu ada tatulis di Kitab Suci, dorang memang akan dapa hukuman.

Markus 7:9

Yesus bicara lagi pa dorang, “Ngoni pintar skali kase balakang Tuhan Allah pe parenta-parenta karna cuma iko ngoni pe orang tua dulu-dulu pe aturan.

Kisah Para Rasul 24:25

Paulus me bicara tentang bagimana supaya orang mo hidup butul pa Tuhan pe muka, tentang bagimana mo jaga diri la tara biking dosa, deng tentang hari kiamat, waktu Tuhan mo adili pa samua orang. Pe dengar itu, gubernur Feliks jadi tako kong bilang, “So bole dulu, kong pigi suda skarang. Nanti kalu ada waktu, baru kita mo pangge ulang pa ngana.”