Yakobus 1:22 - Perjanjian Baru Bahasa Melayu Maluku Utara

²² Jadi jang ngoni cuma dengar Tuhan Allah pe firman saja, tapi ngoni musti biking itu. Karna kalu tarada, itu sama deng ngoni tipu ngoni pe diri sandiri.

Yakobus 1:22 Referans Kwoze

Roma 2:13

Karna bukang orang-orang yang dengar aturan di lima kitab Musa yang Tuhan Allah bilang dorang itu orang butul, tapi orang-orang yang biking aturan itu.

Yohanes 13:17

Skarang ini, ngoni so tau yang Kita so kase ajar pa ngoni, jadi ngoni lagi musti iko Kita pe conto untuk layani orang supaya ngoni butul-butul sanang.

Yakobus 4:17

Jadi kalu ada orang tau hal yang bae yang musti dia biking, kong dia tara biking, itu dia so berdosa.

1 Yohanes 2:3

Kalu torang iko Tuhan Allah pe parenta-parenta, itu kase tunju torang butul-butul kanal pa Tuhan Allah.

Lukas 11:28

Tapi Yesus bilang pa dia, “Lebe sanang lagi orang yang suka badengar Tuhan Allah pe firman kong iko itu!”

Matius 12:50

Karna sapa saja yang biking Kita pe Bapa di Sorga pe mau, dia itu suda Kita pe sudara laki-laki, dia itu suda Kita pe sudara parampuang, deng dia itu suda Kita pe mama.”

Kolose 3:17

Kong samua yang ngoni biking deng ngoni bilang, ngoni biking suda samua itu deng bae-bae, karna ngoni Tuhan Yesus pe wakil di dunia. Kong ngoni lagi musti salalu bilang tarimakasi banya pa Tuhan Allah, torang pe Bapa karna apa yang Tuhan Yesus so biking.

Wahyu 22:7

Abis itu, Yesus bilang bagini, “Inga e! Tara lama lagi Kita akan datang ulang. Jadi orang yang iko Tuhan pe pasáng di kitab ini, dorang itu paling sanang.”

1 Yohanes 3:7

Jadi, ngoni yang kita sayang sama deng kita pa ana-ana, ngoni jaga diri bae-bae, jang sampe orang tipu pa ngoni kong ngoni iko ajaran yang tara butul. Sapa yang biking barang yang butul, dia itu orang yang hidup butul sama deng Yesus Kristus itu butul.

Yakobus 1:26

Kalu ada orang yang anggap dia pe diri rajin baibada, tapi dia salalu bicara yang tara bae atau tara jaga dia pe mulu, itu dia tipu dia pe diri sandiri. Jadi dia pe ibada pa Tuhan itu tarada guna.

Galatia 6:7

Sudara-sudara, jang sampe ngoni sala mangarti: apa yang torang biking, itu suda yang nanti Tuhan mo pake untuk tentukan apa yang Dia balas pa torang. Itu sama deng apa yang torang ada tanam di kobong, itu lagi hasil yang nanti torang mo pete. Jadi, jang ada yang bapikir dia bole mo kase bodo pa Tuhan Allah.

3 Yohanes 1:11

Gayus, kita pe sudara yang kita sayang, jang iko barang yang jahat, tapi iko barang yang bae. Sapa yang biking barang bae, dia itu Tuhan Allah pe umat. Tapi sapa yang biking barang yang jahat, dia itu bolong kanal pa Tuhan Allah.

Galatia 6:3

Karna kalu ada orang yang pikir kata, dia pe diri itu lebe penting dari orang laeng, padahal tara bagitu, dia itu so kase foya pa dia pe diri sandiri.

1 Korintus 6:9

Ngoni pasti tau, orang-orang yang biking tara butul, dorang tara mungkin jadi Tuhan Allah pe umat yang Dia Berkuasa sebagai Raja pa dorang pe hidup. Jang dengar orang yang bilang kata, Tuhan Allah pe umat bole biking barang tara bae, conto sama deng bagini: orang yang baseks sabarang, orang yang semba pa dia pe puji-puji, orang yang baku suka deng orang yang bukang dia pe laki atau bini, laki-laki yang baseks deng laki-laki,

Matius 28:20

Kong ngoni ajar pa dorang supaya dorang biking samua parenta yang Kita so perna ajar pa ngoni. Ngoni inga bae-bae e, Kita salalu sama-sama deng ngoni turus sampe ahir jaman.”

1 Yohanes 1:8

Kalu torang bilang torang tarada dosa, torang so tipu torang pe diri sandiri, kong yang butul pa torang so tara ada.

Filipi 4:8

Jadi sudara-sudara, ini kita pe nasehat terahir yang kita mo bilang pa ngoni. Ngoni musti pikir turus-turus samua yang ada guna macam bagini: samua yang butul, samua yang pantas orang hormati, samua yang adil, samua yang tara biking ngoni berdosa, samua yang bae, samua yang bagus yang orang suka mo kase carita, deng samua yang pantas untuk orang puji. Ngoni musti pikir turus samua itu.

1 Korintus 15:33

Ngoni so tau itu sala, jadi jang iko. Sama deng yang torang jaga dengar orang bilang bagini, “Kalu ngoni batamang deng orang yang pe kalakuang tara bae, ngoni pe kalakuang me akan beruba jadi tara bae lagi.”

Wahyu 12:9

Naga basar itu, setang-setang pe raja yang dong jaga bilang ‘Iblis’. Naga itu yang dari dulu salalu kase sesat orang-orang di seluru dunia ini. Dia deng malaekat-malaekat yang iko pa dia, samua dapa buang dari sorga di bumi.

2 Petrus 2:13

Tuhan Allah akan kase hukuman yang barát pa dorang untuk balas samua yang tara bae yang dorang so biking. Siang-siang me, dorang suka skali biking apa yang cuma kase sanang dong pe diri sandiri. Kong kalu ada acara makang-makang, dorang itu cuma kase puas dong pe diri saja. Dorang tara tau malu, jadi dong biking sampe ngoni jemaat pe nama bae rusak. Deng biking bagitu dorang sama deng noda yang biking kotor di kaeng satu yang bersi.

Titus 3:3

Barang, dulu waktu torang bolong percaya pa Yesus, torang tara mangarti apa-apa. Jadi torang malawang pa Tuhan, torang me tapengaru deng hal-hal yang jahat. Napsu deng keinginan yang tara bae so kuasai di torang pe hati kong torang hidup baku mangiri deng orang laeng. Torang jahat pa orang deng torang salalu baku binci.

1 Korintus 3:18

Kalu ngoni anggap ngoni pe diri pande, itu ngoni so tipu ngoni pe diri sandiri, karna ngoni cuma pande di manusia pe muka saja. Lebe bae, ngoni tarima Tuhan Allah pe ajaran. Deng bagitu, biar manusia di dunia anggap ngoni bodo, tapi Tuhan Allah anggap ngoni pande.

2 Timotius 3:13

Tapi orang yang jahat deng yang tukang tipu, dorang itu lebe hari lebe tamba jahat. Dorang tipu pa orang-orang kong orang laeng me tipu pa dorang.

Yakobus 4:11

Sudara-sudara, jang ngoni baku biking busu ngoni pe sudara pe nama. Sapa yang biking busu dia pe sudara pe nama atau tudu dia pe sudara itu sala, itu sama deng dia so biking busu deng kase sala Tuhan Allah pe aturan. Kong kalu ngoni kase sala Tuhan Allah pe aturan, ngoni itu tara iko aturan itu, tapi ngoni biking ngoni pe diri jadi hakim untuk kase sala aturan itu.