Yakobus 1:19 - Perjanjian Baru Bahasa Melayu Maluku Utara

¹⁹ Sudara-sudara yang kita sayang, ngoni musti inga hal-hal ini: kalu ada orang sementara bicara, ngoni dengar bae-bae dulu pa dia, jang ngoni capat bicara deng jang ngoni capat mara.

Yakobus 1:19 Referans Kwoze

Efesus 4:26

Kalu ngoni mara pa orang, jang sampe mara itu biking ngoni jadi berdosa. Deng jang ngoni simpang ngoni pe mara itu sampe matahari maso,

Kolose 3:8

Tapi skarang, ngoni buang suda samua yang tara bae, macam ini: pangmara, mara-mara sampe marontak, binci sampe biking barang jahat, kase tara bae orang pe nama, deng kase kaluar kata-kata kotor.

Efesus 4:31

Ngoni musti buang suda samua ngoni pe hati saki, simpang hati, deng mara-mara. Ngoni berenti suda mara-mara sampe marontak. Berenti suda kase tara bae orang pe nama, deng berenti lagi biking samua yang jahat.

Kolose 3:15

Biar suda Yesus Kristus biking ngoni pe hati tetap tenang, karna Tuhan Allah so pangge pa ngoni untuk hidup baku bawa bae-bae satu deng yang laeng, sama deng ngoni jadi Yesus Kristus pe badan yang taika satu deng yang laeng. Kong ngoni lagi musti salalu bilang tarimakasi banya pa Tuhan Allah.

Matius 5:22

Tapi Kita mo bilang pa ngoni e, sapa yang mara saja pa dia pe sudara, dia musti dapa hukum. Kong sapa yang momake pa dia pe sudara, musti dapa urus di agama Yahudi pe kumpulan yang paling tinggi yang pe nama Mahkama Agama. Deng sapa yang bilang dia pe sudara bodo, dia musti dapa hukum di api neraka yang mamanyala.

Yakobus 1:26

Kalu ada orang yang anggap dia pe diri rajin baibada, tapi dia salalu bicara yang tara bae atau tara jaga dia pe mulu, itu dia tipu dia pe diri sandiri. Jadi dia pe ibada pa Tuhan itu tarada guna.

1 Tesalonika 2:13

Torang lagi salalu bilang tarimakasi pa Tuhan Allah karna waktu torang kase tau pa ngoni Kabar Bae dari Tuhan Allah, ngoni tarima itu deng sanang hati. Ngoni tarima Kabar Bae itu karna ngoni tau, kata-kata itu bukang dari manusia, tapi dari Tuhan Allah. Deng memang itu butul dari Tuhan Allah. Kong Kabar Bae itu bakarja di ngoni pe hati yang percaya pa Yesus Kristus.

Kisah Para Rasul 17:11

Orang-orang Yahudi di kota Berea tara sama deng orang-orang Yahudi di kota Tesalonika. Dorang lebe siap tarima ajaran dari Paulus. Karna itu, dorang suka skali badengar deng tarima Kabar Bae tentang Yesus. Tiap hari dorang cari tau dari Kitab Suci, yang Paulus kase ajar itu butul ka tarada.

Lukas 19:48

tapi dorang tara tau bagimana dia pe cara mo bunu pa Dia, karna samua orang yang tinggal di kota itu so suka skali dengar Yesus pe ajaran.

Markus 2:2

Kong banya skali orang yang datang bakumpul sampe so tara tampa lagi, kong di muka pintu me so sasa deng orang-orang. Di situ, Yesus kase tau pa dorang tentang Tuhan Allah pe firman.

Kisah Para Rasul 10:33

Jadi, kita langsung suru pa dorang pigi ambe pa bapa, kong pe untung skali bapa mau datang kamari. Skarang torang samua so ada di sini, pa Tuhan Allah pe muka. Torang mo dengar samua yang Tuhan Allah suru bapa bilang pa torang.”

Kisah Para Rasul 2:42

Orang-orang percaya itu jaga bakumpul sama-sama untuk baku kase kuat dorang pe percaya pa Yesus. Dorang rajin dengar ajaran tentang Yesus dari rasul-rasul. Dorang pela-pela roti kong makang sama-sama, supaya inga Tuhan Yesus pe sengsara deng kematian. Dorang me berdoa sama-sama.

Lukas 15:1

Satu kali sama deng biasa, ada banya tukang tagi pajak deng orang-orang laeng yang orang anggap berdosa, dorang datang pa Yesus untuk dengar Dia pe ajaran.

1 Yohanes 2:21

Kita tulis surat ini pa ngoni, bukang karna ngoni tara tau ajaran yang butul, tapi karna ngoni so tau itu, deng ngoni me tau, tarada yang tara butul di ajaran yang butul itu.

Kisah Para Rasul 13:48

Waktu orang-orang bukang Yahudi dengar Paulus bilang bagitu, dorang sanang skali. Turus, dorang puji deng hormat pa Tuhan karna Tuhan pe ajaran itu. Abis itu, samua orang yang Tuhan Allah so pili mo dapa hidup deng Dia slama-lamanya, dorang itu jadi percaya.

Markus 12:37

Jadi, kalu raja Daud sandiri saja bilang Mesias itu dia pe Tuhan, bagimana lagi torang mo bilang Mesias itu cuma raja Daud pe turunan?” Kong orang banya suka skali dengar yang Yesus bilang.

Kisah Para Rasul 1:15

Satu kali bagini, waktu orang-orang yang percaya pa Yesus bakumpul sama-sama, dorang itu pe banya mangkali saratus dua pulu orang. Turus Petrus badiri pa dong pe tenga-tenga kong bilang,

Yakobus 1:2

Sudara-sudara, kalu ngoni dapa cobaan apa saja, ngoni musti tarima deng sanang hati.

Yakobus 1:16

Sudara-sudara yang kita sayang, jang sampe ngoni dapa tipu. Tuhan Allah tara perna kase cobaan pa ngoni la ngoni tagoda biking yang jahat.

Yakobus 2:1

Sudara-sudara, torang ini so percaya pa Yesus Kristus, torang pe Tuhan yang hebat. Jadi, jang pili-pili orang.

Yakobus 2:5

Sudara-sudara yang kita sayang, dengar yang kita mo bilang ini: orang miskin yang ada di dunia ini, Tuhan Allah so pili pa dorang la butul-butul percaya pa Dia. Dorang itu yang mo jadi Tuhan Allah pe umat yang Dia Berkuasa sebagai Raja pa dorang pe hidup, sama deng yang Dia so janji pa samua orang yang sayang pa Dia.

Yakobus 3:10

Torang pe mulu cuma satu saja, tapi kata-kata yang kaluar, ada yang puji pa Tuhan, deng ada lagi yang kutuk pa manusia. Sudara-sudara, sebenarnya torang tara bole bagitu!

Yakobus 4:11

Sudara-sudara, jang ngoni baku biking busu ngoni pe sudara pe nama. Sapa yang biking busu dia pe sudara pe nama atau tudu dia pe sudara itu sala, itu sama deng dia so biking busu deng kase sala Tuhan Allah pe aturan. Kong kalu ngoni kase sala Tuhan Allah pe aturan, ngoni itu tara iko aturan itu, tapi ngoni biking ngoni pe diri jadi hakim untuk kase sala aturan itu.

Yakobus 5:12

Sudara-sudara, yang paling penting itu, waktu ngoni bilang satu barang atau bajanji tentang satu hal, jang ngoni kase kuat ngoni pe kata-kata atau ngoni pe janji itu pake sumpa demi nama Tuhan Allah, demi orang di bumi, atau demi apa saja. Kalu yang ngoni bilang itu butul, ngoni cukup bilang saja “Iyo”. Kalu itu tara butul, bilang saja “Tarada”. Kalu ngoni biking bagitu, Tuhan Allah tara akan hukum pa ngoni.

Yakobus 5:19

Sudara-sudara, kalu ada dari ngoni yang dulu percaya pa Tuhan tapi so tara iko lagi Tuhan pe ajaran, lebe bae ada orang yang bantu pa dia supaya dia bale ulang pa Tuhan.