Wahyu 18:10 - Perjanjian Baru Bahasa Melayu Maluku Utara

¹⁰ Dorang akan badiri kong lia-lia dari jao kota itu, karna tako jang sampe dong rasa siksa sama deng orang-orang di kota itu. Turus dorang bilang bagini, “Ado! Kasiang Babel! Kota basar, yang kuat. Cuma satu jam saja, kota itu langsung ancor! Babel so dapa hukum!”

Wahyu 18:10 Referans Kwoze

Wahyu 18:19

Dorang ambur abu di dong pe kapala, tanda dong sedi, deng manangis deng badodora untuk kota Babel. Dorang bilang deng suara yang kuat bagini, “Ado, kasiang Babel e, dapa cilaka basar! Dari kota ini samua orang yang punya kapal jadi kaya. Tapi kasiang, cuma deng satu jam saja, samua dia pe kekayaan langsung abis.”

Wahyu 18:8

Karna dong talalu makang puji bagitu, jadi dorang akan dapa cilaka yang jadi hukuman pa dong pe diri. Dalam satu hari saja, dorang dapa saki barát, kelaparan, deng dorang mamanangis karna talalu sengsara. Dorang me akan mati deng api yang kase angus pa dorang. Hukuman yang dong tarima itu dari Tuhan Allah, Dia itu Tuhan yang kuat.”

Wahyu 14:8

Abis itu, kita lia malaekat yang kedua datang lagi, dia bilang bagini, “Suda, so ancor! So ancor, kota Babel yang basar itu. Kota itu so rata deng tana! Barang, orang-orang di kota Babel itu so pengaru pa samua suku bangsa di bumi la iko dong pe kalakuang tara bae. Itu sama deng parampuang tara bae so kase minum anggur pa dorang kong dong mabo sampe baseks sabarang.”

Wahyu 17:12

Tandu spulu yang ngana so lia di binatang jahat itu me, spulu raja. Tapi dorang itu bolong punya kuasa. Nanti dorang akan dapa kuasa jadi raja selama satu jam sama-sama deng binatang jahat itu.

Wahyu 11:8

Dua saksi itu pe mayat akan tabiar-biar di jalang basar, di kota basar yang dulu orang-orang salib pa dorang pe Tuhan. Orang-orang di kota itu pe jahat skali, sampe orang jaga bilang kota itu kota Sodom atau Mesir dulu.

Wahyu 16:19

sampe kota Babel yang basar itu tabalá jadi tiga. Deng kota-kota laeng yang dia pe orang tara kanal pa Tuhan Allah me ancor samua. Itu jadi karna Tuhan Allah tara lupa Dia pe mara pa kota Babel yang basar itu, tapi kase hukuman pa dorang tarada ampun. Itu sama deng Dia kase pa dorang minum anggur yang kuat skali.

Wahyu 18:18

Dorang samua bataria karna lia asap dari api yang bakar kota itu. Dorang bilang, “Ado kasiang! Tarada kota laeng lagi yang hebat sama deng kota Babel.”

Wahyu 18:21

Abis itu, kita lia malaekat satu yang kuat. Dia angka batu basar skali, dia pe basar sama deng batu gilingan di tampa bagiling gandum, kong dia buang di laut. Waktu dia buang, dia bilang bagini, “Bagini dia pe cara Tuhan Allah akan buang kuat-kuat kota Babel ka bawa, sampe kota itu so tara akan dapa lia lagi.