Wahyu 10:6 - Perjanjian Baru Bahasa Melayu Maluku Utara

⁶ Malaekat itu basumpa demi Tuhan Allah yang hidup slama-lamanya, deng yang so biking sorga deng dia pe isi, bumi deng dia pe isi, laut deng dia pe isi. Malaekat itu bilang bagini, “Tuhan Allah so tara tunda-tunda lagi. Apa yang Dia so bilang itu so mo jadi!

Wahyu 10:6 Referans Kwoze

Wahyu 4:11

“Ya Tuhan Allah torang pe Tuhan. Cuma Tuhan saja yang pantas mo dapa puji deng hormat, deng Tuhan yang punya kuasa. Barang, Tuhan so cipta samua-samua yang ada, kong samua itu ada karna Tuhan suka itu ada, Tuhan yang biking samua itu.”

Wahyu 16:17

Abis itu, malaekat yang ketuju buang mangko yang dia pegang itu pe isi di udara. Kong dapa dengar suara dari kursi raja yang ada di dalam Tuhan Allah pe Ruma di sorga, yang bilang bagini, “Samua Kita pe hukuman ini so abis, Kita so tara mara lagi.”

Wahyu 4:9

Ampa binatang itu kase dong pe puji-pujian deng hormat pa Tuhan Allah yang dudu di kursi raja. Dorang me bilang tarimakasi pa Dia, Dia itu yang hidup slama-lamanya. Kong tiap kali dorang biking bagitu,

Wahyu 1:18

Kita ini yang hidup! Memang Kita so perna mati, tapi lia skarang Kita so hidup ulang, kong Kita tetap hidup sampe slama-lamanya. Kita yang pegang samua kunci maut, itu berarti, Kita ada kuasa untuk kase hidup ulang orang yang so mati. Pa Kita me ada kunci kerajaan maut, itu berarti, Kita ada kuasa di tampa orang-orang yang mati.

Wahyu 4:10

dua pulu ampa pemimpin itu berlutut semba pa Dia yang dudu di kursi raja itu. Dia itu yang hidup slama-lamanya. Kong waktu itu, dorang buka dong pe makota, turus dorang taru di muka kursi raja itu deng bilang bagini,

Wahyu 6:11

Abis itu, samua orang mati itu pe roh masing-masing tarima dong pe juba puti, kong ada yang bilang pa dorang, supaya tunggu sadiki karna dong pe jumla bolong genap. Barang, masi ada lagi dong pe sudara-sudara yang percaya, deng orang laeng yang jaga biking apa yang Tuhan suru yang nanti mo mati dapa bunu sama deng dorang itu. Waktu itu, baru dong pe jumla jadi genap, kong Tuhan mo hukum pa orang-orang di dunia.

Wahyu 12:12

Jadi sanang suda ngoni samua yang tinggal di sorga! Tapi kasiang samua orang yang hidup di bumi deng di laut. Iblis so turung pa ngoni deng dia mara skali, karna dia tau, dia pe waktu biking jahat di dunia ini tara lama lagi mo abis.”

Wahyu 21:6

Dia bilang lagi pa kita, “Samua itu so selesai. Kita ini Alfa deng Omega, yang pe arti, mulai dari pertama dunia ini bolong ada, Kita so ada, deng sampe dunia abis, Kita tetap ada. Sapa yang aus, Kita mo kase aer minum deng cuma-cuma pa dia. Aer itu dari mata aer yang biking orang hidup deng Tuhan Allah slama-lamanya.