Titus 3:9 - Perjanjian Baru Bahasa Melayu Maluku Utara

⁹ Jang ngana baku malawang tentang asal-usul orang tua dulu-dulu deng tentang hal-hal laeng yang tarada dia pe guna. Ngana me tara bole baku malawang deng bakalae tentang aturan yang ada di lima kitab Musa, karna itu tarada dia pe guna deng cuma buang-buang waktu saja.

Titus 3:9 Referans Kwoze

2 Timotius 2:14

Timotius, kase inga pa orang-orang percaya apa yang kita so bilang pa ngana. Bilang pa dorang sunggu-sunggu pa Tuhan Allah pe muka, dorang tara bole baku malawang tentang kata-kata pe arti, karna tarada guna, deng cuma mo biking kaco pa orang-orang yang dengar.

2 Timotius 2:23

Jang ngana taiko-iko baku malawang hal-hal yang tara butul deng tara dia pe guna, karna ngana tau, baku malawang bagitu cuma mo biking orang baku mara.

1 Timotius 4:7

Jang ngana badekat deng orang-orang yang suka carita dulu-dulu yang tarada dia pe guna, yang Tuhan Allah tara suka itu. Tapi lebe bae, ngana lati ngana pe diri bae-bae supaya ngana bole biking Tuhan Allah pe mau.

2 Timotius 2:16

Jang ngana badekat pa orang-orang yang bacarita yang tarada guna deng yang tara hormati pa Tuhan Allah. Karna orang-orang yang jaga bacarita bagitu, dong itu tara iko Tuhan Allah pe mau.

Titus 1:14

Kong togor pa dorang supaya jang dengar lagi orang Yahudi pe carita-carita dulu-dulu yang tara guna deng aturan-aturan dari orang-orang yang so tara iko ajaran yang butul.

1 Korintus 8:1

Skarang kita mo bicara tentang daging yang orang so biking persembahan untuk dorang pe puji-puji. Memang ngoni orang percaya so tau, orang pe puji-puji itu tarada kuasa. Tapi karna ngoni so tau itu, ada dari ngoni yang jadi sombong. Lebe bae ngoni baku sayang, itu yang bole kase kuat orang pe percaya.

1 Korintus 13:2

Biar lagi kita ada karunia untuk kase turus pasáng yang Tuhan Allah kase pa kita, deng biar lagi kita tau samua Tuhan Allah pe rencana yang orang laeng bolong tau, deng biar lagi kita tau samua hal, deng biar lagi kita pe percaya kuat sampe bole kase pinda gunung, tapi kalu kita tara sayang pa orang laeng, kita sama skali tara guna.

Yakobus 4:1

Bikiapa kong ngoni baku malawang deng bakalae? Itu karna di ngoni pe hati ada keinginan-keinginan yang tara bae. Keinginan-keinginan yang tara bae itu baku malawang di ngoni pe hati untuk kontrol ngoni pe diri sampe ngoni biking barang yang jahat.