Titus 3:8 - Perjanjian Baru Bahasa Melayu Maluku Utara

⁸ Samua yang kita so kase ajar ini butul, kong itu bagus deng ada guna untuk samua orang. Kita mau ngana bilang deng tegas ajaran ini pa samua orang yang percaya pa Tuhan Allah, supaya dorang berusaha butul-butul biking barang yang bae.

Titus 3:8 Referans Kwoze

Titus 3:14

Torang pe orang-orang yang percaya musti rajin biking yang bae supaya bole tolong orang laeng pe keperluan hari-hari. Deng bagitu, dong pe hidup ada dia pe guna.

Titus 2:14

Dia yang so serakan Dia pe diri untuk mati la kase bebas pa torang dari torang pe dosa. Dia biking torang pe hati jadi bersi, sampe torang jadi Dia pe umat sandiri yang suka biking barang yang bae.

Titus 1:9

Dia musti pegang butul-butul Tuhan pe ajaran yang dia so dapa, supaya dia mampo kase nasehat pa orang laeng iko ajaran itu, deng dia me bisa kase mangarti pa orang-orang yang suka lawan ajaran yang butul supaya dorang jadi yakin deng ajaran itu.

Titus 3:1

Titus, ngana musti kase inga pa orang-orang percaya supaya dorang salalu dengar-dengaran pa pemerinta deng pa sapa saja yang berkuasa. Kong dorang me musti salalu siap biking apa saja yang bae.

1 Petrus 1:21

Karna Yesus Kristus so kase slamat pa ngoni, ngoni bole percaya pa Tuhan Allah. Tuhan Allah itu yang so kase hidup ulang pa Yesus Kristus waktu Dia mati, deng yang biking Yesus Kristus dapa puji deng hormat. Deng bagitu, ngoni bole percaya deng baharap pa Tuhan Allah.

1 Timotius 1:15

Kata-kata yang kita mo bilang ini, butul skali. Ngana musti tarima deng percaya deng hati yang sunggu-sunggu bagini, “Kristus Yesus datang di dunia untuk kase slamat orang berdosa.” Kong dari samua orang yang perna biking dosa, kita ini suda yang paling banya biking dosa.

Roma 4:5

Tapi torang tara bagitu. Torang jadi orang yang tara sala pa Tuhan Allah pe muka, bukang karna torang pe suar lala, tapi karna torang percaya pa Dia. Dia itu yang biking torang jadi orang yang tara sala pa Dia pe muka, bukang karna torang jaga biking barang yang butul, tapi karna torang pe percaya pa Dia. Dia itu yang bole biking orang yang malawang Dia pe parenta jadi orang yang tara sala pa Dia pe muka.

Yohanes 12:44

Kong Yesus bilang deng suara kuat, “Sapa saja yang percaya pa Kita, dia bukang cuma percaya pa Kita, tapi dia lagi percaya pa Tuhan Allah yang so utus pa Kita datang di dunia ini.

Yohanes 5:24

Inga bae-bae yang Kita bilang ini. Sapa saja yang dengar apa yang Kita bilang deng percaya pa Tuhan Allah yang utus pa Kita, dia itu akan dapa hidup deng Tuhan Allah slama-lamanya. Dia so tara dapa hukuman tapisa deng Tuhan Allah tapi dia so talapas dari hukuman itu, kong so dapa hidup deng Tuhan Allah slama-lamanya.

Filemon 1:11

Memang dulu, dia tara ada guna pa ngana kong so lari dari ngana. Tapi skarang, dia so ada guna skali, bukang cuma pa ngana tapi pa kita lagi.

2 Korintus 4:13

Di Kitab Suci ada tatulis bagini, “Karna kita percaya, jadi kita barani bicara.” Bagitu lagi deng torang. Torang percaya, jadi torang tetap barani kase tau Kabar Bae tentang Yesus Kristus pa orang-orang.

Kisah Para Rasul 12:15

Tapi orang-orang di situ bilang pa pembantu parampuang itu, “Ngana so gila kaapa!” Tapi pembantu itu bakaras bilang, di sana itu butul-butul Petrus. Dorang bilang lagi, “Itu mangkali cuma Tuhan pe malaekat yang jaga pa Petrus kaapa.”

Efesus 4:28

Orang yang papancuri, berenti suda bapancuri. Tapi lebe bae dia rajin bakarja, supaya deng dia pe hasil karja itu dia bole barbage pa orang yang ada kekurangan.

1 Timotius 2:8

Karna itu, kita mau orang-orang percaya berdoa di mana-mana, yang laki-laki angka tangan kong puji pa Tuhan deng hati yang bersi. Dorang tara bole mara deng tara bole baku malawang deng orang laeng.

1 Timotius 5:10

deng orang-orang musti tau dia itu orang bae-bae. Dia urus dia pe ana-ana bae-bae, suka tarima orang laeng di dia pe ruma, jaga layani pa orang-orang yang percaya pa Tuhan, deng jaga bantu pa orang-orang susa. Jadi dia itu salalu biking bae pa samua orang.

2 Timotius 1:12

Kong karna kita kase tau Kabar Bae itu, kita dapa siksa dari orang-orang yang tara suka Kabar Bae itu sampe dong kase maso pa kita di penjara. Tapi biar bagitu me, kita tara malu, karna kita tau butul Tuhan yang kita percaya itu, deng kita yakin Dia pe kuasa ada pa kita turus untuk jaga tugas yang Dia so kase percaya pa kita sampe Dia datang ulang yang kedua kali.

Titus 2:7

Kong Titus, ngana lagi pe kalakuang musti bagus, supaya ngana bole jadi conto pa dorang. Kalu ngana mangajar, musti deng hati yang bersi deng sunggu-sunggu.

Ibrani 10:24

Deng mari suda torang baku perhatikan, deng baku kase smangat, supaya torang samua lebe tamba sayang pa orang-orang, deng lebe tamba biking hal-hal yang bae.

Matius 20:4

Kong dia bilang pa dorang, ‘Ngoni karja di kita pe kobong anggur e. Nanti kita bayar pa ngoni deng gaji yang sesuai.’ Pe dengar itu, dorang pigi bakarja di kobong.